ဦးအောင်မျိုးသန့်

April 21, 2016

နောက်ဆုံးအကြိမ် သေဒဏ်ကျ ၂ ဦးအယူခံ ရက်ရွှေ့ဆိုင်းခွင့်ပြုပါတယ်- ဦးအောင်မျိုးသန့်

ထိုင်းတောင်ပိုင်း လူသတ်မှုနဲ့ သေဒဏ်ချမှတ်ခံရသူ မြန်မာလူငယ်နှစ်ဦးအတွက် အယူခံတင်မယ့် ရက်ကို ရွှေ့ဆိုင်းပေးဖို့ တရားခံရှေ့နေတွေက ဧပြီလ ၁၉ ရက်နေ့မှာ ကော့စမွီခရိုင်တရားရုံးမှာ သွားရောက်တင်ပြရာမှာ တရားရုံးက လက်ခံခဲ့ပါတယ်။ လာမယ့် မေလ ၂၃ ရက်နေ့မှာ အယူခံတင်ဖို့ ရက်ရွှေ့ဆိုင်းဖို့ တရားရုံးက နောက်ဆုံးအကြိမ်အဖြစ် ခွင့်ပြုခဲ့ပါတယ်။ ဒါကြောင့် လာမယ့်မေလ ၂၃ ရက်နေ့မှာ မဖြစ်မနေအ ယူခံတင်သွင်းရမှာဖြစ်ပါတယ်။ ဒီလို ရက်ရွှေ့ဆိုင်းဖို့ တင်ပြတဲ့အကြောင်းပြချက်ထဲမှာ “၂၀၁၆ ခုနှစ် မတ်လ ၂၅ ရက်နေ့က တရားခံရှေ့နေတွေက တရားခံလူငယ်နှစ်ဦးထားရှိရာ ဘန်ခ၀န်အကျဉ်းထောင်ကို သွားရောက်စဉ်မှာ  ဘန်ခ၀န်အကျဉ်းဦးစီးဌာန ယာယီစခန်းတာဝန်ရှိသူက အကျဉ်းဦးစီးဌာန အတွင်းသို့ တရားခံရှေ့နေများကိုသာ ၀င်ရောက်ခွင့်ပြုသော်လည်း မြန်မာဘာသာပြန်ကို ၀င်ရောက်ခွင့်မပြုတာကြောင့် တရားခံများထံမှ အယူခံတင်နိုင်ရန် အချက်အလက်များ ရယူနိုင်ခြင်းမရှိတော့ကြောင်း၊ ဒါဟာ ဥပဒေကို လွဲမှားစွာ ဆောင်ရွက်ခြင်းဖြစ်သကဲ့သို့ တရားခံများရဲ့ အခွင့်အရေးကိုပါ ထိခိုက်စေကြောင်းနဲ့ တရားခံအကျိုးဆောင်တွေရဲU ဆောင်ရွက်မှုကိုပါ အဟန့်အတားဖြစ်စေခဲ့ကြောင်း” တင်ပြခဲ့ပါတယ်။ ဒီတင်ပြန်ချက်အပေါ် တရာရုံးက ခွင့်ပြုခဲ့တာပါ။ ဒီဖြစ်စဉ်နဲ့ပတ်သက်လို့ မြန်မာသံရုံးစုံစမ်းရေးအထူးအဖွဲ့ ဥပဒေအကြံပေး ဦးအောင်မျိုးသန့်ကို မေးမြန်းပါတယ်။ သေဒဏ်ကျလူငယ်နှစ်ဦးအတွက် အယူခံရက်ရွှေ့ဆိုင်းပေးဖို့တင်တာ တရားရုံးကခွင့်ပြုတယ်လို့ သိရပါတယ်။ ဘယ်ရုံးမှာ တင်တာလဲ။ “ဒီနေ့ ၁၉ ရက်နေ့မှာ အောက်ရုံး၊ မူလရုံးမှာပဲ အယူခံအတွက် ပြင်ဆင်မှုတွေ မပြည့်စုံသေးလို့ ဆိုပြီးတော့ ကျနော်တို့ အယူခံရက် ထပ်တိုးခဲ့ကြတာပါ။ ကော့စမွေက