ဥရောပဖလား

August 15, 2020

ဥရောပဖလား ဗိုလ်လုပွဲများတွင် ဆုပေးပွဲကို ပုံမှန်အတိုင်း ပြန်လည်ချီးမြှင့်မည်

ချန်ပီယံလိဂ်နဲ့ ယူရိုပါလိဂ်ဗိုလ်လုပွဲ ဆုပေးပွဲအခမ်းအနားတွေကို ပုံမှန်အတိုင်း ပြန်လည် ဆုချီးမြှင့်ပေးမယ်လို့ သိရပါတယ်။ ကိုဗစ်-၁၉ ကပ်ရောဂါ အခြေအနေကြောင့် အခုနှစ်ရာသီအတွင်း ကျင်းပခဲ့တဲ့ ဆုချီးမြှင့်ပွဲတွေမှာ သက်ဆိုင်ရာတာဝန်ရှိသူတွေက ဆုဖလားနဲ့ ဆုတံဆိပ်ချီးမြှင့်ခြင်းမရှိခဲ့ဘဲ ကစားသမားတွေကိုယ်တိုင် ယူခဲ့ရတာပါ။ ဥရောပလိဂ်ပြိုင်ပွဲနှစ်ခုဖြစ်တဲ့ ချန်ပီယံလိဂ်နဲ့ ယူရိုပါလိဂ် ဗိုလ်လုပွဲတွေမှာတော့ ယူအီးအက်ဖ်အေဥက္ကဋ္ဌ အလက်ဇန္ဒားဆက်ဖာရင် ကိုယ်တိုင် ဆုချီးမြှင့်ပေးမှာပါ။  ဆက်ဖာရင် ကိုယ်တိုင်ဟာလည်း ဗိုလ်လုပွဲတွေမတိုင်ခင်မှာ ကိုဗစ်-၁၉ ရောဂါပိုး ရှိ၊ မရှိ ကြိုတင်စစ်ဆေးသွားမှာဖြစ်ပါတယ်။  ယူရိုပါလိဂ်ဗိုလ်လုပွဲကို သြဂုတ် ၂၂ ရက်နဲ့ ချန်ပီယံလိဂ်ဗိုလ်လုပွဲစဉ်ကို သြဂုတ် ၂၄ ရက်မှာ ကျင်းပသွားမှာ ဖြစ်ပါတယ်။
1 year Ago
Up