ဧရာဝတီတိုင်း

September 16, 2021

ဧရာဝတီတိုင်းက ဘုန်းကြီးကျောင်းများတွင် ညအိပ်ဧည့်သည်လက်မခံရန် ညွှန်ကြား

ဧရာဝတီတိုင်းဒေသကြီးအတွင်းရှိ မြို့နယ်အားလုံးက ဘုန်းကြီးကျောင်းတွေမှာ ညအိပ်ဧည့်သည် လက်မခံဖို့ အာဏာသိမ်းစစ်ကောင်စီက စက်တင်ဘာ ၁၄ ရက်နေ့က စတင်ကြေညာခဲ့တယ်လို့ သိရပါတယ်။

ပုသိမ်မြို့၊ အမှတ် ၂ ရပ်ကွက်က ဘုန်းကြီးကျောင်းမှာ လက်လုပ်မိုင်း ၁ လုံးပေါက်ကွဲပြီးနောက်ပိုင်းမှာ ခုလိုမျိုးကြေညာချက် ထွက်လာတာလို့ ကျောင်းထိုင်ဆရာတော်အချို့က မိန့်ပါတယ်။

"ဟိုတစ်နေ့ညပိုင်းက ဗုံးပေါက်တယ်၊ အဲ့နောက်ပိုင်း ကျောင်းတွေကိုဝင်စစ်တယ်၊ မနေ့က ကျောင်းတွေမှာ ဧည့်သည်လက်မခံဖို့ဆိုတဲ့ စာထွက်လာတာ” လို့ ဆရာတော်တပါးက မိန့်ပါတယ်။

ရဟန်းတော်များ သီတင်းသုံးတဲ့ ကျောင်းတိုက်တွေမှာ နေထိုင်သူ လူပုဂ္ဂိုလ်များအားလုံး ဖယ်ရှားဖို့နဲ့ ညအိပ်ဧည့်သည် လက်မခံဖို့ ဧရာဝတီတိုင်းသံဃနာယကအဖွဲ့က ညွှန်ကြားခဲ့တယ်လို့ ဆိုပါတယ်။

6 days Ago

ပုသိမ်မြို့တွင် ဗုံးလန့်မှုဖြစ်ပွား

ဧရာဝတီတိုင်း၊ ပုသိမ်မြို့၊ အမှတ် ၃ ရပ်ကွက်မှာ စက်တင်ဘာလ ၁၅ ရက်နေ့က အွန်လိုင်းလျှော့ပင်းက ပစ္စည်းလာပို့တဲ့အထုပ်အား ဗုံးဟုထင်ပြီး ဗုံးလန့်မှုဖြစ်ပွားခဲ့တယ်လို့ သိရပါတယ်။

အမှတ် ၃ ရပ်ကွက်၊ တောရကျောင်းလမ်းက အိမ်ကို ပါဆယ်လာပို့ချိန် အမည်နဲ့ နေရပ်လိပ်စာမပါတဲ့ အထုပ်အား ဖွင့်မကြည့်ရဲတာကြောင့် ရဲနဲ့စစ်တပ်က လာဖွင့်ခဲ့ရတယ်လို့ ဒေသခံတွေက ပြောပါတယ်။

"နာမည်မပါ၊ လိပ်စာမပါ ပစ္စည်း ပို့ခဲ့တဲ့ကားကလည်း သေချာမပြော၊ အိမ်ရှေ့အထုပ်ကို ဘုတ်စို ပစ်ချ၊ ပါဆယ်ဆိုပြီးအော်ပြီး မောင်းသွားတော့ စဥ်းစားစရာတွေဖြစ်ကုန်ရော ပြီးမှ ရဲတွေလာ၊ သူတို့လည်း နောက်ထပ်စစ်သားတွေထပ်ခေါ်ပြီးမှ စစ်သားတွေဖွင့်ကြည့်မှ အားဆေးဘူးတွေ ထွက်လာတယ်” လို့ ဒေသခံတဦးက ပြောပါတယ်။

