ဦးသိန်းစိန်နှင့် မွန်ဂိုလီးယား သမ္မတတို့ နှစ်နိုင်ငံ ကုန်သွယ်ရေး သဘောတူစာချုပ် ချုပ်

July 3, 2015

ပြည်သူဆန္ဒရှိရင် သမ္မတထပ်လုပ်ရန် စဉ်းစားမည်ဟု ဦးသိန်းစိန်ပြောကြား

လာမယ့်သက်တမ်းမှာ သမ္မတ တာဝန်ထပ်မံထမ်းဆောင်ဖို့  ပြည်သူတွေက ဆန္ဒရှိရင်အလေးအနက်ထားစဉ်းစားသွားမယ်လို့ သမ္မတ ဦးသိန်းစိန်က ပြောကြား လိုက်ပါတယ်။ မဲခေါင်-ဂျပန် ထိပ်သီးအစည်းအဝေးတက်ဖို့ ဂျပန်နိုင်ငံ တိုကျိုမြို့မှာ ရောက်ရှိနေတဲ့ မြန်မာသမ္မတကို  NHK ဂျပန်ရုပ်သံသတင်းဌာနက ဇူလိုင်လ ၂ ရက်နေ့က တွေ့ဆုံမေးမြန်းရာမှာ ပြောကြားခဲ့တာပါ။ ဒုတိယသက်တမ်းမှာ သမ္မတ တာဝန်ထပ်ယူဖို့ တိုင်းပြည်အခြေအနေနဲ့ ပြည်သူတွေရဲ့ ဆန္ဒတွေအပေါ် မူတည်ပြီး ဆုံးဖြတ်သွားမှာဖြစ်ကြောင်းနဲ့ ပြည်သူတွေက  ဆန္ဒရှိရင် အလေးအနက်ထား စဉ်းစားသွားမှာ ဖြစ်ကြောင်း သမ္မ တဦး သိန်းစိန်က ဖြေကြားခဲ့တယ်လို့ မြန်မာအစိုးရပြန်ကြားရေး သတင်းမှာ ဖော်ပြပါတယ်။ [caption id="attachment_100764" align="aligncenter" width="641"]သမ္မတ ဦးသိန်းစိန်ကို NHK ဂျပန်ရုပ်သံသတင်းဌာနက တွေ့ဆုံမေးမြန်းစဉ် (ဓာတ်ပုံ - အမ်အိုအိုင်) သမ္မတ ဦးသိန်းစိန်ကို NHK ဂျပန်ရုပ်သံသတင်းဌာနက တွေ့ဆုံမေးမြန်းစဉ် (ဓာတ်ပုံ - အမ်အိုအိုင်)[/caption] သမ္မတကဒုတိယသက်တမ်းမှာဘယ်သူ တာဝန်ယူသည်ဖြစ်စေ ထာဝရငြိမ်းချမ်းရေး တည်ဆောက်ရန်၊ မြန်မာနိုင်ငံကို ဖွံ့ဖြိုးမှုအနည်းဆုံးနိုင်ငံ (LDC) အဖြစ်မှ လွတ်မြောက်ရန်နဲ့ တဦးချင်းဝင်ငွေ အလယ်အလတ်အဆင့်ရှိ နိုင်ငံ အဖြစ် ရောက်ရှိစေဖို့ ဦးစားပေးဆောင်ရွက်သွားမယ်လို့လည်း သမ္မတက ပြောပါတယ်။ ဒါ့အပြင် လက်ရှိ မြန်မာနိုင်ငံမှာ  ဂျပန်နိုင်ငံရဲ့ ရင်းနှီးမြှုပ်နှံမှုဟာ နိုင်ငံအလိုက် အဆင့် ၁၂ သာရှိနေတဲ့အတွက် အခြေခံအဆောက်အအုံ၊ စက်မှု၊ လျှပ်စစ်၊ ရေနံနဲ့  သဘာဝ ဓာတ်ငွေ့ကဏ္ဍတွေမှာ ပိုမိုရင်းနှီးမြှုပ်နှံဖို့လည်း ဂျပန်ကို ဖိတ်ခေါ်ကမ်းလှမ်း ခဲ့ပါတယ်။ မြန်မာသမ္မတ ဦးသိန်းစိန်ဟာ ဇူလိုင် ၄ ရက်နေ့ စတင်ကျင်းပမယ့်  မဲခေါင်-ဂျပန် ထိပ်သီးအစည်းအဝေးမှာ ဒေသတွင်းအိမ်နီးချင်းနိုင်ငံတွေက ခေါင်းဆောင်တွေနဲ့ အတူ ပါဝင်တက်ရောက်ဆွေးနွေးနေဖို့ရှိနေတာဖြစ်ပါတယ်။
6 years Ago

June 30, 2015

ဦးသိန်းစိန်နှင့် မွန်ဂိုလီးယား သမ္မတတို့ နှစ်နိုင်ငံ ကုန်သွယ်ရေး သဘောတူစာချုပ် ချုပ်

သမ္မတ ဦးသိန်းစိန်နဲ့ မွန်ဂိုလီးယား သမ္မတတို့ နှစ်နုိုင်ငံကြား ခရီးသွားလာရေးနဲ့ ကုန်သွယ်ရေး သဘောတူစာချုပ်တွေကုို ဇွန်လ ၂၉  ရက်နေ့က ချုပ်ဆုိုနုိုင်ခဲ့ပါတယ်။ အခု ခရီးစဉ်ကနေ နှစ်နုိုင်ငံကြားမှာ ဆက်ဆံရေးနဲ့ ပူးပေါင်းဆောင်ရွက်ရေးတွေအတွက် တွန်းအားဖြစ်စေဖုို့ ယုံကြည်ပြီး နှစ်နုိုင်ငံကြား အပြန်အလှန် အကျိုးရှိမယ့် စာချုပ်တွေ ချုပ်ဆုိုနုိုင်လုို့ သမ္မတ ဦးသိန်းစိန်က ကျေနပ်ကြောင်း မွန်ဂိုရုပ်သံ မီဒီယာတွေမှာ ကြေညာသွားပါတယ်။ ပူးတွဲ သတင်းစာ ရှင်းလင်းပွဲမှာတော့ မွန်ဂိုလီးယား သမ္မတက နှစ်ဘက် စီးပွားရေး လုပ်ငန်းရှင်တွေကြားမှာ အတွေ့အကြုံတွေ ဖလှယ်ဖုို့၊ လေကြောင်းပုို့ဆောင်ရေးနဲ့ ခရီးသွား လုပ်ငန်းတွေမှာ ပူးပေါင်းဆောင်ရွက်ဖုို့ သဘောတူထားပါတယ်။ သမ္မတ ဦးသိန်းစိန်ဟာ မွန်ဂိုလီးယား သမ္မတရဲ့ ဖိတ်ကြားချက်နဲ့ ဇွန်လ ၂၈ ရက်ကနေ ၃၀ ရက်နေ့အထိ ချစ်ကြည်ရေး ခရီးစဉ်အဖြစ် မွန်ဂိုလီးယားကို သွားရောက်နေတာ ဖြစ်ပါတယ်။
6 years Ago
Up