ဦးအောင်စိုး

February 3, 2017

လူ ၄ ယောက်၊ တခုခုလုပ်ဖို့ ကျနော့်ခြံဝင်းထဲ လာတာလားမသိဘူး - ဦးအောင်စိုး (ရုပ်သံ)

ဇန်န၀ါရီ ၂၉ ရက်နေ့က ရန်ကုန်လေဆိပ်မှာ ဦးကိုနီကို လုပ်ကြံခဲ့တဲ့ ကြည်လင်းကို နောက်ကွယ်ကနေ ကြိုးကိုင်ခဲ့တယ်လို့ သံသယရှိသူ ဗက (ခေါ်) ဦးအောင်ဝင်းဇော်အကြောင်း ထုတ်ဖော်ပြောဆိုခဲ့တဲ့ ဦးအောင်စိုးက သူ့ရဲ့လုံခြုံရေးအတွက် အခက်အခဲကြုံနေရတယ်လို့ ပြောဆိုလိုက်ပါတယ်။ ဦးအောင်စိုးဟာ ကြည်လင်းနဲ့ မြင့်ဆွေတို့ကို မန္တလေး အိုးဘိုထောင်မှာ သိကျွမ်းခဲ့တဲ့အတွက် အခုလို အမှုကွင်းဆက်ကို ထုတ်ဖော်ပြောဆိုနိုင်ခဲ့တာပါ။ ဦးအောင်စိုးဟာ လက်ရှိအချိန်မှာ ဆံပင်ညှပ်ဆရာအဖြစ် အလုပ်လုပ်ကိုင်နေပြီး ထောင်တွင်းအတွေ့အကြုံတွေကိုလည်း စာအုပ်ရေးသားထုတ်ဝေခဲ့ပါတယ်။ ဦးကိုနီကို လုပ်ကြံမှုပြဿနာမှာ ပါဝင်ပတ်သက်လိုက်တဲ့အတွက် လက်ရှိအချိန်မှာ လုံခြုံရေးအခက်အခဲ ဖြစ်ပေါ်ခဲ့တာပါ။ ဦးကိုနီကို လုပ်ကြံမှုမှာ သံသယရှိသူကို ခန့်မှန်းနိုင်ခဲ့တာဟာ နိုင်ငံခြား သံတမန်တဦးကို သတ်ဖြတ်ပေးဖို့ ဦးအောင်ဝင်းဇော် ခေါ် ဦးမြင့်ဆွေက ၂၀၁၆ ခုနှစ်မှာ သူ့ကို လာရောက်ကမ်းလှမ်းခဲ့ဖူးတာကြောင့် ဖြစ်တယ်လို့ ဦးအောင်စိုးက ပြောပါတယ်။ ဦးအောင်စိုးရဲ့ ခန့်မှန်းမှုတွေနဲ့ပတ်သက်ပြီး ဖေဖော်ဝါရီ ၂ ရက်နေ့က ရဲမှူးချုပ်ဝင်းနိုင်နဲ့လည်း တွေ့ဆုံခဲ့ပါတယ်။ လက်ရှိအချိန်မှာ ဦးကိုနီ လုပ်ကြံခံရမှုအတွက် ရဲတပ်ဖွဲ့က ကြည်လင်း အပါအဝင် ၄ ဦးကို ဖမ်းဆီးထားတယ်လို့ သတင်းတွေ ထွက်ပေါ်နေပေမယ့် ရဲတပ်ဖွဲ့ကတော့ တရားဝင်ထုတ်ပြန်ခြင်း မရှိသေးပါဘူး။ ဦးအောင်စိုးပြောကြားချက် အပြည့်စုံ
4 years Ago
Up