ဧည့်လမ်းညွှန်

A d v e r t i s e m e n t With Us

July 7, 2020

ပြင်သစ်အစိုးရ၏ အကူအညီ မရသဖြင့် ဧည့်လမ်းညွှန်များ ဆန္ဒပြ

ပြင်သစ်နိုင်ငံ မြို့တော်ပါရီ လိုဗှာ ပြတိုက်အပြင်မှာ ဇူလိုင် ၆ ရက်က ဧည့်လမ်းညွှန်တွေဟာ ပါးစပ်နှာခေါင်းစည်းတွေကို ဝတ်ဆင်ပြီး မိုနာလီဇာရဲ့ ပုံတူ ကားချပ်တွေကို ကိုင်ဆောင် ဆန္ဒပြခဲ့ကြပါတယ်။ ကိုရိုနာဗိုင်းရပ်စ် ကူးစက် ကပ်ဘေးအတွင်း ကမ္ဘာလှည့်ခရီးသည်တွေ အဝင်ရပ်နေချိန်မှာ သူတို့ကို ကူညီဖို့ အစိုးရကပံ့ပိုးရေး တောင်းဆို ဆန္ဒပြခဲ့ကြတာပါ။ ရောဂါကပ်ဘေးကြောင့် အသွားအလာကန့်သတ်တဲ့ လော့ဒေါင်းကို လေးလကြာ ချမှတ်အပြီး ပထမဆုံးအနေနဲ့ ပြတိုက်ကို ဧည့်သည်တွေအတွက် ပြန်ဖွင့်ပေးချိန်မှာ ဆန္ဒပြတာလည်း ဖြစ်ပါတယ်။ ကမ္ဘာလုံးဆိုင်ရာ ကပ်ဘေးကူးစက်မှုကြောင့် မထိခိုက်ရအောင် ခရီးသွားလုပ်ငန်းကဏ္ဍကို ထောက်ပံ့ဖို့  ပြင်သစ်အစိုးရက အမေရိကန် ဒေါ်လာ ၁၉ ဘီလျံတန် လုပ်ဆောင်ချက်တွေကို မေလမှာ ကြေညာခဲ့ပါတယ်။  ဒါပေမယ့် အကူအညီ ရန်ပုံငွေတွေဟာ ဧည့်လမ်းညွှန်တွေဆီကို မရောက်လာခဲ့ဘဲ အများစုက ကာလတို ကန်ထရိုက်တွေဆီ ရောက်သွားတဲ့အတွက် ဧည့်လမ်းညွှန်တွေမှာ ဘဏ္ဍာရေး အခက်အခဲတွေ ရင်ဆိုင်နေရတယ်လို့ ဆန္ဒပြသူတယောက်က ပြောပါတယ်။ ပါရီမြို့တော်ကို နိုင်ငံခြားသား ခရီးသည်တွေ ကပ်မဆိုက်ခင်ကလို ပြန်လာကြဖို့ လချီပြီး အချိန်ယူရနိုင်တယ်လို့ ရိုက်တာ သတင်းဌာနက ရေးပါတယ်။ ပြတိုက်ကတော့ ဇူလိုင် ၆ ရက်နေ့ စတင်ဖွင့်လှစ်လိုက်ပြီး အရင်တုန်းက လာတဲ့ ဧည့်သည်ဦးရေရဲ့ ငါးပုံတပုံ ဖြစ်တဲ့ လူ ၇၀၀၀ လောက် လာရောက်လည်ပတ်ဖို့ မျှော်လင့်ထားတယ်လို့ ပြောခဲ့ပါတယ်။
8 months Ago

March 29, 2020

ဧည့်လမ်းညွှန်နေခဲ့သည့် အိမ်နှင့်လမ်းကို ဝင်ထွက်ခွင့်ပိတ်ပြီး ပိုးသတ်ဆေးဖျန်း(ဓာတ်ပုံ)