မူလတရားရုံးပေါ့။ မူလတရားရုံးတက်မယ့် အယူခံပြင်ဆင်ပေါ့။ ဒီဟာကျတော့ ထိုင်းရဲ့ဥပဒေက ဗမာနိုင်ငံနဲ့ကွာတာ ရှိပါတယ်။ အောက်ရုံးပြီးတော့ အထက်အယူခံရုံးတက်ဖို့အတွက်ကို အယူခံတင်လာမှသာလျှင် အယူခံတင်တဲ့လျောက်လွှာတွေပေါ်မူတည်ပြီးတော့ တရားသူကြီးအဖွဲ့ ထပ်ဖွဲ့ပါတယ်။ ဖွဲ့ပြီးတော့ မှ အယူခံတရားရုံးဆိုတာ သပ်သပ်ထပ်လုပ်ရတာပါ။ ဒါ သူတို့ရဲ့ ထုံးစံပါ။ ဗမာပြည်မှာ ဆိုရင်တော့ အယူခံဆိုရင် အထက်ကို ဒါရိုက်တက်လို့ရတာပါ။ အဲဒါကြောင့်မို့လို့ သူတို့က အယူခံမတင်ခင်မှာ ရက်ချိန်းတောင်းလို့ရှိရင်တော့ မူလအမိန့်ချတဲ့ တရားရုံးပဲ ပြန်တောင်းရတာ ပါ။ မူလအမိန့်ချတဲ့ ခရိုင်တရားရုံးမှာပါပဲ။” အယူခံအတွက် ဦးလေးတို့ ဘာတွေဆောင်ရွက်နေကြလဲ။ “လုပ်ဆောင်ချက်ကတော့ တကယ်လို့များ ဒီကနေ့ ၁၉ ရက်မှာသာ မရခဲ့ဘူးဆိုရင် ကျနော်တို့ ဘက်ကနေ ၂၁ ရက်မှာ အယူခံတင်ဖို့ဆိုတာလည်း အဆင်သင့်တော့ဖြစ်နေပါပြီ ဒီအချက်တွေက ဘာတွေပါလဲဆိုတာလည်း ကျနော့်ဖေ့စ်ဘုတ်မှာ ကျနော်ရေးထားပါတယ်။ ဗမာပြည်က အထူးအဖွဲ့ကနေ ပေးပို့တဲ့အင်္ဂလိပ်လို လေးမျက်နှာနဲ့ အကြံပေးစာရယ်၊ နောက်တခါ ၆ ရက် ၄ လ ၂၀၁၆ က ပို့ထားတဲ့ ၁ မျက်နှာပါတဲ့ အယူခံ အကြံပေးချက်တွေကို ရှေ့နေများကောင်စီကို ပို့ပြီးပါပြီ။ ဒါ ဘယ်ကပို့လဲဆိုတော့ ကျနော်တို့ ဆီကိုရောက်လာတဲ့အခါမှာ သံရုံးကို သံရုံးတံဆိပ်နဲ့ သံရုံးလိပ်စာနဲ့ပဲ heading လုပ်ပြီးတော့ ကျနော်တို့ ရှေ့နေများကောင်စီ ကို ပို့ထားပြီးပါပြီ။ အဲဒီလို ပေးတဲ့ပေါ် မူတည်ပြီးတော့လည်း ရှေ့နေများကောင်စီက သူတို့ရဲ့ အကြံဥာဏ်တွေနဲ့ ပေါင်းပြီးတော့ အယူခံအကြောင်းပြချက်တွေလည်း အဆင်သင့်ဖြစ်နေပါပြီ။” သမ္မတဦးသိန်းစိန်နဲ့ သမ္မတ ဦးထင်ကျော် အစိုးရအပြောင်းအလဲမှာ မြန်မာသံရုံးအထူးအဖွဲ့နဲ့ အဖွဲ့ဝင် ၃ ဦးပါအဖွဲ့တို့ရဲ့ ယန္တရားတွေ အပြောင်းအလဲရှိလား။ “အခုအချိန်အထိတော့ ကျနော်တို့ ဒီဟာနဲ့ပတ်သက်လို့ ဘာမှ မသိရသေးပါဘူး။ ဒီဟာနဲ့ပတ်သက်လို့ အရင်အစိုးရလက်ထက်က ဆက်သွယ်ပေးခဲ့တဲ့အတိုင်းပဲ နိုင်ငံတော်က တာဝန်ရှိတဲ့ ရှေ့နေချုပ်ရုံးနဲ့ သံအမတ်ကြီးနဲ့ နောက်တခါ သံအမတ်ကြီးက ဖွဲ့ပေးထားတဲ့ အထူးအဖွဲ့နဲ့ ဒီဟာကို လမ်းကြောင်းအမှန်အတိုင်း၊ လုပ်သင့်တဲ့ ကာလအတိုင်းအတာအတိုင်း ပုံမှန်ရောက်အောင်တော့ ကျနော်တို့ ထိထိရောက်ရောက် ဆောင်ရွက်နေကြပါတယ်။ ” ဒီအယူခံဖြစ်စဉ်နဲ့ပတ်သက်လို့ တခြားထူးခြားတာ ဘာကျန်သေးသလဲခင်ဗျ။ “ကျနော်တို့ ဒီနေ့ အယူခံရက်တိုးတောင်းတဲ့ကိစ္စမှာ ထူးခြားချက်တခုကတော့ ပြီးခဲ့တဲ့တပတ်က ကျနော်တို့ ရှေ့နေများကောင်စီနဲ့ ဘာသာပြန်အပါအ၀င် ဘန်ခန်အကျဉ်းဦးစီးဌာန (လူငယ်နှစ်ဦး ကို ချုပ်နှောင်ရာထောင်)ကို သွားခဲ့ကြပါတယ်။ အဲဒီသွားတုန်းက အကျဉ်းထောင်ထဲကို ၀င်တဲ့အခါမှာ ရှေ့နေများကိုတော့ ၀င်ခွင့်ပြုပြီးတော့ ဘာသာပြန်ဖြစ်တဲ့ မအေးမာ ဗမာမလေးကို ၀င်ခွင့်မပြုခဲ့ပါဘူး။ အဲဒီအခါကျတော့ အဲဒါ ဥပဒေအရ လွဲမှားတဲ့ကိစ္စပါ။ ဘာဖြစ်လို့လဲဆိုတော့ တကယ်ဆိုရင် ဗမာလူမျိုးရဲ့အမှုကို ဘာသာပြန်မပါဘဲနဲ့ ထိုင်းရှေ့နေများ ကောင်စီနဲ့ ဘယ်လိုမှ နားလည်နိုင်စွမ်းမရှိပါဘူး။ ဒါကို ဥပဒေအရ အရင့်အရင်တုန်းက ကော့စမွေထောင်မှာ ဒီလိုပဲ ခေါ်သွားခဲ့တာပါပဲ။ ဒါကို ခွင့်မပြုတာဟာ ဒီအချက်ဟာ လွဲမှားတယ် ဆိုပြီးတော့ ကျနော်တို့ ကန့်ကွက်ခဲ့ပါတယ်။ ကန့်ကွက်သလို သက်ဆိုင်ရာအစိုးရဌာနတွေ ကိုလည်း စာတင်ခဲ့ပါတယ်။ အဲဒီအချက်တွေပေါ်မူတည်ပြီး ကျနော်တို့ဟာ အယူခံမှာ အရေးကြီးတဲ့ကိစ္စတွေ ဆွေးနွေးမယ့်ကိစ္စမှာ အောင်မြင်အောင် ဆောင်ရွက်နိုင်ခြင်းမရှိဘူး။ တာဝန်ရှိတဲ့သူတွေအပိုင်းကနေပြီးတော့ ဆောင်ရွက်မပေးဘူး ဆိုတာကြောင့်မို့လို့ ကျနော်တို့က ဒီနေ့အယူခံရက်ကို ထပ်တိုးပါတယ်ဆိုတဲ့အကြောင်းပြချက်နဲ့ တရားရုံးကို လျှောက်ခဲ့တာပါ။ တရားရုံးကလည်း ဒီအချက်ဟာ မှန်ကန်တယ်၊ ကျနော်တို့ဘက်က တင်ပြချက်မှန်ကန်တယ် ဆိုပြီးတော့ တရားရုံးက