ဥပဒေရေးရာအမေးအဖြေ

A d v e r t i s e m e n t With Us

July 27, 2019

 မြေလွတ်၊ မြေလပ်၊ မြေရိုင်းနှင့် မြေနုကျွန်းများ လုပ်ပိုင်ခွင့်

မြေလွတ်၊ မြေလပ်နှင့် မြေရိုင်းများ၊ မြေနုကျွန်း လုပ်ပိုင်ခွင့်တွေနဲ့ ပတ်သက်ပြီး လူမှုကွန်ရက်ကနေ မေးမြန်းလာတာတွေကို ဦးဇော်မင်း (မြေယာဥပဒေနှင့် မြေယာ စီမံခန့်ခွဲရေး လုပ်ထုံးလုပ်နည်းများ အတိုင်ပင်ခံ) အား ဒီဗွီဘီသတင်းထောက် နေရီရီက တွေ့ဆုံမေးမြန်းထားပါတယ်။ မေး - မြေလွတ်၊မြေလပ်နှင့်မြေရိုင်းများစီမံခန့်ခွဲရေး ဗဟိုကော်မတီက နိုဝင်ဘာ ၂ ရက်နေ့စွဲဖြင့် မြေလွတ်၊ မြေလပ်နှင့် မြေရိုင်းများကို လုပ်ပိုင်ခွင့်၊ အသုံးပြုခွင့် လျှောက်ထားနိုင်ကြောင်း အသိပေးကြေညာချက် ထုတ်ပြန်ခဲ့ပါတယ်။ ကျနော်တို့ တောင်တန်းဒေသမှာ ဘိုးဘွားအစဉ်အဆက်က လုပ်ကိုင်စားသောက်နေတဲ့ ယာမြေကို အကြောင်းအမျိုးမျိုးကြောင့် မလျှောက်နိုင်ခဲ့ဘူးဆိုရင် တရားစွဲခံရနိုင်ပါသလား။ ဖြေ - မြေလွတ် မြေလပ်နှင့် မြေရိုင်းများ စီမံခန့်ခွဲရေးဥပဒေကို ပြင်ဆင်သည့် ဥပဒေ ပုဒ်မ ၂၂ ပုဒ်မခွဲ (ခ)၊ ပုဒ်မခွဲငယ် (၁) မှာ ခွင့်မိန့်မရှိဘဲ မြေလွတ်မြေရိုင်းအား အသုံးပြု နေသူများသည် ၂၀၁၈ ပြင်ဆင်ချက်ဥပဒထုတ်ပြန်သည့် နေ့ရက်မှ ၆ လ အတွင်းမလျှောက်ထားဘဲ ဆက်လက်အသုံးပြုနေခဲ့လျှင် သိမ်းယူခြင်း ဖယ်ရှားခြင်းခံရမည်ဖြစ်ကြောင်း ဖော်ပြထားပါတယ်။ ထို့အပြင် ပုဒ်မ ၂၂ (ခ) ပုဒ်မခွဲငယ် ၃ တွင် ပုဒ်မခွဲငယ် ၁ နှင့် ၂ တို့ကို မလိုက်နာ ပါက အရေးယူခြင်း ခံရမည်ဖြစ်ကြောင်း ဖော်ပြထားပါတယ်။ မလိုက်နာပါက အရေးယူနိုင်သည့် ပုဒ်မ ၂၇ ဖြစ်ပါ တယ်။ အခုမေးသလို တောင်တန်းဒေသမှာ သော်လည်းကောင်း၊ ပြည်ထောင်စု တစ်ဝှမ်းလုံးရှိ မြေရိုင်းများတွင် ဒါမဦးချ တောတိုး ခုတ်ထွန်၍ ကျေးလက်ဒေသ အခြေချနေထိုင်လုပ်ကိုင်နေသည့် ဒေသခံတောင်သူများအနေဖြင့်လည်းကောင်း ဘိုးဘွားအစဉ်အဆက်က လုပ်ကိုင်စားသောက်နေတဲ့ ယာမြေကို အကြောင်းအမျိုးမျိုးကြောင့် မလျှောက်နိုင်ခဲ့ဘူးဆိုက တရားစွဲခံရ နိုင်ပါလားဆိုရင် အထက်ပါ ဥပဒေပြဋ္ဌာန်း ချက်များအရ တရားစွဲဆို အရေးယူနိုင်တာ တွေ့ရပါမယ်။ သို့သော် မြေလွတ်မြေလပ်နှင့် မြေရိုင်များ စီမံခန့်ခွဲရေး ဗဟိုကော်မတီ ဥက္ကဋ္ဌဖြစ်တဲ့ ပြည်ထောင်စုဝန်ကြီး ရှင်းလင်းချက်ကတော့ ၆ လကျော်သည်ထိ မလျှောက်သော်လည်း တရားစွဲဆို အရေးမယူပါကြောင်း။ သို့သော် ယင်းနေရာကို အပြိုင်လျှောက်သူများ ရှိလာက လက်ရှိပုဂ္ဂိုလ် နစ်နာမည်ဖြစ်ကြောင်းဟု ဖြေကြားချက်ရှိသည်ကို အသိပေးလိုပါတယ်။ မေး - ကျနော်တို့ဒေသမှာ နွေရာသီရောက်တိုင်း မြေနုကျွန်းမှာ လုပ်ပိုင်ခွင့်နဲ့ပတ်သက်ပြီး မကြာခဏ အငြင်း ပွားမှုတွေ ဖြစ်ပေါ်လေ့ရှိပါတယ်။ မြေနုကျွန်းလုပ်ပိုင်ခွင့်နဲ့ပတ်သက်ပြီး ဘယ်လိုဥပဒေတွေရှိပါသလဲ။ မြေနုကျွန်းကနေ မြေရင့်ကျွန်းအဖြစ် ဘယ်လိုသတ်မှတ်သလဲဆိုတာ သိလိုပါတယ် ။ ဖြေ - ယခင်က ၁၉၆၃ သီးစားချထား ရေး