ကိုယ်စားလှယ်တွေအနေနဲ့ ဖက်ဒရယ်ပြည်ထောင်စု တည်ထောင်ဖို့ ဆောင်ရွက်နေချိန်မှာ မှန်ကန်တဲ့စေတနာနဲ့ ပူးပေါင်းဆောင်ရွက်ဖို့ လွှတ်တော်နာယကက တိုက်တွန်းလိုက်ပါတယ်။ မတ် ၁၅ ရက်နေ့ ဒုတိယအကြိမ် ပြည်ထောင်စုလွှတ်တော် အစည်းအဝေး အပိတ်အမှာစကားမှာ ပြောကြားခဲ့တာပါ။ "လွှတ်တော်ကိုယ်စားလှယ်တွေအနေနဲ့ မိမိနိုင်ငံကို ဒီမိုကရေစီ ဖက်ဒရယ်ပြည်ထောင်စုကြီးအဖြစ် တည်ထောင်ဖို့ ကြိုးစားဆောင်ရွက်နေကြတဲ့ အခုလိုကာလမှာ နိုင်ငံတော်နဲ့ နိုင်ငံသား ပြည်သူတွေအတွက် မှန်ကန်တဲ့ စေတနာနဲ့ ပူးပေါင်းဆောင်ရွက်ကြဖို့ ပြောကြားလိုပါတယ်" လို့ ဦးတီခွန်မြတ်က ဆိုပါတယ်။ အမျိုးသားဒီမိုကရေစီအဖွဲ့ချုပ်က တင်သွင်းတဲ့ ဖွဲ့စည်းပုံပြင်ရေး လုပ်ငန်းစဉ်အတွက် ဖွဲ့စည်းပုံအခြေခံဥပဒေ ပြင်ဆင်ရေး ပူးပေါင်းကော်မတီကို ဖွဲ့စည်းပြီး ကော်မတီအတွင်း ဆွေးနွေးဆောင်ရွက်နေသလို ကြံ့ခိုင်ရေးပါတီက တင်သွင်းထားတဲ့ ပုဒ်မ ၂၆၁ ပြင်ဆင်ရေးအတွက် ဖွဲ့စည်းပုံကို ဒုတိယအကြိမ် ပြင်ဆင်တဲ့ ဥပဒေမူကြမ်း လေ့လာစိစစ်ရေး ပူးပေါင်းကော်မတီရဲ့ အစီရင်ခံစာအပေါ် ကိုယ်စားလှယ်တွေရဲ့ ဆွေးနွေးတဲ့ အစီအစဉ်ကိုလည်း ဒီကနေ့ အပြီးဆောင်ရွက်ခဲ့တယ်လို့ ပြောပါတယ်။ "ဖွဲ့စည်းပုံအခြေခံဥပဒေ ပြင်ဆင်ရေးအတွက် ကျန်ရှိတဲ့ လုပ်ငန်းစဉ်တွေကို လာမယ့် ၁၂ ကြိမ်မြောက် လွှတ်တော်ပုံမှန်အစည်းအဝေးမှာ ဆက်လက်ဆောင်ရွက်သွားကြရမှာ ဖြစ်ပါတယ်" လို့ ဆိုပါတယ်။ ၁၁ ကြိမ်မြောက် အစည်းအဝေးကာလအတွင်း ပြည်ထောင်စုလွှတ်တော် အစည်းအဝေးကနေ ဥပဒေကြမ်း ၁၃ ခုကို အတည်ပြုနိုင်ခဲ့တဲ့အပြင် အပြည်ပြည်ဆိုင်ရာ သဘောတူညီချက်တွေနဲ့ဆိုင်တဲ့ ကိစ္စရပ် ၅ ခုနဲ့ အဖွဲ့အစည်းဆိုင်ရာ အစီရင်ခံစာ ၅ ခု အပါအဝင် လွှတ်တော်ဆိုင်ရာ တခြားကိစ္စရပ်တွေအတွက် ဆွေးနွေး၊ ဆုံးဖြတ်၊ မှတ်တမ်းတင်တာတွေလည်း ဆောင်ရွက်ခဲ့တယ်လို့ သိရပါတယ်။ နေဖြိုးဝင်း