ထပ်ပြီးတော့ နောက်ဆုံးအနေနဲ့ ၂၃ ရက် ၅ လ ၂၀၁၆ အထိ တလ ထပ်ပြီးတိုးပေးလိုက်ပါတယ်။” အန်ကယ်တို့ တင်ပြတဲ့အကြောင်းပြချက်က ကျိုးကြောင်းဆီလျော်တယ်ပေါ့နော်။ “ဟုတ်ကဲ့ reasonable (ကျိုးကြောင်းဆီလျော်)  ပါခင်ဗျ။ ဥပဒေအရ ကျနော်တို့ ကော့စမွေ တရားရုံးမှာ သွားတယ်။ ကျနော်တို့ နခွန်ဆီထမရပ် အကျဉ်းဦးစီးသွားခဲ့တယ်။ သွားခဲ့တဲ့ နေရာတိုင်းမှာ ဘာသာပြန်ကို ယူသွား (ခေါ်သွား) ခွင့်ရှိပါတယ်။ ဘာဖြစ်လို့လဲဆိုတော့ နိုင်ငံခြားသားတရားခံဖြစ်နေပါတယ်။ ဒီအတွက် ဘာသာပြန်ကို နားလည်ဖို့ဆိုတာက ထိုင်းလူမျိုးအနေနဲ့ ဘယ်လိုမှ နားလည်နိုင်စရာမရှိဘူး။ ဒါကို ဘန်ခ၀မ်အကျဉ်းထောင်မှာ ဖြစ်တဲ့ကိစ္စက တော်တော်ကို ထိုင်းရဲ့ တာဝန်ရှိတဲ့သူတွေအနေနဲ့ တော်တော်ရုပ်ဆိုးတဲ့ဖြစ်ရပ်၊ တော်တော်ဥပဒေဖောက်ဖျက်တဲ့ လုပ်ရပ်လို့ ကျနော်မြင်ပါတယ်။”
5 years Ago

December 22, 2015

လိပ်ကျွန်းလူသတ်မှု စီရင်ချက်အပေါ် ကြိုတင်ပြင်ဆင်ထားပြီးပြီ- ရှေ့နေ ဦးအောင်မျိုးသန့်

မနှစ် နှစ်ကုန်ပိုင်းက ထိုင်းတောင်ပိုင်းမှာ ဗြိတိသျှလူငယ်နှစ်ဦး အသတ်ခံရမှုနဲ့ အမှုရင်ဆိုင်ခဲ့ကြရတဲ့ တရားခံ ဇော်လင်းနဲ့ ဝေဖြိုး (ခေါ်) ၀င်းဇော်ထွန်းတို့ကို ထိုင်းနိုင်ငံတောင်ပိုင်း ကော့စမွီခရိုင် တရားရုံးမှာ လာမယ့် ဒီဇင်ဘာ ၂၄ ရက်နေ့ စီရင်ချက်ချမှာ ဖြစ်ပါတယ်။ ဗြိတိန်နိုင်ငံသား ဒေးဗစ် မဲန်လာ ၂၄ နှစ်နဲ့ ဟဲန်နာ ၀စ်သ်သာ ၂၃ နှစ်တို့ ၂ ဦးဟာ ထိုင်းတောင်ပိုင်း ဆူရတ်ဌာနီခရိုင် ကော့ဖငန်းမြို့နယ် ခိုတောင်ကျွန်းကို အလည်လာရင်း မနှစ် စက်တင်ဘာလ ၁၅ ရက်နေ့က အသတ်ခံခဲ့ရတာ ဖြစ်ပါတယ်။ ဒီလူသတ်မုဒိမ်းမှုမှာ မြန်မာလူငယ်နှစ်ဦး ကျူးလွန်တယ်လို့ ထိုင်းရဲတပ်ဖွဲ့က ကြေညာခဲ့ပါတယ်။ ဒီလူငယ်နှစ်ဦးက ကနဦးပိုင်းမှာ ရဲထံ ဖြောင့်ချက်ပေးခဲ့တာဟာ စစ်ဆေးစဉ်ကာလက ရိုက်နှက်ဝန်ခံခိုင်းမှုနဲ့ အသက်အန္တရာယ် ခြိမ်းခြောက်မှုကြောင့် တကယ်မကျူးလွန်ဘဲ ဖြောင့်ချက်ပေးခဲ့တာပါလို့ ဖြောင့်ချက်ကို တရားဝင် ပြန်ရုပ်သိမ်းခဲ့သလို တရားရုံးမှာလည်း ထွက်ဆိုခဲ့ပါတယ်။ ဒီအမှုကို ကိုင်တွယ်မှုနဲ့ပတ်သက်လို့ ထိုင်းနိုင်ငံရဲတပ်ဖွဲ့အပေါ် ဝေဖန်မှုတွေ ထွက်ပေါ်ခဲ့ပြီးနောက် ထိုင်းဝန်ကြီးချုပ်က ဒီလူငယ် ၂ ဦးကို ဒီအန်အေ ပြန်လည်စစ်ဆေးခွင့် ပြုခဲ့ပါတယ်။ ဒီနောက် ထိုင်းနိုင်ငံမှာ ထင်ရှားတဲ့ မှုခင်းဆရာဝန်ကြီး ဒေါက်တာပွန်ထစ်ကိုယ်တိုင် စစ်ဆေးရာမှာ လူသတ်မှုမှာ သုံးစွဲတဲ့ ပေါက်တူးရှိ ဒီအန်အေနှင့် တရားခံ လူငယ် ၂ ဦးရဲ့ ဒီအန်အေဟာ မတူညီဘူးလို့ ထွက်ဆိုခဲ့ပါတယ်။ တရားခံလူငယ်နှစ်ဦးဘက်က လိုက်ပါဆောင်ရွက်တဲ့ မြန်မာသံရုံး အထူးအဖွဲ့ရဲ့ ဥပဒေအကြံပေး ရှေ့နေ ဦးအောင်မျိုးသန့်ကို ဆက်သွယ်မေးမြန်းထားပါတယ်။ လာမယ့် ၂၄ ရက်နေ့ လိပ်ကျွန်းလူသတ်မှုက ဆုံးဖြတ်ဖို့ ရက်ချိန်းပေးထားတော့ ဘာတွေ ဦးလေးတို့ ပြင်ဆင်ကြသလဲခင်ဗျာ။ “ကျနော်တို့ဘက်ကတော့ လောလောဆယ်မှာ ၂၄ ရက်နေ့ အမိန့်အတွက်ကို သံရုံးကနေပြီးတော့ ဒု-အတွင်းဝန် အပါအ၀င် ၄ ဦး အဲဒီအမိန့်နားထောင်ဖို့၊ သွားဖို့အတွက်ကို စီစဉ်ထားပါတယ်။ ရှေ့နေအဖွဲ့ (တရားခံများဘက်မှ လိုက်ပါဆောင်ရွက်ကြသည့် ရှေ့နေများ) တွေ အနေနဲ့ကလည်း အဲဒီနေ့မှာ သူတို့အဖွဲ့က ၇ ယောက်လာပြီးတော့ အမိန့်နားထောင်မယ်လို့ ပြောပါတယ်ခင်ဗျ။ ကလေးတွေရဲ့ မိဘတွေ၊ ဆွေမျိုးသားချင်းတွေကတော့ ရောက်နေတာ ၂ ရက်ရှိပြီ၊ အခု ကော့စမွီမှာလို့ ပြောပါတယ်။” ဒီအမှုမှာ မြန်မာအစိုးရ ထိပ်ပိုင်းခေါင်းဆောင်တွေကိုယ်တိုင် မျှမျှတတ တရားစီရင်ဖို့ ထိုင်းဝန်ကြီးချုပ်ကို ပန်ကြားပြောဆိုခဲ့တဲ့အမှုဆိုတော့ အစိုးရဘက်က ဒီကိစ္စအပေါ်မှာ ဘယ်လောက် အားသန်သေးလဲ။ “အဲဒါကတော့ သံအမတ်ကြီးက နိုင်ငံတော်သမ္မတရဲ့ကိုယ်စား ထိုင်းနိုင်ငံထဲမှာ အာဏာအရှိဆုံး ပုဂ္ဂိုလ်အနေနဲ့က အရင်ကတည်းက တွေ့ဆုံဆွေးနွေးပြီးပါပြီ။ ဘယ်လိုလဲဆိုတော့ ဒီအမှုက ကျနော်တို့ဘက်က