ဦးခင်ညွန့်နှင့်ဇနီး

October 24, 2021

သမိုင်းတွင် နေ့စွဲများ (၁၈-၂၄ အောက်တိုဘာ)

၁၈ အောက်တိုဘာ

လျှပ်စစ်မီးသီး၊ ဓာတ်ပုံ၊  ရုပ်ရှင်ပြစက်တွေ အပါအဝင် နာမည်ကျော်လူသုံးပစ္စည်းထောင်ဂဏန်းထိ တီထွင်ဖန်တီးခဲ့တဲ့ သောမတ်စ်အက်ဒီဆင်ဟာ ၁၉၃၁ အောက်တိုဘာလ ၁၈ ရက်နေ့မှာ ကွယ်လွန်ခဲ့ပါတယ်။ 

Thomas Alva Edison (1847-1931) Photo-www.flickr.com

၁၉ အောက်တိုဘာ

နအဖ စစ်အစိုးရလက်ထက်မှာ နာမည်ဆိုးနဲ့ကျော်ကြားခဲ့တဲ့ ဗိုလ်ချုပ်ကြီး ခင်ညွန့်ဟာ အကျင့်ပျက်ချစားမှု စွဲချက်တွေနဲ့ ၂၀၀၄ ခုနှစ် အောက်တိုဘာ ၁၉ ရက်နေ့မှာ ဝန်ကြီးချုပ်ရာထူးက ဖယ်ရှားခံရပြီး နေအိမ်အကျယ်ချုပ် ကျခံခဲ့ရပါတယ်။ ၂၀၁၂ ဇန်နဝါရီလ ၁၃ ရက်မှာ ပြန်လည်လွတ်မြောက်ပါတယ်။ 

General Khin Nyunt and his wife (1939- ) Photo-https://commons.wikimedia.org/

၂၀ အောက်တိုဘာ 

လစ်ဗျားနိုင်ငံကို နှစ်ပေါင်း ၅၀ လောက် ဖိနှိပ်အုပ်ချုပ်ခဲ့တဲ့ စစ်အာဏာရှင် မွန်မာ ဂဒါဖီဟာ နာမည်ကျော် အာရပ်နွေဉီးတော်လှန်ရေးကာလအတွင်း  ၂၀၁၁ခုနှစ် အောက်တိုဘာ ၂၀ ရက်နေ့မှာ ပြည်သူလူထုက ဝိုင်းဝန်းသတ်ဖြတ်ခံရလို့ မရှုမလှ အသက်ဆုံးရှုံးရပါတယ်။ 

Muammar Gaddafi (1942-2011) Photo-www.flickr.com

၂၂ အောက်တိုဘာ 

နာမည်ကျော် ပြင်သစ် စာရေးဆရာ ဖြစ်တည်မူပဓာနဝါဒရဲ့ အဓိက တွေ့ခေါ်ရှင် ယန်းပေါဆတ်ဟာ ၁၉၆၄ ခုနှစ် အောက်တိုဘာ  ၂၂ ရက်နေ့မှာ စာပေဆိုင်ရာ နိုဘယ်ဆုကို လက်ခံယူဖို့ ငြင်းပယ်ခဲ့ပါတယ်။ 

Jean Paul Sartre (1905-1980) Photo-www.flickr.com

၂၂ အောက်တိုဘာ

အင်ပရက်ရှင်းနစ် ပန်းချီလောကမှာ ထင်ရှားကျော်ကြားတဲ့ ပေါစီဇန်းဟာ ၁၉၀၆ခုနှစ် အောက်တိုဘာ ၂၂ရက်မှာ ကွယ်လွန်ခဲ့ပါတယ်။ 

Paul Cezanne (1839-1906) Photo-https://commons.wikimedia.org/
1 year Ago

January 10, 2021

စစ်ထောက်လှမ်းရေးအကြီးအကဲဟောင်း ဦးခင်ညွန့်နှင့်ဇနီး ကိုဗစ်-၁၉ရောဂါ ကူးစက်ခံရ

စစ်ထောက်လှမ်းရေးအကြီးအကဲဟောင်းနဲ့ နိုင်ငံတော်ဝန်ကြီးချုပ်ဟောင်းဖြစ်သူ ဦးခင်ညွန့်နဲ့ဇနီး ဒေါက်တာဒေါ်ခင်ဝင်းရွှေတို့ဟာ ကိုဗစ်-၁၉ ရောဂါကူးစက်ခံထားရတယ်လို့ မရမ်းကုန်းမြို့နယ်အုပ်ချုပ်ရေးမှူး ဦးထွန်းချစ်က ပြောပါတယ်။ 

မရမ်းကုန်းမြို့နယ်၊ ၅ ရပ်ကွက် နဝဒေးလမ်း၊ အမှတ် ၂၇ မှာနေထိုင်တဲ့ ဦးခင်ညွန့်နဲ့ ဒေါ်ခင်ဝင်းရွှေတို့ ရောဂါဘယ်လိုကူးစက်ခံရလဲဆိုတာ မသိရဘူးလို့ အုပ်ချုပ်ရေးမှူးက ပြောပါတယ်။

"ဟုတ်တယ်။ ဟုတ်တယ်ဗျ။ သူတို့က ခြံနဲ့ဝင်းနဲ့ကျတော့ အလုံပိတ်ကြီးတွေကိုး။ ဘယ်လို ကူးစက်လဲတော့ မသိဘူးဗျ။ သူတို့တွေနဲ့ ကျနော်တို့က အဆက်ပြတ်တယ်လေ။ ဝင်းနဲ့ခြံနဲ့ ဝင်လို့တောင်မလွယ်ဘူး။" လို့ပြောပါတယ်။

မရမ်းကုန်းမြို့နယ်မှာ ၇ ရက်နေ့ အတည်ပြုလူနာစာရင်းအရ လူနာ ၇ ယောက်ထဲက ၂ ယောက်မှာ ဦးခင်ညွန့်နဲ့ ဇနီးတို့ဖြစ်ကြောင်း မရမ်းကုန်းမြို့နယ်ကိုဗစ်ကော်မတီက သိရပါတယ်။

လူမှုကွန်ရက်သတင်းတွေအရတော့ ဦးခင်ညွန့်နဲ့ ဒေါ်ခင်ဝင်းရွှေတို့ဟာ ဘုရားဖူးထွက်ဖို့ လှိုင်သာယာက ပန်းလှိုင်ဆေးရုံမှာ ဆေးစစ်ရာက ရောဂါပိုးတွေ့ခဲ့တာလို့ သိရပါတယ်။

လက်ရှိမှာတော့ ပန်းလှိုင်ဆေးရုံမှာ ဆေးကုသမှုခံယူနေကြောင်း ဦးထွန်းချစ်က ပြောပါတယ်။

2 years Ago
Up