နည်းဥပဒေ၊ ၁၆ အရ မြေနုကျွန်းလုပ်ကိုင်ခွင့်များ ချထားပေးခဲ့ပါသည်။ ယခုအချိန်မှာတော့ ၂၀၁၂ လယ်ယာမြေ နည်းဥပဒေ အခန်း ၁၂၊ နည်း ၁၀၃ မှ ၁၁၂ ပါပြဋ္ဌာန်းချက်များအရ ချထားပေးပါတယ်။ မြေနုကျွန်းလုပ်ပိုင်ခွင့်ဆိုတာ တနှစ်တရာသီအတွက်သာ ချရပါတယ်။ နောက်နှစ်အတွက် အာမခံပါဘူး။ မြေနုကျွန်းဆိုတာ တည်နေရာ၊ ပုံစံ၊ ဧရိယာ မြေသား ဖွဲစည်းပုံများ နှစ်စဉ်ပြောင်းလဲမှု ရှိပြီး ခိုင်မြဲမှု မရှိသည့် မြေဖြစ်ပါတယ်။ မြေနုကျွန်းချထားသည့် အခြေခံမှုများကတော့ လုပ်ကိုင်ခွင့်ကို နှစ်စဉ်၊ တနှစ် တရာသီအတွက်သာ ချရပါတယ်။ မြေနုကျွန်းချထားရာတွင် မြေနုကျွန်းနှင့် အနီးကပ်ဆုံးကျေးရွာများကို  သတ်မှတ်ရမည်။ ကျေးရွာနယ်နိမိတ်နှင့် မနိုင်းယှဉ်ရဘဲ အနီးကပ်ဆုံးသာ ကျေးရွာများရဲ့ ရွာစည်းရိုးနှင့် မြေနုကွန်းပေါ်ရှိ လုပ်ကိုင်နိုင်သော မြေ၏ အနားရေးတို့၏ အတိုဆုံးအကွာအဝေးကို နှိုင်းယှဉ်ရမည်။ အနီးကပ်ဆုံး ကျေးရွာများမှ စီးပွားရေးစစ်တမ်းအရ ထွန်ယက်စိုက်ပျိုးနိုင်သော အင်အားရှိသည့် လယ်မဲ့ယာမဲ့များ သူရင်းငှားများ လယ်ယာလုပ်သားများကိုသာ လျာထားပေးရမည်။ ဒေသပတ်ဝန်းကျင်ရှိ သာမာန်တောင်သူ တယောက် ခံစားရနိုင်သော အကျိုးအမြတ် ပမာဏထက် မပိုသော အကျိုးခံစားနိုင်မည့် ဧရိယာကို ခွဲဝေချထားမှုပြုရမည်။ အထက်ပါ ပမဏအရ အနီးဆုံးကျေးရွာရှိ လုပ်ပိုင်ခွင့် ရထိုက်သူများအတွက် ခွဲဝေချထားပေးပြီးသော်လည်း မြေပိုလျှံသေးပါက ဒုတိယအနီးဆုံး တတိယအနီးဆုံးကျေးရွာများမှ လယ်မဲ့ယာမဲ့များ သူရင်းငှားများ၊ လယ်ယာ လုပ်သားများကို ဆက်လက် ခွဲဝေချထားပေးရမည်။ ခွဲဝေဧရိယာများကို အကွက်ရိုက် အမှတ်စဉ်တပ်မဲ့စနစ်ဖြင့် ချထားပေးရမည်။ မြေနုကျွန်း လုပ်ပိုင်ခွင့်အတွက် မြို့နယ်တမြို့နယ်အတွင်း ရပ်/ကျေးအချင်းချင်း အငြင်းပွားသော်လည်းကောင်း၊ ခရိုင်တခုအတွင်း မြို့နယ်အချင်းချင်း အငြင်းပွားသော် လည်းကောင်း တိုင်ဒေသကြီး (သို့) ပြည်နယ် တစ်ခုအတွင်း ခရိုင်အချင်းချင်း အငြင်းပွားခြင်းဖြစ်ပါက လည်းကောင်း သက်ဆိုင်ရာ လယ်စီအဖွဲ့များသည် ကွင်းဆင်း ညှိနှိုင်းမြေရှင်၍ တိုင်းဒေသကြီးသိုမဟုတ် ပြည်နယ်လယ်စီအဖွဲ့ အဆုံးအဖြတ်ကို ခံယူရမည်။ တိုင်းဒေသကြီး (သို့) ပြည်နယ်အချင်းချင်း အငြင်းပွားပါက ဗဟိုလယ်စီ အဖွဲ့သိုတင်ပြ၍ ဆုံးဖြတ်ခံယူရမည်။ မြေနုကျွန်းနယ်နိမိတ်အတွက် အမျှော်မြင်ဖြင့်လည်းကောင်း အုပ်ချုပ်ရေး နယ်နိမိတ်အရ လည်းကောင်း ခွဲခြား ဖြေရှင်းဆာင်ရွက်နိုင်သည်။ အဆိုပါ မြေနုအနေဖြစ့် နယ်နိမိတ် ပုံစံတည်မြဲသွားပြီး ပြောင်းလဲမှု မရှိတော့ဘဲ စိုက်ပျိုးမြေအဖြစ် တည်ငြိမ် သွားသည့်အခါ မြေရင်းအဖြစ် ပြောင်းလဲသတ်မှတ်၍ ကွင်းတိုင်းတာပြီး ကိုင်းမြေအမျိုးအစားအဖြစ် သတ်မှတ် ပေးရပါတယ်။ မေး - မြေလွတ်မြေလပ်မြေရိုင်းတွေကို လုပ်ပိုင်ခွင့်ရယူထားသူတွေ ဘာမှမစိုက်ဘဲထားလို့ အစိုးရကပြန်သိမ်းနေ တာတွေ့ရပါတယ်။ သိမ်းပြီးသားမြေတွေကို မူလကတည်းက