နိုင်သည်ဖြစ်စေ၊ ရှုံးသည်ဖြစ်စေ အမှုနဲ့ပတ်သက်လို့ ဆောင်ရွက်သင့်တာကို ဆက်လက်ဆောင်ရွက်မယ်ဆိုတဲ့ အခြေအနေမျိုးကို ဆုံးဖြတ်ထားပါတယ်။” ထိုင်းတရားဥပဒေ လုပ်ထုံးလုပ်နည်းတွေအရ ဒီအမှုကို ဘယ်လိုဆုံးဖြတ်နိုင်တဲ့ အလားအလာ ရှိလဲခင်ဗျ။ “ကျနော့်အနေနဲ့ကတော့ မြန်မာနိုင်ငံသားတယောက်အနေနဲ့ ထိုင်းမှာနေတာ ၁၅ နှစ်၊ ၁၆ နှစ်ရှိပါပြီ။ သွားလိုက်ပြန်လိုက် နေတာပေါ့လေ။ အဲဒီတော့ ထိုင်းတရားရေးကိုလည်း ကျနော် နှစ်ပေါင်းများစွာ အကူအညီပေးခဲ့ပါတယ်။ ကျနော်လေ့လာရသလောက် ထိုင်းတရားစီရင်ရေးကတော့ မျှတတဲ့ ဆုံးဖြတ်ချက်တွေကို ချပေးတဲ့ အလေ့အထရှိတာကို ကျနော်မြင်တွေ့ရပါတယ်။ အဲဒီတော့ ဒီအမှုနဲ့ပတ်သက်လို့လည်း ကျနော်တို့ တရားလိုဘက်ကဖြစ်တဲ့ ရဲတပ်ဖွဲ့က ဥပဒေနားလည်တဲ့ ရဲတပ်ဖွဲ့က တရားစွဲစဉ်မှာ အချက် ၃ ချက်ကို အားကိုးပြုလာပါတယ်။ ၁ အချက်က ဖြောင့်ချက်ပေးတယ်ဆိုတဲ့အချက်၊ ၂ အချက်က ဒီအန်အေ တူတယ်ဆိုတဲ့အချက်၊ ၃ အချက်ကတော့ စီစီတီဗွီက တရားခံနဲ့တူတယ်ဆိုတဲ့ အချက်တွေကို အားကိုးအားထားပြုလာတာ တွေ့ပါတယ်ခင်ဗျ။” ထိုင်းနိုင်ငံက ဒီအန်အေစစ်ဆေးတာနဲ့ ပတ်သက်လို့ နာမည်ကြီး ဒေါက်တာပွန်ထစ်နဲ့ သူ့ဓာတ်ခွဲခန်းကလူတွေ တရားခွင် လာရောက်ထွက်ဆိုခဲ့မှုဟာ အမှုအတွက် အလားအလာ ကောင်းတယ်လို့ သုံးသပ်နိုင်လား။ “ဒါကတော့ ဒီအမှုရဲ့ အသက်ပါခင်ဗျ။ ဘာဖြစ်လို့လဲဆိုတော့ သေဒဏ်ထိုက်တဲ့ အမှုတွေမှာ မျက်မြင်သက်သေ မရှိပါဘူး။ မရှိတဲ့အထဲမှာ အခု  သူတို့ စွဲဆိုချင်တဲ့၊ စွဲတဲ့ ဒီအန်အေ တူတယ်ဆိုတဲ့အချက်က တကယ့်အရေးကြီးတဲ့အချက်ပါ။ ဒါပေမယ့် ဒီအချက်ကို ထိုင်းနိုင်ငံ အမျိုးသားဆရာဝန်ကြီး ဒေါက်တာပွန်ထစ်ကိုယ်တိုင် လာပြီးတော့ အစစ်ခံတဲ့အချက်က ရှင်းနေပါတယ်။ ‘လူသတ်လက်နက်ဖြစ်တဲ့ ပေါက်တူးမှာ ဒီအန်အေတွေ့တယ်၊ အဲဒီတွေ့တဲ့ ဒီအန်အေဟာ တရားခံလေး ၂ ယောက်နဲ့ ဒီအန်အေ မတူဘူး။ အခြားလူရဲ့ ဒီအန်အေဖြစ်တယ်။’ ဆိုတာပဲ သူက ထွက်ဆိုသွားတာပါ။ အဲဒီတော့ လူသတ်လက်နက်မှာတွေ့တဲ့ ဒီအန်အေက တရားခံဒီအန်အေနဲ့ မတူဘူးဆိုရင် တရားခံတွေဟာ သတ်တဲ့လူတွေ မဟုတ်ဘူးဆိုတာ ပေါ်လွင်နေတဲ့အချက်ပါ။ နောက်ပြီးတော့ ထူးခြားတဲ့အချက်က ဒေါက်တာပွန်ထစ်ကိုယ်တိုင် တရားရုံးထွက်ခဲ့ပါတယ်။ ကျနော်တို့ ဒီအန်အေရယူတဲ့အခါမှာ လုပ်ထုံးလုပ်နည်းအရ ဒီအန်အေ ရယူမယ်ဆိုရင် အဲဒီ ဒီအန်အေကို ၃ နှစ်ကနေ ၄ နှစ်အထိ ထိန်းသိမ်းထားလို့ရတယ်လို့ ပြောပါတယ်။ အဲဒီတော့ ကျနော်တို့က ပေါက်တူးရိုးနဲ့ပတ်သက်လို့ ဒီအန်အေကို ဖြေရှင်းပြီးတဲ့ အခါမှာ ဟန်နာရဲ့ တန်ဆာ (မိန်းမကိုယ်) တို့၊ အ၀တ်အစားတွေမှာရှိတဲ့ ဒီအန်အေနဲ့ ပတ်သက်လို့ ဆက်လက်စစ်ဆေးဖို့ တောင်းဆိုတဲ့အခါမှာ ထိုင်းတရားစွဲရဲတပ်ဖွဲ့အနေနဲ့ ဒီပစ္စည်းတွေဟာ သူတို့သုံးလို့ ကုန်ဆုံးသွားပြီဆိုတဲ့ ပုံစံမျိုး ပြောပါတယ်။ အဲဒါကြောင့်မို့လို့ ကျနော်တို့က ဒီအန်အေ ရယူတဲ့အခါမှာ လုပ်ထုံးလုပ်နည်းနဲ့အညီ ယူထားတာမဟုတ်ဘူးဆိုတာ ပေါ်လွင်ပါတယ်။ ဘာဖြစ်လို့လဲဆို အမှုက တနှစ်ကျော်ပဲ စစ်ရသေးတာပါ။ ဘယ်လိုမှ ကျန်တဲ့ ဒီအန်အေတွေဟာ ပျောက်ပျက်သွားစရာ အကြောင်းမရှိပါဘူး။ အဲဒီတော့ ပျောက်ပျက်သွားခြင်းအားဖြင့် သူတို့သည် ဒီအန်အေရယူခြင်းဟာ တရားဝင် လုပ်ထုံးလုပ်နည်းနဲ့ ရယူခြင်းမရှိဘူးဆိုတာ ပေါ်လွင်နေတယ် ဆိုတာကိုလည်း ဒေါက်တာပွန်ထစ်က ရှင်းပြသွားပါတယ်။” ပြစ်မှုနဲ့ပတ်သက်လို့ သေဒဏ်ကြီးကျလောက်တဲ့ ဒီအမှုကို နိုင်ငံတကာကလည်း စိတ်ဝင်စား စောင့်ကြည့်ကြတယ်။ တရားရုံးကနေ တရားခံတွေဟာ အပြစ်မရှိဘူးလို့ လွှတ်ရင်ဖြစ်ဖြစ်၊ အပြစ်ရှိတယ်လို့ စီရင်ဆုံးဖြတ်ရင်ဖြစ်ဖြစ် အန်ကယ်တို့ ဘာဆက်လုပ်မလဲ။ “ပထမဆုံးအနေနဲ့က တရားခံတွေဟာ တရားသေလွတ်သွားပြီဆိုရင် ကျနော်တို့ဘက်က ကလေးတွေဘက်က ဒါ ၀မ်းသာစရာပါ။ သို့သော် ထိုင်းရဲတပ်ဖွဲ့ဘက်ကနေ ဥပဒေကိုင်တဲ့ လူတွေဘက်က သူတို့ရဲ့ သိက္ခာပိုင်းဆိုင်ရာမို့လို့ ဒါကို သူတို့ အထက်တရားရုံးတော်ကို ပြင်ဆင်မှု