ဥမကွဲသိုက်မပျက် ငှက်အိမ်ဈေးကွက်

May 15, 2018

ဥမကွဲသိုက်မပျက် ငှက်အိမ်ဈေးကွက် (ဓာတ်ပုံ)

  မန္တလေးမြို့၊ ကန်တော်ကြီးပတ်လမ်းမှာ ငှက်အိမ်လေးတွေကို ပြုလုပ်ရောင်းချပြီး တနိုင်တပိုင် မိသားစုစီးပွားရေးလုပ်ငန်းအဖြစ် လုပ်ကိုင်လာနေကြပါတယ်။ ငှက်အိမ်လေးတွေ ရောင်းချသူက “စွန့်ပစ် သစ်တို၊ သစ်စတွေနဲ့ ပြုလုပ်ထားတာဖြစ်ပြီး အမှိုက်ထဲကနေ ရွှေပေါ့ဗျာ။ မိသားစု စားဝတ်နေရေးအတွက် အဆင်ပြေသလိုနဲ့ ကလေးတွေ အတွက် ကျောင်းစရိတ်လည်း အထောက်အပံ့ဖြစ်တယ်”လို့ ပြောပါတယ်။ ငှက်အိမ်လေးတွေဟာ ငှက်ချစ်သူတွေအတွက် အဆင်ပြေသလို ဈေးနှုန်းကလည်း ၁၅၀၀ ကျပ်ကနေ ၁၅၀၀၀ ကျပ်ထိ အစားစားရှိပါတယ်။ ငှက်အိမ်အပြင် ငှက်စာအဖြစ် စပါးတွဲတွေကိုလည်း တွဲဖက်ရောင်းချထားတာတွေ့ရပါတယ်။ တနိုင်တပိုင် အသေးစားလက်မှုလုပ်ငန်းတွေအတွက် နိုင်ငံတော်အနေနဲ့ ထောက်ပံ့ပေးပြီး အခွန်ကင်းလွတ်ခွင့်ပါ ပေးထားရင် အခြေခံလူတန်းစားတွေအတွက် အလုပ်အကိုင် အခွင့်အလမ်းတွေ ပိုမိုဖြစ်ထွန်းလာနိုင်တယ်လို့ ငှက်အိမ်ရောင်းချသူက ပြောပါတယ်။  
3 years Ago

May 14, 2018

အနည်းဆုံးအခကြေးငွေ ၄၈ဝဝ ကျပ်အတည်ပြုထုတ်ပြန်

အနည်းဆုံးအခကြေးငွေ ကျပ် ၄၈၀၀ ကို အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားကော်မတီက ဒီနေ့  မေလ ၁၄ ရက်နေ့မှာ အတည်ပြု ထုတ်ပြန်ပါတယ်။ အနည်းဆုံး အခကြေးငွေကို နေရာဒေသမရွေးဘဲ တနိုင်ငံလုံးမှာ တနာရီ ၆၀၀ ကျပ်၊ ၈ နာရီ ၄၈၀၀ အနေနဲ့ သတ်မှတ်လိုက်တာ ဖြစ်ပါတယ်။ ဒီ သတ်မှတ်နှုန်းထားကို ကြေညာချက်ထွက်တဲ့နေက စပြီး အလုပ်သမားတွေ ခံစားခွင့် ရရှိမှာ ဖြစ်ပါတယ်။ အဆိုပြု အနည်းဆုံးအခကြေးငွေ ကျပ် ၄၈၀၀ ကို ၂၀၁၈ ဇန်နဝါရီလ ပထမပတ်က ထုတ်ပြန်ခဲ့ပါတယ်။ ၂၀၁၈ မတ်လ ပထမပတ်မှာ အဆိုပြုနှုန်းထား ကျပ် ၄၈၀၀ ကို အနည်းဆုံး အခကြေးငွေ သတ်မှတ်ရေးဆိုင်ရာ အမျိုးသားကော်မတီက အတည်ပြုခဲ့ပါတယ်။ မြန်မာနိုင်ငံမှာ ပထမဆုံး သတ်မှတ်ခဲ့တဲ့ အနည်းဆုံး အခကြေးငွေ ကျပ် ၃၆၀၀ ကို ၂၀၁၅ သြဂုတ်လက ထုတ်ပြန်ခဲ့တာဖြစ်ပါတယ်။
3 years Ago
Up