ဦးမြင့်ဆွေ

May 22, 2019

တရားမဝင်ကုန်စည် ကျပ် ၉ ဘီလီယံကျော်ဖိုး ဖမ်းမိ

တရားမဝင်ကုန်ပစ္စည်းတွေကို အထူးအဖွဲ့ဖွဲ့ပြီး ဖမ်းဆီးအရေးယူခဲ့ရာ ၂၀၁၉ ခုနှစ် ဧပြီလအထိ တန်ဖိုး ငွေကျပ် ၉ ဘီလီယံကျော်ဖိုး ဖမ်းဆီးနိုင်ခဲ့တယ်လို့ ဒုတိယသမ္မတ ဦးမြင့်ဆွေက ပြောပါတယ်။ ရန်ကုန်မြို့၊ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) မှာ ဒီကနေ့ကျင်းပတဲ့ စီးပွားရေး လုပ်ငန်းရှင်တွေနဲ့ လစဉ် ပုံမှန်တွေ့ဆုံဆွေးနွေးပွဲမှာ ပြောခဲ့တာ ဖြစ်ပါတယ်။ “နယ်စပ်ဒေသတွေက တရားမဝင်ကုန်ပစ္စည်းတွေ ဝင်ရောက်လာမှုကြောင့် အသေးစား၊ အငယ်စားနဲ့ အလတ်စား စီးပွားရေးလုပ်ငန်းတွေ ရပ်တည်ဖို့ ခက်ခဲလာနိုင်လို့ တရားမဝင် ကုန်ပစ္စည်းတွေကို တားဆီးထိန်းချုပ်နိုင်ဖို့အတွက် တိုင်းဒေသကြီးနဲ့ ပြည်နယ် ၉ ခုမှာ တရားမဝင် ကုန်ပစ္စည်းတွေ တားဆီးထိန်းချုပ်နိုင်ဖို့အတွက် အထူးအဖွဲ့များ ဖွဲ့စည်းပြီး ဖမ်းဆီးအရေးယူခဲ့ရာ ၂၀၁၉ ဧပြီလအထိ ဖမ်းဆီးအရေးယူမှု ၅၁၂ ကြိမ်၊ ခန့်မှန်းတန်ဖိုးငွေကျပ် ၉ ဒသမ ၁၁၃ ဘီလီယံ ဖမ်းဆီးနိုင်ခဲ့ပါတယ်။” ၂၀၁၈-၂၀၁၉ ဘဏ္ဍာနှစ် မေလ ၃ ရက်အထိ ကုန်သွယ်မှုပမာဏ အမေရိကန်ဒေါ်လာ ၂၀ ဘီလီယံခွဲလောက်အထိ ရှိခဲ့ပြီး အရင်နှစ် ကာလတူအချိန်ကထက် အမေရိကန်ဒေါ်လာ ဝ ဒသမ ၅၂၃ ဘီလီယံ ပိုမိုခဲ့တယ်လို့ ဆိုပါတယ်။ ဒီပမာဏမှာ ပုဂ္ဂလိက ကဏ္ဍက အမေရိကန်ဒေါ်လာ ၁၇ ဘီလီယံကျော် ပါဝင်တဲ့အတွက် ၈၄ ရာခိုင်နှုန်းအထိ ပါဝင်ဆောင်ရွက်နိုင်ခဲ့တာ ဖြစ်တယ်လို့လည်း ဒုသမ္မတက ပြောပါတယ်။ ၂၀၁၆ ခုနှစ်ကစပြီး ဒုသမ္မတနဲ့ စီးပွားရေးလုပ်ငန်းရှင်တွေ ပုံမှန်တွေ့ဆုံခဲ့တာဖြစ်ပြီး အခုတွေ့ဆုံပွဲဟာ ၂၇ ကြိမ်မြောက် ဖြစ်ပါတယ်။
2 years Ago

November 30, 2018

အာဆီယံတက္ကသိုလ်များ အားကစားပြိုင်ပွဲဝင်များ မျိုးချစ်စိတ်ဖြင့်ကြိုးစားရန် ဒုသမ္မတ တိုက်တွန်း