တက်ပါလိမ့်မယ်။ အဲလို တက်ရုံတင် မကသေးဘဲနဲ့ အဲလို တက်တဲ့အချိန်အတွင်းမှာ မြန်မာနိုင်ငံသား အလုပ်သမားတွေဟာ အထောက်အထားမဲ့ ဖြစ်တဲ့အတွက်ကြောင့်မို့လို့ သူတို့ ပြင်ဆင်မှုတက်တဲ့အမှုကို အချုပ်၊ ထောင်ထဲမှာ နေပြီးတော့ ဆက်လက်ဖြေရှင်းပါဆိုတဲ့ ပုံစံမျိုး သူတို့က တရားခွင်ကို တောင်းဆိုမယ့်သဘော ရှိပါတယ်။ ကျနော်တို့ဘက်ကလည်း မြန်မာသံအမတ်ကြီးနဲ့ ညှိနှိုင်းထားတဲ့ အနေအထားအရ ကျနော်တို့ အဲဒီလိုဖြစ်လာခဲ့ရင် မြန်မာသံရုံးရဲ့ အာမခံနဲ့ ကလေးတွေကို အောက်ရုံးမှာ လွှတ်ပြီးသားဖြစ်တဲ့အတွက်ကြောင့်မို့လို့ အပြင်မှာနေပြီးတော့ အထက်ရုံးမှာ အစိုးရရှေ့နေဘက်က ပြင်ဆင်မှုကို ဖြေရှင်းဖို့ဆိုပြီးတော့ ကျနော်တို့ ကြိုးစားဆောင်ရွက်ပါမယ်။" တရားရုံးက တရားခံတွေမှာ အပြစ်ရှိတယ်လို့ စီရင်ဆုံးဖြတ်ခဲ့ရင်ရော အန်ကယ်တို့ အယူခံတက်ဖို့ ရှိမလားခင်ဗျာ။ “ဟုတ်ပါတယ်ခင်ဗျ။ တကယ်လို့များ ကလေးတွေကို အပြစ်ပေးခံရတယ်ဆိုရင် ဥပဒေအရ ကလေးတွေဟာ အပြစ်ပေးထိုက်တာ မဟုတ်တဲ့အတွက်ကြောင့်မို့လို့ အပြစ်မရှိကြောင်းကို အထက်ရုံးကို အယူခံတက်ဖို့လည်း ကျနော်တို့ အားလုံး ပြင်ဆင်ဆောင်ရွက်ပြီးပါပြီ။” ဒီအမှုကို လိုက်ပါဆောင်ရွက်တဲ့ တနှစ်ကျော်ကာလအတွင်း ဘာကို မှတ်မှတ်ရရ ပြောစရာရှိမလဲခင်ဗျ။ ဘယ်လိုသုံးသပ်နိုင်မလဲ။ “ကျနော်တို့ ထိုင်းနိုင်ငံမှာ မြန်မာအလုပ်သမားတွေ အနေနဲ့ကတော့ ဆယ်စုနှစ်နဲ့ချီပြီးတော့ ဒီလိုပဲ အမှုတွေ ဖြစ်ခဲ့ကြတာပါ။ ဒါပေမယ့် အမှုနဲ့ပတ်သက်လို့ အမှားအမှန် ခွဲခြမ်းစိတ်ဖြာတဲ့ အခါမှာတော့ ဒီအမှုဟာ ကျနော်တို့ သာဓကတခု၊ စံတခု ဖြစ်ပြီးတော့ ဒီအမှုကို မှန်ကန်စွာ ဆောင်ရွက်ပေးနိုင်မယ်ဆိုရင် ထိုင်းနိုင်ငံမှာရှိတဲ့ အလုပ်သမားတွေအတွက် နောက်ပိုင်းမှာ စံချိန်စံညွှန်းမီတဲ့ တရားရုံးရဲ့ ဆုံးဖြတ်ချက်တွေကို ရယူခံစားနိုင်လိမ့်မယ်လို့ ကျနော် မှန်းဆတွက်ကြည့်ပါတယ်။”
5 years Ago
More News
Up