ဦးလှဆွေ

February 4, 2019

“ဘူးလက်တော့မလွှတ်တော့ဘူး၊ အဏုမြူဗုံးသာ ကြဲလိုက်ပါတော့”  ဦးလှဆွေ (ရုပ်သံ)

တပ်မတော်က အပစ်ရပ်ထားချိန်မှာ တိုင်းရင်းသား လက်နက်ကိုင်တွေအနေနဲ့ ငြိမ်းချမ်းရေးစားပွဲဝိုင်းကိုလာကြဖို့နဲ့ မလာရင် အဏုမြူဗုံးကြဲလိုက်ဖို့ ကြံ့ခိုင်ရေးနှင့်ဖွံ့ဖြိုးရေးပါတီရဲ့   အမျိုးသားလွှတ်တော်ကိုယ်စားလှယ်ဟောင်း ဦးလှဆွေက ပြောကြားလိုက်ပါတယ်။ ဖေဖော်ဝါရီ ၃ ရက်နေ့က ရန်ကုန်မြို့လယ် မဟာဗန္ဓုလပန်းခြံရှေ့မှာ ကျင်းပတဲ့  တပ်မတော်ရဲ့ ပစ်ခတ်တိုက်ခိုက်မှုရပ်စဲရေးကြေညာချက် ကြိုဆိုထောက်ခံပွဲမှာ ဦးလှဆွေက ပြောသွားတာပါ။ တချိန်က အဏုမြူဗုံးဒဏ်ခံခဲ့ရတဲ့ ဂျပန်နိုင်ငံဟာ လက်ရှိ တိုးတက်တဲ့ နိုင်ငံဖြစ်နေတာနဲ့ ပတ်သက်ပြီး ဦးလှဆွေက  “အဲဒီလိုတိုင်းပြည်ဟာ ကျည်ဆန်နဲ့ တည်ဆောက်တာမဟုတ်ဘူးဗျ။ ဖြူဖြူကျော်သိန်းပြောတာ ကျနော်သဘောတူတယ်။ အဲဒီတိုင်းပြည်ဟာ ကျည်ဆန်နဲ့ တည်ဆောက်တဲ့ တိုင်းပြည်မဟုတ်ဘူး  အဲဒီတိုင်းပြည်ကို အဏုမြူဗုံးနှစ်လုံးကြဲလိုက်လို့ အဲဒီတိုင်းပြည်ဖွံ့ဖြိုးသွားတာလို့ ဒီနေရာမှာ ပြောချင်တယ်။ ဒါကြောင့်မို့လို့ ပစ်ခတ်တိုက်ခိုက်မှု ရပ်စဲထားတယ်၊ ငြိမ်းချမ်းရေးစားပွဲကို လာပါ။ ငြိမ်းချမ်းရေးစားပွဲကို လာချင်ရင် ရွှေလက်နဲ့ ခေါ်လို့မလာရင် ဘူးလက်တော့ မလွှတ်တော့ဘူး။ အဏုမြူဗုံးသာကြဲလိုက်ပါတော့”လို့ ပြောသွားပါတယ်။ တပ်မတော်ထောက်ခံ ချီတက်လမ်းလျှောက်ပွဲကို အမျိုးသားရေးတပ်ပေါင်းစု (ရန်ကုန်)က ဦးဆောင်ကျင်းပတာဖြစ်ပြီး အင်အားထောင်ချီပါဝင်တက်ရောက်ခဲ့ကြပါတယ်။ ရုပ်သံ- Credit- Phyo Thu
3 years Ago

