ဦးရဲလွင် (မဇ္ဈိမလှိုင်း) ကွယ်လွန်

July 10, 2018

ဦးရဲလွင် (မဇ္ဈိမလှိုင်း) ကွယ်လွန်

ပြည်တွင်းငြိမ်းချမ်းရေးနဲ့ ပြည်တွင်းစစ်ကြောင့် ဒုက္ခရောက်နေသူတွေကို ကူညီပေးဖို့ ဂီတနဲ့ ကူညီခဲ့တဲ့ ပန်းရဲ့လမ်းအဖွဲ့က တေးရေး ဦးရဲလွင်ဟာ ဒီနေ့ညနေပိုင်းမှာ ကွယ်လွန်သွားပါတယ်။ ဦးရဲလွင်ကို ပေါင်းတည်မြို့မှာ မွေးဖွားခဲ့ပြီး စက်မှုတက္ကသိုလ် တက်နေတုန်းမှာပဲ E.Machine တီးဝိုင်းမှာ ဘေ့စ်ဂစ်တာသမားအဖြစ် ပါဝင်ခဲ့ပါတယ်။ ၁၉၈၄ ခုနှစ်မှာတော့ အဆိုတော် ခင်မောင်တိုး ပါဝင်တဲ့ မဇ္ဈိမလှိုင်းဂီတအဖွဲ့ ဖွဲ့စည်းစဉ်မှာ ပါဝင်ခဲ့ပါတယ်။ ၂၀၁၂ ခုနှစ်မှာ  “လွတ်လပ်ငြိမ်းချမ်း ပန်းရဲ့လမ်း” အဖွဲ့ကို ဖွဲ့စည်းလို့ နိုင်ငံအနှံ့မှာ ငြိမ်းချမ်းရေးအတွက် တေးသီးချင်းတွေ နယ်လှည့် ဖျော်ဖြေပြီး ရရှိတဲ့ ရန်ပုံငွေတွေနဲ့ ဒုက္ခရောက်နေသူတွေကို ကူညီခဲ့ပါတယ်။ ဒါကြောင့် ၂၀၁၃ ခုနှစ်အတွက် ပြည်သူ့ဂုဏ်ရည် အထူးဆုကို ရရှိခဲ့ပါတယ်။ ပြီးခဲ့တဲ့ ဇွန်လ ၅ ရက်နေ့ကစလို့ ရန်ကုန်မြို့ ကုတင် ၅၀၀ ဆေးရုံ အသည်းကုသဆောင်မှာ ကုသမှု ခံယူနေရင်း ဒီနေ့ ညနေ ၄ နာရီကျော်ချိန်မှာ ကွယ်လွန်သွားတာဖြစ်ပြီး ကွယ်လွန်ချိန်မှာ အသက် ၇၀ကျော်အရွယ်ရှိပြီဖြစ်ပါတယ်။
3 years Ago
Up