လုပ်ကိုင်ခဲ့တဲ့ တောင်သူဖြစ်စေ၊ ဒေသခံတွေဖြစ်စေ တရားဝင် ဖြစ်အောင် ဘယ်လိုလျှောက်ထားရမလဲ ဆိုတာကို သိလိုပါတယ် ။ ဖြေ - မြေလွတ်မြေရိုင်း လုပ်ပိုင်ခွင့် ပေးထားသည့်မြေတွေ၊ မစိုက်ပျိုးလို့ ပြန်သိမ်းမြေတွေကို မူလတောင်သူများ၊ ဒေသခံတောင်သူများ လျှောက်နိုင်ပါတယ်။ လျှောက်ထားနိုင်အောင် ဥပဒေက ပြဆိုထားပါတယ်။ မူလ ၂၀၁၂ မြေလွတ် မြေလပ်နှင့် မြေရိုင်များ စီမံခန့်ခွဲရေး ဥပဒေမှာ ကျေးလက်ဒေသနေ တနိုင်တပိုင် စိုက်ပျိုးမည့် ဒေသခံတောင်သူလယ်သမားနှင့် အိမ်ထောင်သားစုအတွက် တကြိကိမ်လျှင် ၁၀ ဧက စီဖြင့် ဧက ၅၀ ထိလုပ်ပိုင်ခွင့် ပြုရန်သာ ပါရှိပေမယ့် ၂၀၁၈ မြေလွတ် မြေလပ်နှင့် မြေရိုင်းများ ပြင်ဆင်ချက် ဥပဒေမှာတော့ ကျေးလက်နေ တနိုင်တပိုင် စိုက်ပျိုးမည့် သူများသို့ ၁၀ ဧက ချထားမည့် နည်းလမ်းအပြင်လယ်မဲ့ ယာမဲ့များ အသုံးပြုလိုသည့် လုပ်ကွက်ငယ်တောင်သူများ၊ စိုက်ပျိုရေး မွေးမြူရေးဆောင်ရွက်လိုသည့် ဒေသခံများအတွက်ပါ ခွင့်ပြုနိုင်အောင် ပုဒ်မ ၅ က အဖြစ်ဖြည့်စွက်ပြင်ဆင်ထားပါတယ်။ ပုဒ်မ ၅ (က) မြေယာမဲ့ နိုင်ငံသား လုပ်ကွက်ငယ်တောင်သူလယ်သမားများသည် နိုင်ငံတော်အတွင်းရှိ မြေလွတ်မြေလပ်နှင့် မြေရိုင်းများကို စိုက်ပျိုးရေး၊ မွေးမြူရေးနှင့် ယင်းနှင့် ဆက်နွယ်လျှက်ရှိသော စီးပွားရေးလုပ်ငန်းများအတွက် လုပ်ပိုင်ခွင့် အသုံးပြုခွင့်ရရှိလိုပါက သတ်မှတ်ချက်များနှင့် အညီသက်ဆိုင်ရာ စီမံခန့်ခွဲရေးကော်မတီသို့ လျှောက်ထားနိုင်သည်။ လျှောက်ထားရန်အတွက် လုပ်ထုံးလုပ်နည်းတွေကို ကြေညာချက်ထဲမှာ အသေးစိတ် ဖော်ပြထားပါတယ်။ မေး -အညာဒေသရဲ့ အမှတ်အသားတခုဖြစ်တဲ့ ထန်းတောတွေ ဈေးကောင်းပေး ၀ယ်သူရှိနေလို့ ခုတ်ရောင်းနေကြတာ တဖြည်းဖြည်းနဲ့ လျော့ပါးနေပါပြီ။ ထန်းတောမရှိတဲ့ အညာဖြစ်သွားမှာ စိုးရိမ်ပါတယ်။ ထန်းတောတွေကို ခုတ်လှဲနေတာနဲ့ ပတ်သက်ပြီး ဥပဒေအရ အကာအကွယ်မရှိဘူးလား။ အကာအကွယ်ရအောင် ဘယ်လို လုပ်သင့်သလဲဆိုတာကို သိပါရစေ။ ဖြေ - ယခင် ၁၉၆၃ သီးစားချထားရေးဥပဒေအရ မြေယာကော်မတီတွေက လုပ်ပိုင်ခွင့် ချထားပေးတဲ့ နိုင်ငံတော် လယ်ယာမြေမှာ နှစ်ရှည်သီးပင်တွေလည်း အကျုံးဝင်ပါတယ်။ ထန်းပင်ဟာ နှစ်ရှည်သီးနှံဖြစ်လို့ မြေယာကော်မတီတွေက လုပ်ပိုင်ခွင့်ချထားနိုင်တယ်လို့ သတ်မှတ်ခဲ့ပါတယ်။ ထန်းပိုင်ရှင်တွေက သူတို့သဘာဝအလျောက် ထန်းကိုချထားခွင့်မရှိပါဘူး။ မြေယာကော်မတီကသာ ထန်းသီးစား ဒါမှမဟုတ် ထန်းလုပ်ပိုင်ခွင့် ချထားနိုင်ပါတယ်။ ထန်းလုပ်ကိုင် အကျိုးခံစားခွင့် ချထားပေးတယ်လို့ ဆိုပါတယ်။ ထန်းလုပ်ကိုင် အကျိုးခံစားခွင့် ရသူတွေကို မြို့နယ် ကျေးရွာ မြေယာကော်မတီတွေက ၁၉၆၃ ခုနှစ် သီးစားချထားရေး ဥပဒေအရ သီးစားအဖြစ် မှတ်ပုံတင်ထားပေးရပါတယ်။ ထန်းလုပ်ပိုင်ခွင့် အငြင်းပွားမှုတွေကို မြေယာမှုခင်း အမျိုးအစားမှာ ထည့်သွင်းဖြေရှင်း ဆောင်ရွက်ပါတယ်။ ထန်းလုပ်ပိုင်ခွင့် မှတ်ပုံတင်ပေးထားခြင်း ခံရသူကသာ ထန်းကို တနှစ်ပတ်လုံး လုပ်ကိုင်အကျိုးခံစားခွင် ရရှိမည်ဖြစ်ပြီး ထန်းပိုင်ရှင်အနေနဲ့ ထန်းထွက်ပစ္စည်း ကြိုတင်ရောင်းချတဲ့ တန်ဖိုးကိုသာ ရပ်ရွာနှုန်းထားအရ ထန်းလုပ်ပိုင်ခွင့် ရရှိသူထံမှရရှိနိုင်ပါတယ်။ သီးစားခဆိုတဲ့ အသုံးအနှုန်းပါ။ ထန်းလုပ်ပိုင်ခွင့် သတ်မှတ်ရာမှာ ထန်းပင်တွေ အရှည်သဖြင့် လုပ်ကိုင်အကျိုးခံစားနိုင်ဖို့အတွက် ဘယ်သူမဆို ထန်းပင်တွေကို မတရားသဖြင့် ဖျက်လိုဖျက်ဆီးပုံစံသဘော စည်းကမ်းမဲ့ ခုတ်လှဲပစ်ခြင်း၊ ထန်းလက်တွေကို လိုအပ်တဲ့ အတိုင်းအတာထက် ပိုမိုခုတ်ပစ်ခြင်းမပြုလုပ်ဖို့ စည်းကမ်းချက်တွေ သတ်မှတ် ထိန်းသိမ်း စေခဲ့ပါတယ်။ မလိုက်နာရင် သီးစားပုဒ်မ ၁၂ အရ အရေးယူဆောင်ရွက်ရပါတယ်။ အဲဒီထန်းလုပ်ပိုင်ခွင့် ညွှန်ကြားချက်တွေနဲ့ ယခင်မြေယာကော်မတီခေတ်က ထန်းပင်များကို စည်းကမ်းထိန်းသိမ်းခဲ့ပါတယ်။ ဒီ လုပ်ထုံးလုပ်နည်းတွေ ဆက်လက်တည်ရှိနေမယ်ဆိုရင် အခုကဲ့သို့ ထန်းပင်တွေ စည်းကမ်းမဲ့ ခုတ်လှဲနေတာတွေကို တားဆီးနိုင်မယ်လို့ ထင်ပါတယ် ။ ယခု ၂၀၁၂ လယ်ယာမြေဥပဒေမှာ ထန်းလုပ်ပိုင်ခွင့်အတွက် မှတ်ပုံတင်ရန် မပါရှိခဲ့သလို ၆၄ သီးစားဥပဒေမှာလည်း ရုပ်သိမ်းခဲ့ပြီး ဖြစ်ပါတယ်။ ဒါကြောင့် ထန်းပင်တွေ ခုတ်လှဲမှုအပေါ် စည်းကမ်းသတ်မှ ထိန်းသိမ်းရန် အခက်အခဲ ဖြစ်ရပါတယ်။ ထန်းပင်တွေ စည်းကမ်းခုတ်လှဲမှုကို တားဆီးနိုင်ဖို့ ဒေသန္တရအမိန့်တရပ်ထုတ်ပြန် ဆောင်ရွက်ထိန်းသိမ်းမှာလား၊ လယ်ယာမြေဥပဒေမှာ အရင်ကလို ထန်းလုပ်ပိုင်ခွင့်နှင့် ထန်းလုပ်ပိုင်ခွင့် မှတ်ပုံတင်ပေးခြင်း၊ စည်းကမ်းထိန်းသိမ်းခြင်း ကိစ္စရပ်တွေကို ဖြည့်စွက်ထည့်သွင်းပြီး စည်းကမ်းချက်တွေ ထုတ်ပြန်ပြီးထိန်းသိမ်းမှာလား၊ တခုခုတော့ လုပ်သင့်တယ်လို့ ထင်ပါတယ် ။ မေး - ဆရာခင်ဗျား။ ကျနော်တို့နိုင်ငံမှာ မြေအမျိုးစားတွေများလွန်းလို့ နားမလည်နိုင်အောင် ဖြစ်နေရပါတယ်။ လက်ရှိကိုင်တွယ်အသုံးပြုနေတဲ့ မြေအမျိုးအစားတွေနဲ့ ပတ်သက်ပြီး ဥပဒေဗဟုသုတ အနေဖြင့် ရှင်းပြပေးစေ ချင်ပါတယ် ။ မြေနှင့် သက်ဆိုင်သည့် ဥပဒေပေါင်း (၄၀) ကျော် (၅၀) နည်းပါးရှိနေပြီး ယင်းဥပဒေများကို ဝန်ကြီးဌာန၊ အဖွဲ့အစည်းနဲ့ ဦးစီးဌာနပေါင်း (၂၀) ကျော်က ကိုင်တွယ်ကျင့်သုံးနေတာ တွေ့ရပါတယ်။ မြေအမျိုးအစားတွေကတော့ ကိုယ်ဌာနနဲ့ကိုယ် သတ်မှတ်ထားမှုတွေ ရေတွက်ရရင် အများကြီးပါ။ မြေစာရင်းလက်စွဲဥပဒေမှာတော စိုက်ပျိုးမြေနှင့် စိုက်ပျိုးခြင်း၊ မပြုသော အခြားမြေများဟု အဓိက ၂ မျိုးကို မူတည်၍ အဲဒီအောက်မှာ စိုက်ပျိုးမြေကို လယ်ယာ၊ ကိုင်းကျွန်း၊ ဓနိ၊ ဥယျာဉ်၊ တောင်ယာ စသည်ဖြင့် လည်းကောင်း အခြားမြေ အိုအေ (OA ) အား ၁၊ ရွာမြေ သုဿန်မြေ  ၂ ၊ သာသနာ့မြေ ၃၊ လမ်းမြေ၊ တာတမံမြေ၊ မီးရထားလမ်းမြေ၊ တူးမြောင်းမြေ၊ ရေကန်နှင့် ကန်ပေါင်းများ ၄၊ စိုက်ပျိုးနိုင်သော မြေလွတ်မြေရိုင်း ၅၊ မစိုက်ပျိုးနိုင်သောမြေလွတ်မြေရိုင်း ၆၊ သစ်တောကြိုးဝိုင်း စားကျက်အဆောက်အဦးများ ဆောက်လုပ်ရန်အတွက် သီးသန့်ထားသောမြေများ ၇၊ ချောင်း၊ အင်းနှင့် ရေလွှမ်းသော အခြားမြေများဟု ခွဲခြားထားပါတယ်။ နောက်ပိုင်း အိုအေ ၇ မျိုးကို ၁၃ မျိုးထိ ပြန် ခွဲပါတယ်။ ကြေးတိုင်နှင့် မြေစာရင်းဌာနမှ နှစ်စဉ်ကောက်ယူ ပြုစု ထုတ်ပြန်တဲ့ ရာသီဥတုနှင့် ကောက်ပဲသီးနှံ အစီရင်ခံစာ(ရာကောက်) များအနက် ရာကောက် ၂ ဟု ခေါ်တွင်သော နိုင်ငံအတွင်း အသုံးချလျှက်ရှိသည့် မြေများကို မြေအမျိုးအစားအလိုက် ခွဲခြားဖော်ပြသောစာရင်းတွင် မြေအမျိုးအစားပေါင်း ၂၂ မျိုးအဖြစ် စာရင်းပြုစု လျက် ရှိပါတယ်။ လယ်ယာစိုက်ပျိုးမြေအဖြစ် အကျုံးဝင်သော ၁၊ လယ် ၂ ၊ ယာ ၃၊ ကိုင်း ကျွန်း ၄၊ ဓနိ ၅၊ ဥယျာဉ် ၆၊ တောင်ယာ မြေများအား ၂၀၁၂ လယ်ယာမြေဥပဒေအရ စိုက်မွေးဆည် ဝန်ကြီးဌာနနှင့် ဗဟိုလယ်မြေစီမံခန့်ခွဲမှု အဖွဲ့တို့က စီမံကိုင်တွယ်လျှက်ရှိပါတယ်။ ၇၊ မြေလွတ် မြေလပ်နှင့် မြေရိုင်းများ ၈၊ တောရိုင်းမြေများကို ၂၀၁၂ မလမရ စီမံခန့်ခွဲ ရေးဥပဒေအရ ဗဟိုမြေလွတ်မြေလပ် နှင့် မြေရိုင်းများစီမံခန့်ခွဲရေးအဖွဲ့က စီမံကိုင်တွယ်ပါတယ်။ ၉၊ သတ္တုတွင်းမြေနှင့် ၁၀၊ သစ်တောမြေများ အတွက် သယံဇာတနှင့် သဘာဝ ပတ်ဝန်းကျင် ဝန်ကြီးဌာနမှ မြန်မာ့ သတ္တုတွင်း ဥဒေနှင့် ၂၀၁၈ သစ်တောဥပဒေများ အရ စီမံဆောင်ရွက်ပါတယ်။ ၁၂၊ မြို့မြေ ရွာမြေများ ၁၃၊ သာသနာ သုဿန်နှင့် အခြားအဆောင်အဦး မြေများကို ပြည်ထဲရေးဝန်ကြီးဌာနမှ မြို့နှင့် ကျေးရွာမြေများ ဥပဒေအရလည်းကောင်း သာသနာရေးဝန်ကြီးဌာနနှင့် စည်ပင်သာယာရေး ကော်မတီများမှ ဆိုင်ရာဥပဒေများ အရလည်းကောင်းကိုင် တွယ်ပါတယ်။ ထို့အတူ နေပြည်တော်၊ ရန်ကုန်၊ မန္တလေးမြို့ စည်ပင်သာယာရေး ကော်မတီများကလည်း ဆိုင်ရာ မြို့တော် စည်ပင်သာယာရေး ဥပဒေများအရ နေပြည်တော် ရန်ကုန်မြို့တော် မန္တလေးမြို့တော့်မြေများကို စီမံကွပ်ကဲပါတယ်။ ၁၄၊ စားကျက်မြေကို ပြည်ထဲရေးဝန်ကြီးဌာနက မြေနှင့်အခွန်တော် ဥပဒေများနှင့်အညီ စီမံဆောင်ရွက်သလို စိုက်မွေးဆည်ဝန်ကြီးဌာနနဲ့လည်း သက်ဆိုင်ပါတယ်။ ၁၅၊ ဆည်မြောင်း၊ ကန်၊ တာတမံမြေ ၁၆၊ အင်းအိုင်စသည့် မြေများ၊ ငါးမွေးမြူရေး၊ ကန်မြေများကို စိုက်မွေး ဆည်ဝန်ကြီးဌာနမှ ဆည်မြောင်းဥပဒေ တာတမံဥပဒေ ရေချို ငါးလုပ်ငန်း ဥပဒေ၊ ငါးမွေးမြူရေး ဆိုင်ရာ ဥပဒေ များအရ စီမံကိုင်တွယ်ပါတယ်။ ၁၇၊ မြစ်ချောင်းနှင့်ရေ အောက်မြေများကို ပို့ဆောင်ရေးနှင့် ဆက်သွယ်ရေးဝန်ကြီးဌာနမှ ရေအရင်းအဖြစ်နှင့် မြစ်ချောင်းများ ဖွံ့ဖြိုးတိုးတက်ရေး ဥပဒေအရ စီမံပါတယ်။ ထို့အပြင် ပို့ဆောင်ရေးနှင့် ဆက်သွယ်ရးဝန်ကြီးဌာန အနေဖြင့် ၁၈၊ မီးရတားမြေ ၁၉၊ လေယာဉ်ကွင်းမြေ တို့ကိုလည်း မီးရ ထားဥပဒေ အများလေကြောင်း ဥပဒေများအရ စီမံကိုင်တွယ်ပါတယ်။ ၂၀၊ လမ်းတံတားမြေများကို လမ်းမကြီးများ ဥပဒေအရ ဆောက်လုပ်ရေးဝန်ကြီးဌာနက ကိုင်တွယ်ပါတယ်။ ၂၁၊ စက်ရုံမြေများကိုတော့ သက်ဆိုင်ရာဝန်ကြီး ဌာနဆိုင်ရာ ဥပဒေအရ ကိုင်တွယ်ပါတယ်။ ၂၂၊ အမျိုးအစား ခွဲခြားခြင်း မပြုသည့် မြေများကိုတော့ ပြည်ထဲရေး ဝန်ကြီးဌာနမှ စီမံနေပါတယ်လို့ဘဲ အကျဉ်းချုပ် ဖြေကြားပါရစေ။