ကိုရိုနာဗိုင်းရပ်စ် အတည်ပြုလူနာ ဧည့်လမ်းညွှန်အမျိုးသမီး နေထိုင်ရာ ဗဟန်းမြို့နယ် ဆရာစံမြောက်/အရှေ့ရပ်ကွက် ကျောက်ရေတွင်းလမ်းက နေအိမ်မှာ နေထိုင်သူတွေနဲ့ လမ်းကို ဝင်ထွက်သွားလာခွင့် ပိတ်လိုက်ပြီး မတ် ၂၈ ရက်နေ့က ပိုးသတ်ဆေးဖျန်းခဲ့ပါတယ်။ Photo - Ko Ye / MPA
11 months Ago

COVID-19 လူနာ ဧည့်လမ်းညွှန်သွားခဲ့သည့် ရှမ်းပြည်နယ်က နေရာအချို့ကို Lockdown ပြုလုပ်

COVID-19 ရောဂါအတည်ပြု ဧည့်လမ်းညွှန်နဲ့ ခရီးသည်တွေ သွားလာခဲ့တဲ့ ရှမ်းပြည်နယ်အတွင်း ညောင်ရွှေ၊ ကလော၊ ပင်းတယရှိ တည်းခိုခန်း၊ စားသောက်ဆိုင် နေရာတွေကို မတ် ၂၈ ရက်က Lock down ပြုလုပ်လိုက်ပါတယ်။ “အင်းထဲက ဖောင်တော်ဦးဘုရားလည်း ပိတ်ပြီ၊ အလိုတော်ပေါက်လည်း ပိတ်ပြီ၊ ပင်းတယလိုဏ်ဂူလည်း ပိတ်ပြီ၊ နောက် ထမ်းဆန်းဂူလည်း ပိတ်ပြီ၊ လုံးဝ လက်မခံတော့ဘူး။ အဝင်အထွက်တွေကို။ နောက် လူနာအမှတ် ၈ သွားခဲ့တဲ့ နေရာအကုန် Lock down လုပ်တယ်၊ quarantine လုပ်တယ်” လို့ ရှမ်းပြည်နယ် စီမံကိန်း၊ စီးပွားရေးနဲ့ ဘဏ္ဍာရေးဝန်ကြီး ဦးစိုးညွန့်လွင်က ဆိုပါတယ်။ အဲဒီ ဧည့်လမ်းညွန်အမျိုးသမီးဟာ မတ် ၁၉ ရက်က ရှမ်းပြည်တောင်ပိုင်းကို မီနီဘတ်စ် 9J- 8439 ဖြင့် တက်လာပြီး၊ ကလောမြို့မှာ တညအိပ်ပြီး ကလောမြို့မှတဆင့် ပင်းတယလိုဏ်ဂူ၊ ညောင်ရွှေမြို့ရှိ အင်းပေါခုန်၊ စံကားတို့ဘက်ကို သွားရောက်လည်ပတ်ခဲ့တယ်လို့ သိရပါတယ်။ အဲဒီနေရာအားလုံးကို ရှမ်းပြည်နယ်အစိုးရက Lock down လုပ်ပြီး ပိုးသတ်ဆေးတွေ ဖျန်းသွားမယ်လို့ ဦးစိုးညွန့်လွင် ကဆိုပါတယ်။ ဧည့်လမ်းညွှန်တည်းခဲ့တဲ့ ကလောဟိုတယ်မှာလည်း hotel quarantine နဲ့ Lock down လုပ်သွားမှာဖြစ်ပြီး ကလောစျေးကိုလည်း ဆေးဖျန်းမယ်လို့လည်း ကလောမြို့နယ် ပြည်သူ့လွှတ်တော်ကိုယ်စားလှယ် ဒေါ်ပြုံးကေသီနိုင်က သူ့ရဲ့ facebook လူမှုစာမျက်နှာကတဆင့် ပြည်သူတွေကို အသိပေးထားပါတယ်။ ခွန်ရာဇာ
11 months Ago
Up