ဒေသခံ ရာအိမ်မှူးက ရဲကိုဖုန်းဆက်အကြောင်းကြားခေါ်တာကြောင့် ရဲနဲ့စစ်တပ်ရောက်လာပြီး လာရောက်စစ်ဆေးချိန် အားဆေးဘူး ၄ ဘူးကို တိပ်နဲ့ပတ်ထားတာတွေ့ပြီး ပိုင်ရှင်မရှိတာကြောင့် စစ်တပ်က သိမ်းယူသွားတယ်လို့ဆိုပါတယ်။

ပုသိမ်မြို့မှာ စစ်တပ်အာဏာသိမ်းပြီးနောက်ပိုင်း ဗုံးပေါက်ကွဲမှု ၁၃ ကြိမ်ထိရှိခဲ့ကာ ဗုံးလန့်မှု ၂ ကြိမ်ထိဖြစ်ပွားခဲ့ပါတယ်။

7 days Ago

July 28, 2021

ဧရာဝတီတိုင်းအတွင်း မြို့နယ်အချို့ ရေကြီးမှုများကြောင့် နေအိမ် ၅၀၀ ကျော်ရွှေ့ပြောင်း

ဧရာဝတီတိုင်းမှာ ဇူလိုင်လ ၂၂ ရက်နေ့ကစတင်ကာ မိုးအဆက်မပြတ်ရွာသွန်းခဲ့တာကြောင့် မြို့နယ်အချို့ရေကြီးနစ်မြုပ်မှုကြောင့် နေအိမ် ၅၀၀ ကျော်ရွှေ့ပြောင်းခဲ့ရတယ်လို့ သိရပါတယ်။

ဧရာဝတီတိုင်း၊ ဟင်္သါတခရိုင်အတွင်းက ကြံခင်း၊ မြန်အောင်၊ အင်္ဂပူမြို့နယ်တွေက ကျေးရွာ အချို့မှာ ဇူလိုင်လ ၂၇ ရက်နေ့ ညနေပိုင်းကစတင်ကာ ရေကြီးတာတွေရှိလာလို့ ဒေသခံအချို့ နေအိမ်ရွှေပြောင်းတာတွေ ပြုလုပ်လာခဲ့တယ်လို့ မီးသတ်တပ်ဖွဲ့က သတင်းထုတ်ပြန်ပါတယ်။

"မိုးကနေ့တိုင်းလို့ ရွာနေတော့ ရေကတဖြည်းဖြည်းတိုးလာတာ မနေ့ကတော့ အနိမ့်ပိုင်းက ရွာတချို့စပြောင်းရတယ်၊ ဒီတိုင်း ဆက်ရွာနေမယ်ဆို အားလုံးပြောင်းရမှာ ဒီမနက်ပိုင်းတော့ မရွာသေးဘူး''လို့ ဒေသခံတဦးကပြောပါတယ်။

မိုးရွာသွန်းမှုကြောင့် ကြံခင်း၊ ဘက်ရဲ၊ မြန်အောင်နဲ့ အင်္ဂပူမြို့နယ်ဘက်က အနိမ့်ပိုင်းကျေးရွာတွေမှာ နေထိုင်တဲ့ ဒေသခံအိမ်ခြေ ၅၀၀ ကျော်လောက်ကို ရွေ့ပြောင်းပေးခဲ့ရတယ်လို့ ဆိုပါတယ်။

ရေတက်လာလို့ ရွှေ့ပြောင်းခဲ့ရတဲ့ ဒေသခံတွေကို နီးစပ်ရာ ဘုန်ကြီးကျောင်း၊ စာသင်ကျောင်းနဲ့ ဓမ္မာရုံတွေကို ရွှေ့ပြောင်းပေးထားတယ်လို့ သိရပါတယ်။

2 months Ago
More News
Up