2 years Ago

July 7, 2019

အိမ်ထောင်ရေးဖောက်ပြန်မှု၊ ဇနီးအပေါ် ရိုက်နှက်နှိပ်စက်မှု (ဥပဒေရေးရာအမေးအဖြေ)

အိမ်ထောင်ရေးဖောက်ပြန်မှု၊ ဇနီးအပေါ် ရိုက်နှက်နှိပ်စက်မှု စတာတွေကို ဥပဒေအရ ဘယ်လိုရင်ဆိုင်ရမလဲ ဆိုပြီး လူမှုကွန်ရက်ပေါ်က မေးမြန်းလာတာတွေကို ဒေါ်ခင်မေသန်း (တရားလွှတ်တော်ရှေ့နေ) အား ဒီဗွီဘီသတင်းထောက် နေရီရီက တွေ့ဆုံမေးမြန်းထားပါတယ်။ မေး။ လင်ဖြစ်သူဖောက်ပြန်တာက ကျမ သိသွားပြီးတဲ့နောက်ပိုင်း ကျမကို အကြောင်းအမျိုးမျိုး ရှာပြီးတော့ နှိပ်စက်ပါတယ်။ ကွာရှင်းစေလိုတဲ့အတွက် နှိပ်စက်တာပါ။ ကျမမှာ ဘာအမှားမှ မရှိတဲ့အတွက် မကွာရှင်းချင်ပါဘူး။ ဒီလိုနှိပ်စက်တဲ့အတွက် လင်ဖြစ်သူထပ်ပြီး မနှိပ်စက်နိုင်အောင် ဘယ်လိုလုပ်ရမလဲ။ တရားရုံးအမိန့်နဲ့ တားဆီးခွင့်ရအောင် လျှောက်လို့ ရပါသလား။  ဖြေ။ ဒီမေးခွန်းက ဆန်းတယ်၊ မကွာချင်တာပေါ့။ အပြစ်ကျူးလွန်တဲ့ လူဘက်ကို ကြည့်လိုက်ရင် အမြဲတမ်း သူက ရန်ရှာတဲ့ သဘောတရားရှိတယ်။ အဲတော့ သူကဖောက်ပြန်တယ်၊ ဒါကိုလည်း ကာမပိုင်မိန်းမက သိတယ်။ ကွာရှင်းချင်တိုင်းလည်း မကွာဘူး။ အဲတော့ သူဟာ မကွာကွာအောင် နှိပ်စက်တယ်၊ ထပ်မနှိပ်စက်အောင် ဘယ်လို လုပ်ရမလဲဆိုတော့ ရာဇဝတ်မှုဥပဒေအရပဲဖြစ်ဖြစ်၊ ဓလေ့ထုံးစံအတိုင်းပဲဖြစ်ဖြစ် လင်ကမယားကိုဖြစ်စေ၊ မယားက လင်ကိုဖြစ်စေ နှိပ်စက်လို့မရဘူး။ ရိုက်၊ နှိပ်စက်ရင် အရေးယူလို့ရတယ်။  ထိပ်ပေါက်ခေါင်းကွဲဖြစ်တာတွေက ရာဇဝတ်မှုအရဖြစ်နိုင်တယ်၊ ကွာရှင်းခွင့်လည်း တောင်းနိုင်တာပေါ့။ ဒါက သေချာတယ်။ ဒါပေမဲ့ ကိုယ်က အပြစ်လည်းမရှိဘူး၊ ကွာလည်း မကွာချင်ဘူး၊ ဥပဒေသက်သက်သက်နဲ့ ဖြေရှင်းလို့လည်း မလွယ်ဘူး။ ဒါက လူမှုရေး နည်းလမ်းတွေရယ်၊ အပေးယူအလျှော့အတင်းတွေနဲ့ ချဉ်းကပ်ပြီးတော့မှ ဖြေရှင်းသင့်တယ်လို့ အကြံပြုချင်တယ်။  လင်နဲ့မယားမှာ မြန်မာ့ဓလေ့ထုံးတမ်းဥပဒေအရ ကြည့်မယ်ဆိုရင် ကွာလိုမှုတွေ စွဲလို့ရတယ်။ ရက်စက်မှုကြောင့် ကွာလို့ရတယ်။ ပစ္စည်းခွဲဝေစေ လိုမှုစွဲလို့ ရတယ်။ “လင်ကောင်းကောင်း နေပလိမ့်စေ ကျမကိုတော့ မနှိပ်စက်နဲ့ ဆိုတဲ့” တရားစွဲဖို့ ပေါ်ပေါက်တဲ့အကြောင်းတော့ ကျမတို့ မတွေ့ဘူးသေးပါဘူး။ အဲတော့ ပြေပြေလည်လည် တိုင်ပင်ပြီး ဆက်ပေါင်းကြဖို့ ကျမက အကြံပြုချင်ပါတယ်။  မေး။ ကျနော့်ဇနီးက နောက်တယောက်နဲ့ ဖောက်ပြန်နေတာကို ရိပ်မိပေမယ့် လက်ဆုတ်လက်ကိုင်ပြလို့ မရတာ ကြာပါပြီ။ ကလေးမွေးပြီးနောက်ပိုင်းမှာ အဲဒီကလေးက ဖောက်ပြန်တယ်လို့ သံသယရှိသူနဲ့ တဖြည်းဖြည်းတူနေပါတယ်။ နှစ်ယောက်စလုံးကို အမှုဖွင့်လို့ရနိုင်ပါသလား။ ဖြေ။ တကယ်လို့ သံသယရှိတဲ့အတိုင်း ဇနီးဖြစ်တဲ့သူက ဖောက်ပြန်ခဲ့တယ်ဆိုရင်၊ အဲဒီအချိန်ကတည်းက အရေးယူခဲ့မယ်ဆိုရင် မယားခိုးမှုမြောက်မယ်။ တလင်တမယားဥပဒေနဲ့ ငြိစွန်းမှုရှိမယ်။ ဒီကလေးက တတိယလူနဲ့ တူတယ်ဆိုတော့  ကျူးလွန်ထားတာတော့ မြင်သာတယ်။ သူ့ကို ဒီအန်အေ (DNA) စစ်လိုက်ရင် မပေါ်နိုင်ဘူးလား။ ဒါက Expert Opinion ဖြစ်တယ်။ သက်သေခံဥပဒေအရလည်း ဆေးစာသက်သေခံဝင်တယ်။ ဒါကို အခြေပြုပြီးတော့ မိမိဘက်က အခိုင်အမာ သက်သေပြနိုင်မယ်ဆိုရင် တရားစွဲလို့ရပါတယ်။ ဒါက ကြီးလေးတဲ့ ရက်စက်မှုဖြစ်မယ်။  ဒါဆိုရင် ဖောက်ပြန်တဲ့သူက ဘာမှမရဘူး။ အားလုံးစွန့်လွတ်ရမယ်။ နောက် ရာဇဝတ် ကြောင်းအရ တလင်တမယား ကျင့်သုံးခြင်းဆိုင်ရာ ဥပဒေအရဆိုရင် ပြစ်ဒဏ်ကျမယ်။ ဘယ်ဟာနဲ့ပဲဖြစ်ဖြစ် အရေးယူလို့ရပါတယ်လို့ အကြံပြုချင်ပါတယ်။  မေး။ ကျမအမျိုးသားက အရင်အိမ်ထောင်ရှိတာကို အသိမပေးဘဲ လက်ထပ်ခဲ့ပါတယ်။ သိသားတဲ့ အခါကျတော့ အရင်အိမ်ထောင်နဲ့ တရားဝင်ကွာရှင်းစာချုပ် လုပ်လာပါတယ်။ ဒါပေမဲ့ ကျမအနေနဲ့ ဘ၀နဲ့ရင်းပြီးအလိမ်ခံရတဲ့အတွက် တလင်တမယားဥပဒေနဲ့ တရားစွဲထားပါတယ်။ အိမ်ထောင်ရှိတာကို ထိန်ချန်ပြီး ပထမဇနီးနဲ့ ကွာရှင်းပေးရုံနဲ့ တလင်တမယားဥပဒေနဲ့ လွတ်ကင်းနိုင်ပါသလား ဆိုတာ သိလိုပါတယ်။ ဖြေ။ မေးခွန်းမှာပါတာက စာချုပ်က တရားရုံးမှာ ချုပ်ဆိုထားတဲ့ နှစ်ဦးသဘောတူ ကွာရှင်းထားတဲ့ စာချုပ်ဟုတ်လား၊ မဟုတ်လားဆိုတာ ဆန်းစစ်ဖို့လို့ပါတယ်။  နောက်တခုက ပထမဇနီးနဲ့ ကွာရှင်းလိုက်ရင် ပြီးရော ဆိုတာတော့ ဥပဒေအရ စက်ကွင်း မလွတ်ပါဘူး။ အဲဒါက (ignorance of law is not an excuse) ဆိုတဲ့ ဥပဒေကို မသိနားမလည်လို့ ကျူးလွန်တယ် ဆိုတာမျိုးကို ဥပဒေက လက်မခံဘူး။ ၂၀၁၅ မှာ ပြဋ္ဌာန်းထားတဲ့ ပြည်ထောင်စုလွတ် တော်ဥပဒေအမှတ် ၅၄၊ တလင်တမယား ကျင့်သုံးခြင်းဆိုင်ရာဥပဒေမှာ ပြောတာက ထိန်ချန်ပြီးတော့ကို လုပ်တာ၊ အိမ်ထောင်မရှိပါဘူးဆိုပြီး လက်ထပ်လိုက်ရင်၊ ဒီဥပဒေအရ အရေးယူရင် ဒီလူဟာ ထောင် ၁၀ နှစ်ထိ ကျခံနိုင်ပါတယ်ဆိုတာ ဖြေကြားပေးချင်ပါတယ်။ မေး။ ၂၀၁၅ ခုနှစ်တုန်းက ဘာသာမတူအမျိုးသမီးတယောက်နဲ့ တရက်လောက်ပေါင်းပြီး အိမ်ထောင်ကျခဲ့ဖူးပါတယ်။ ဒါပေမဲ့ သူ့မိဘတွေက ဘာသာမတူလို့ ချက်ချင်းပြန်ခေါ်သွားတဲ့အတွက် အခုချိန်ထိ တရားဝင် မကွာရှင်းခဲ့ရပါဘူး။ အခုချိန်ထိလည်း အဆက်အသွယ်မရှိပါဘူး။ လက်ရှိအိမ်ထောင်ကို ၂၀၁၇ မှာ လက်ထပ်ခဲ့ပြီး အရင်ကအကြောင်းကို ပွင့်ပွင့်လင်းလင်းပြောပြခဲ့ပါတယ်။ ကလေးတယောက်မွေပြီးတာ တစ်နှစ်ကျော် ကြာတဲ့အခါမှာ လင်မယားချင်းစကားများရန်ဖြစ်ရာက အရင်အိမ်ထောင်ကျတာကို အကြောင်းပြုပြီး ကွာရှင်း ခွင့်တောင်းနေပါတယ်။ ကျနော်က မကွာချင်ပါဘူး။ သူ့အနေနဲ့ ကျနော့်ကို တရားစွဲလို့ရမရ သိလိုပါ တယ်။ ဖြေ။ ဒီလိုဆိုရင် ကာမလိမ်လည်မှုတို့၊ ယုံကြည်အောင်ပြောပြီး လက်ထပ်တဲ့အမှုဆိုတဲ့ ရာဇဝတ်မှုတော့ လုံးဝမမြောက်ပါဘူး။ ပွင့်ပွင့်လင်းလင်း ပြောဆိုပေါင်းတယ်ဆိုတော့ လင်မယားကွာရှင်း စေထိုက်တဲ့အမှုတော့ မဟုတ်ပါဘူး။  မေးခွန်းပါ အချက်အလက်တွေကို အကြောင်းပြပြီးတော့ ဇနီးဖြစ်တဲ့သူက