‘ဥပဒေကို လက်တလုံးခြားလုပ်တယ်’ ဆိုပြီး တပ်မတော်သားလွှတ်တော်ကိုယ်စားလှယ်တဦး ပြောကြားခဲ့တဲ့ စကားလုံးအသုံးအနှုန်းကို ပြည်ထောင်စုလွှတ်တော် နာယက ဦးတီခွန်မြတ်က သတိပေးကန့်ကွက်လိုက်ပါတယ်။ ၂၀၀၈ ဖွဲ့စည်းပုံအခြေခံဥပဒေ စောလျင်စွာပြင်ဆင်ရေးအတွက် ဥပဒေပြင်ဆင်ရေး ကော်မတီတရပ်ဖွဲ့ဖို့ မကွေးတိုင်းမဲဆန္ဒနယ် အမှတ် ၄ အမျိုးသားလွှတ်တော်ကိုယ်စားလှယ် ဦးအောင်ကြည်ညွန့်တင်သွင်းတဲ့ အရေးကြီးအဆိုကို မဲခွဲမဆုံးဖြတ်ဖို့ တပ်မတော်သားကိုယ်စားလှယ်က ပြောကြားရာမှာ ထည့်သွင်းခဲ့တဲ့ စကားလုံးအသုံးအနှုန်းကို သတိပေးကန့်ကွက်လိုက်တာလည်းဖြစ်ပါတယ်။ တပ်မတော်သား ကိုယ်စားလှယ်တဦးက “ကျနော်တို့ လွှတ်တော်ကိုယ်စားလှယ် အားလုံးဟာ ဖွဲ့စည်းပုံအခြေခံဥပဒေ ၁၂၅ ဇယားလေးမှာ ပါတဲ့အတိုင်း ကတိသစ္စာ ပြုထားကြသူတွေ ဖြစ်ပါတယ်။ ကျနော်တို့ ဖွဲ့စည်းပုံအခြေခံဥပဒေကို ထိန်းသိမ်းကာကွယ် စောင့်ရှောက်ပါမည်။ နိုင်ငံတော်ဥပဒေများကိုလည်း လေးစားလိုက်နာပါ့မည်ဆိုပြီးတော့ ကတိသစ္စာပြုထားကြသူတွေ ဖြစ်ပါတယ်။ ဒီလိုနိုင်ငံတော်ရဲ့ ဥပဒေပြုရေးတာဝန်ကို လုပ်ဆောင်ကြတဲ့ လွှတ်တော်ကိုယ်စားလှယ်တွေဟာ မိမိရဲ့ လုပ်ဆောင်ချက်တွေကို ဥပဒေနဲ့အညီ ဆောင်ရွက်နိုင်ဖို့ဟာ များစွာ အရေးကြီးပါတယ်။ ဥပဒေကို ကျော်လွန်လုပ်ဆောင်တာ ဥပဒေကို လက်တလုံးခြားလုပ်ပြီးတော့မှ လုပ်ဆောင်တယ်ဆိုရင်တော့ --ပေါ်ထွက်လာမယ့် အကျိုးရလဒ်တွေဟာလည်း မှန်ကန်ကောင်းမွန်မှု ရှိမှာမဟုတ်ဘဲနဲ့ အဂတိတရားတွေနဲ့ မကင်းတဲ့အကျိုးရလဒ်တွေ ဖြစ်မှာ။ ဒါကြောင့် ကျနော်တို့ကတော့ လုပ်ထုံးလုပ်နည်းနဲ့အညီသာ ဆောင်ရွက်သင့်ပါတယ်။ လုပ်ထုံးလုပ်နည်းကို ကျော်လွန်တဲ့ဟာမျိုး မလုပ်သင့်ပါကြောင်း တင်ပြအပ်ပါတယ်။ ဒီလိုအဆိုတင်သွင်းပြီးမှ မဲခွဲဆုံးဖြတ်မယ်ဆိုတာ မဲခွဲဆုံးဖြတ်ရမယ့်ကိစ္စ မဟုတ်ပါဘူးခင်ဗျ။ ဒါကို ကျနော့်အနေနဲ့ လေးလေးနက်နက် တင်ပြအပ်ပါတယ်။” ပြည်ထောင်စုလွှတ်တော် နာယက ဦးတီခွန်မြတ်က “လွှတ်တော်ကိုယ်စားလှယ်အနေနဲ့ သုံးနှုန်းသွားတဲ့ အသုံးအနှုန်းတွေကို လွှတ်တော်ရဲ့ ဂုဏ်သိက္ခာနဲ့ဆိုင်ပါတယ်။ ဥပဒေကို လက်တလုံးခြား လုပ်တယ်ဆိုတာ အသုံးအနှုန်းကိုတော့ မိမိလွှတ်တော်နာယကအနေနဲ့ လေးလေးနက်နက် ကန့်ကွက်ပါတယ်။ လွှတ်တော်ကိုယ်စားလှယ်ကို လွှတ်တော်ကိုယ်စားလှယ်တယောက်ရဲ့ အခွင့်အရေးမဆုံးရှုံးရအောင် လုပ်ထုံးလုပ်နည်း ဘယ်လိုသွားရမယ်ဆိုတာလည်း လွှတ်တော်ကိုယ်စားလှယ်သိပြီးသားဖြစ်ပါတယ်။ ပထမအကြိမ် လွှတ်တော် သက်တမ်းမှာလည်း ဒီဥပဒေကြမ်း ဖွဲ့စည်းပုံအခြေခံဥပဒေ ပြင်ဆင်ရေးမှာ လွှတ်တော်ကိုယ်စားလှယ် ကိုယ်တိုင်က အဆင့်ဆင့်မှာ ပါဝင်ခဲ့ပြီး ဖြစ်ပါတယ်။ အခုလည်း အဆိုရှင်က အဲဒီဥပဒေ ပြင်ဆင်ရေးအတွက် အားလုံးပွင့်လင်းမြင်သာစွာ ပါဝင်ဆောင်ရွက်ဖို့ ဆောင်ရွက်နေတဲ့အပိုင်းပဲဖြစ်ပါတယ်။ ဒါတွေကို နားလည်ဖို့ သဘောပေါက်ဖို့ လိုပါတယ်။ အဲဒီအဖွဲ့ ဖွဲ့စည်းချိန်မှာ ကိုယ်စားလှယ်အားလုံး ပါဝင်ရမှာဖြစ်ပါတယ်။ အဲဒီတော့ လွှတ်တော်ကိုယ်စားလှယ်ရဲ့ တင်သွင်းချက်ကို လွှတ်တော်က လက်မခံပါဘူး” လို့ သတိပေး ကန့်ကွက်ခဲ့တာလည်း ဖြစ်ပါတယ်။ မဲခွဲမဆုံးဖြတ်ဖို့ တပ်မတော်သားအားလုံးက မတ်တပ်ရပ်ပြီး ကန့်ကွက်ခဲ့ကြတာကို ပြည်ထောင်စုလွှတ်တော် နာယက ဦးတီခွန်မြတ်က လွှတ်တော် စည်းကမ်းသေ၀ပ်မှုရှိရေးအတွက် အားလုံးထိုင်ပေးဖို့  မေတ္တာရပ်ခံခဲ့ပြီးနောက် အဆိုကို မဲခွဲဆုံးဖြတ်ခဲ့ပါတယ်။ အရေးကြီးအဆိုဖြစ်တဲ့ စည်းပုံအခြေခံဥပဒေ စောလျင်စွာပြင်ဆင်ရေးအတွက် ဥပဒေပြင်ဆင်ရေး ကော်မတီတရပ်ဖွဲ့ဖို့ကိစ္စ ဆက်လက်ဆွေးနွေးရန် သင့်မသင့် မဲခွဲဆုံးဖြတ်ရာမှာတော့ ထောက်ခံမဲ ၃၉၄ မဲ၊ ကန့်ကွက်မဲ ၁၇ မဲ၊ ကြားနေမဲ ၃ မဲ နဲ့  မဲမပေးတာ ၁၈၇ မဲရှိနေပါတယ်။ ထောက်ခံမဲများတဲ့အတွက် ဒီအဆိုကို ဆက်လက်ဆွေးနွေးဖို့ ပြည်ထောင်စုလွှတ်တော် နာယာကက အတည်ပြုခဲ့ပြီး ဆွေးနွေးမယ့်သူအနေနဲ့ ၃၁ ရက်နေ့ နောက်ဆုံးထား စာရင်းသွင်းဖို့ နဲ့ ဒီအဆိုကို ဖေဖော်ဝါရီလ ၁ ရက်နေ့ ကျင်းပမယ့် ပြည်ထောင်စုလွှတ်တော်အစည်းအဝေးမှာ ဆွေးနွေးမှာဖြစ်ကြောင်း လွှတ်တော်ကော်နာယာကက ကြေညာခဲ့ပါတယ်။