October 6, 2016

ဦးလှဆွေ ကန့်ကွက်လွှာတင်ထားသည့် ဂန့်ဂေါအန်အယ်လ်ဒီအမတ်ကို ပြန်စိစစ်မည်

ကြံ့ခိုင်ရေးနှင့်ဖွံ့ဖြိုးရေးပါတီက ဦးလှဆွေ ကန့်ကွက်လွှာတင်ထားတဲ့ ဂန့်ဂေါ အန်အယ်လ်ဒီ အမတ် ဦးပြူးလွင်ကို ရွေးကောက်ပွဲကော်မရှင်စုံညီခုံရုံးမှာ ပြန်လည်စိစစ်မယ်လို့ အမိန့်ချမှတ်ခဲ့ပါတယ်။ အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ပါတီက အနိုင်ရလွှတ်တော်ကိုယ်စားလှယ် ဦးပြုးလွင်ကို ကြံ့ခိုင်ရေးပါတီက ဦးလှဆွေ တင်သွင်းခဲ့တဲ့ ကန့်ကွက်လွှာတင်မှု အစအဆုံး ပြန်လည်စိစစ်မည်လို့ ပြည်ထောင်စု ရွေးကောက်ပွဲကော်မရှင်စုံညီခုံရုံးက အောက်တိုဘာ ၆ ရက်နေ့က အမိန့်ချမှတ်ခဲ့ပါတယ်။ “ခုံရုံးကနေ ချမှတ်တာနဲ့ပတ်သက်ပြီးတော့ ကျနော်တို့ ဥပဒေအရလုပ်ထားတာဆိုတော့ စောဒက တက်ပိုင်ခွင့် မရှိပါဘူး။ အစကပြန်စစ်မယ်ဆိုတော့ ဒါဘာမှ အမှန်တရား မဟုတ်ဘူးဆိုတာ နောက်ပိုင်းလည်း သိလာမှာပါ။ အဲဒါနဲ့မှစစ်ရင်တော့ ငွေကုန်လူပန်းပဲ ဖြစ်လာမှာပေါ့” လို့ ဦးပြူးလွင်ကပြောပါတယ်။ သူတို့တွေဟာ ၂၀၁၅ အထွေထွေရွေးကောက်ပွဲတုန်းက မကွေးတိုင်းဒေသကြီး၊ ဂန့်ဂေါ်မြို့နယ် အမှတ် ၁၂ မဲဆန္ဒနယ်ကနေ အမျိုးသားလွှတ်တော် ကိုယ်စားလှယ် နေရာအတွက် ဝင်ရောက်ယှဉ်ပြိုင်ခဲ့ကြတာပါ။ "သူက ရိုးသားစွာယှဉ်ပြိုင်ခဲ့တာ မဟုတ်ဘူး၊ သူဘာသာသူ ဒေါ်စု နာမည်လေးတပ်ပြီး ပြိုင်ရင်ကို နိုင်ပါတယ်။ ဒါပေမယ့် သူက ဒီလိုမရိုးသားလို့ ကျနော်က ဂန့်ဂေါ်မှာလည်း ပြစ်ဆိုင်ရာဥပဒေနဲ့ တရားစွဲထားတယ်။ ဒီမှာလည်း အယူခံဝင်ခဲ့တာဖြစ်တယ်လို့" ဦးလှဆွေက ပြောပါတယ်။ သိက္ခာကျအောင်၊ မဲမထည့်အောင် ငွေစား၊ လယ်တွေလည်း သိမ်းထားတယ်လို့ မမှန်သတင်းပေး တိုင်ကြားမှု ပုဒ်မ ၂၁၁၊ အသရေဖျက်မှု ပုဒ်မ ၅၀၀တို့နဲ့ ဦးပြူးလွင်ကို ဂန့်ဂေါ်တရားရုံးမှာ တရားစွဲထားခဲ့ကြောင်းကိုလည်း ဦးလှဆွေက ရှင်းပြခဲ့တယ်။ အဲဒီ အယူခံဝင်မှု ကန့်ကွက်လွှာ စစ်ဆေးမှုကို ၂၀၁၆ ခုနှစ် ဇန်နဝါရီလက ပြည်ထောင်စု ရွေးကောက်ပွဲ ကော်မရှင် စုံညီခုံရုံးမှာ စတင် စစ်ဆေးခဲ့တာပါ။
5 years Ago
Up