၁၉ ကြိမ်မြောက် အရှေ့တောင်အာရှ တက္ကသိုလ်များ အားကစားပြိုင်ပွဲဝင်မယ့်  မြန်မာအားကစားသမားတွေအနေနဲ့ မျိုးချစ်စိတ်နဲ့ အစွမ်းကုန် ကြိုးစားကြဖို့ နိုင်ငံတော် ဒုသမ္မတ ဦးမြင့်ဆွေက တိုက်တွန်းလိုက်ပါတယ်။ အားကစားပြိုင်ပွဲ အောင်နိုင်ရေး အလံအပ်နှင်း အခမ်းအနားကို နေပြည်တော်မှာရှိတဲ့ ဝဏ္ဏသိဒ္ဓိ အားကစားကွင်းမှာ ဒီကနေ့ ကျင်းပခဲ့ပြီး ဒုသမ္မတဦးမြင့်ဆွေက တိုက်တွန်း ပြောကြားလိုက်တာပါ။ “ပြိုင်ပွဲမှာ အောင်နိုင်ရေးနဲ့ အမိနိုင်ငံရဲ့ဂုဏ်ကို မြှင့်တင်နိုင်ရေး တာဝန်ကြီးကို နိုင်ငံတော်က ပေးအပ်လိုက်ပြီ ဖြစ်တဲ့အတွက် မြန်မာအားကစားအဖွဲ့ဝင်တွေ အားလုံးဟာ နိုင်ငံချစ်စိတ်၊ မျိုးချစ်စိတ်ကို အရင်းတည်ပြီး ဇွဲ၊ လုံ့လ၊ ဝီရိယ စိုက်ထုတ်ကာ အစွမ်းကုန် ကြိုးစားကြဖို့ ထပ်မံတိုက်တွန်းလိုပါတယ်” လို့ ဒုသမ္မတက ပြောပါတယ်။ ပြိုင်ပွဲကို ဒီဇင်ဘာ ၁၀ ရက်မှ ၁၉ ရက်အထိ ကျင်းပမှာဖြစ်ပြီး ပြေးခုန်ပစ်၊ မြားပစ်၊ ကြက်တောင်၊ ဘတ်စကက်ဘော၊ စစ်တုရင်၊ ဘောလုံး၊ ဂေါက်သီး၊ ကရာတေး၊ ပီတန်း၊ လှေလှော်၊ ပိုက်ကျော်ခြင်း/ခြင်းလုံး၊ ရေကူး၊ စားပွဲတင်တင်းနစ်၊ ဘောလီဘော၊ ဗိုဗီနမ်၊ ဝူရှူးနဲ့ တင်းနစ် အားကစားနည်းတွေ ပါဝင်မှာ ဖြစ်ပါတယ်။ ပညာရေးဝန်ကြီး ဒေါက်တာမျိုးသိမ်းကြီးက “ဒီအားကစားပြိုင်ပွဲဟာ မြန်မာနိုင်ငံက အိမ်ရှင်အဖြစ်နဲ့ ပထမဆုံးအကြိမ် လက်ခံကျင်းပမှာ ဖြစ်တဲ့အတွက် နိုင်ငံအတွက် ဂုဏ်ယူရမယ့် သမိုင်းမှတ်တမ်းတခုဖြစ်တယ်” လို့ ပြောပါတယ်။ အားကစားလှုပ်ရှားမှုတွေကနေတဆင့် အာဆီယံနိုင်ငံတွေအကြား အပြန်အလှန် နားလည်ယုံကြည်မှု၊ ချစ်ကြည်ရင်းနှီးမှု ပိုမိုခိုင်မာရေးအတွက် ရည်ရွယ်ပြီး လူငယ်နဲ့ ချစ်ကြည်ရေး ဆောင်ပုဒ်ကို ချမှတ်ပြီး ပြိုင်ပွဲကြီးကို လက်ခံကျင်းပတာလို့လည်း ပညာရေးဝန်ကြီးက ပြောပါတယ်။ ပြိုင်ပွဲတွေကို နေပြည်တော်ရှိ ဝဏ္ဏသိဒ္ဓိအားကစားကွင်း၊ ပီတန်းအားကစားကွင်း၊ ငလိုက်ဆည်နဲ့ မြို့တော်ဂေါက်ကွင်းတွေမှာ ကျင်းပသွားမှာဖြစ်ပြီး အာဆီယံ ၁၁ နိုင်ငံက အားကစားသမားတွေနဲ့ အားကစားအဖွဲ့ဝင်တွေ ၂၀၀၀ လောက် လာရောက်ယှဉ်ပြိုင်ကြမှာပါ။ ပြိုင်ပွဲမှာ တဦးချင်း အားကစားနည်းတွေမှာ ဆုရသူတွေကို ပထမဆု ကျပ် သိန်း ၅၀၊ ဒုတိယဆု သိန်း ၃၀၊ တတိယဆု သိန်း ၂၀ နဲ့ အသင်းလိုက် အားကစားနည်းတွေမှာ ပထမဆု ၁၀ သိန်း၊ ဒုတိယဆု ၅ သိန်း၊ တတိယဆု ၃ သိန်း ချီးမြှင့်မယ်လို့ သိရပါတယ်။
2 years Ago
Up