ကွာရှင်းလိုမှု နဲ့ စွဲရင်လည်း အောင်မြင်မှာ မဟုတ်ပါဘူးလို့ပဲ ဖြေကြားချင်ပါတယ်။ မေး။ ကျမတို့လင်မယား အိမ်ထောင်ရေးပြိုကွဲချိန်မှာ ကျမက ကလေးစရိတ်မယူဘူး၊ မတောင်းဘူးဆိုပြီး သဘောတူခဲ့ပါတယ်။ ဒါပေမယ့် အခုချိန်မှာ သားသမီးတွေက ကြီးလာတော့ ကျောင်းစရိတ်၊ အထွေထွေစရိတ် အကုန် အကျများလာတဲ့အတွက် ငွေကြေး အခက်အခဲရှိနေပါတယ်။ နောက်အိမ်ထောင်လည်း မပြုထားပါဘူး။ ဒါကြောင့် ကလေးတွေအတွက် သားသမီးစရိတ် တောင်းခွင့်ရှိမရှိနဲ့ တောင်းခွင့်ရှိတယ်ဆိုရင် ဘယ်လိုတောင်းရမလဲဆိုတာကို သိပါရစေ။ လူကြီးမိဘက သားသမီးတစ်ယောက် မွေးပြီဆိုရင် ထိန်းသိမ်းဖို့တာဝန် သူ့မှာ ရှိတယ်။ ခုပြဿနာက သူ့မှာ ကွာရှင်းတုန်းက စိတ်ကြီးပြီး ကလေးစရိတ်မတောင်းဖို့ ပြောကောင်းပြောလိမ့်မယ်။ ဒါပေမဲ့ အဲလို့ပြောလိုက်တာ စာနဲ့ပေနဲ့လား၊ နှစ်ဖက် လူကြီးမိဘတွေရှေ့မှာ ကွာရရင်ပြီးရော၊ ဘာစရိတ်မှ မယူဘူးဆိုပြီး ဆန္ဒဇောတွေနဲ့ ပြောခဲ့တာလား၊ ဒါကို တချက်စဉ်းစားရပါမယ်။ ပညာရေး၊ ကျန်းမာရေးစတဲ့ အထွေထွေအသုံးစရိတ်တွေက ကြီးမြင့်လာနေတယ်။ ဖခင်တယောက်ကလည်း ဒီကလေးတွေ အရွယ်ရောက်သည့်အထိ ထိန်းသိမ်းစောင့်ရှောက်ရမယ့် တာဝန်ရှိပါတယ်။ ဓလေ့ထုံးတမ်းဥပဒေအရလည်း တောင်းခံခွင့်ရှိပါတယ်။ ထောက်ပံ့ကြေး အတိုင်းအတာက ဘယ်လိုတောင်းမလဲဆိုတော့ ကျောင်းကောင်းကောင်းမှာ နေတာလား၊ လူလတ်တန်းစားနေတဲ့ ပုံစံမှာနေတာလား၊ အလယ်အလတ်ကျောင်းကို ထားတာလား၊ မိဘနှစ်ပါးပေါင်းသင်းစဉ်က ဘယ်လိုလူနေမှုအဆင့်အတန်း (Standard) နဲ့နေတာလဲ၊ ဒီအနေ အထားပေါ်မှာ မှုတည်ပြီးတော့ တောင်းပါတယ်။ ရုံးကနေပြီးတော့ လုံလောက်တဲ့ အကြောင်းတွေ ရှိတယ်လို့ ယူဆရင် သင့်တင့်မျှတတဲ့ စရိတ်ကို ရမယ်လို့ အကြံပြုချင်ပါတယ်။ မေး။ လွန်ခဲ့တဲ့ ၃ နှစ် ကျမတို့ တရားဝင်ကွာရှင်းခဲ့တုန်းက ကလေး ၂ ယောက်အတွက် ၂ သောင်း ထောက်ပံ့ဖို့ တရားရုံးက အမိန့်ချမှတ်ခဲ့ပါတယ်။ အခုအချိန်မှာ စရိတ်က ကြီးမြင့်လာတာရော ကလေးကျောင်းစား ရိတ် တွေများလာတဲ့အတွက် ကလေးထောက်ပံ့စားရိတ်ကို တိုးပြီး တောင်းခံနိုင်မလား။ ဘယ်လောက်ထိ ရနိုင်မလဲ သိချင်ပါတယ်။ ကလေးအဖေဖြစ်သူကလည်း ထောက်ပံ့နိုင်တဲ့ အခြေအနေ ရှိပါတယ်။ ဖြေ။ ကလေးနှစ်ယောက်ကို နှစ်သောင်းပေးတယ်ဆိုတာတော့ တော်တော်ကို နည်းနေပါတယ်။ ကလေးက သူ့ဖခင် နဲ့ နေတဲ့ချိန်ကတည်းက living standard ကလည်း မြင့်မြင့်မားမားနဲ့ နေခဲ့တယ်ဆိုတော့၊ သတ်မှတ်ထားတဲ့ ကာလစည်းကမ်းသတ်ထဲမှာ ဒီကိစ္စကို မကျေနပ်ဘူး ဆိုရင်တော့ မိခင်ကနေ အဆင်မြင့်တဲ့ရုံးကို အယူခံတက်ခွင့် ရှိပါတယ်၊  ဒီပြဿနာက မမျှတဘူး ဆိုပြီး.. တကယ်လို့ ကာလစည်းကမ်းသတ် ကျော်နေရင်လည်း ဘာကြောင့် အယူခံ မတက်ရောက်နိုင်တယ်ဆိုတာကို ခိုင်လုံလောက်တဲ့ အကြောင်းအရာဖော်ပြပြီး အယူခံတက် ခွင့်ရှိပါတယ်။ တကယ်တော့ ဒီပြဿနာနဲ့ ပတ်သက်ရင် အကြောင်းအရာတူ ဥပဒေမှာ ပြောထားတာက အကြောင်းအရာလည်းတူတယ်၊ သက်သာခွင့်လည်း တူတယ်၊ စီရင်ပိုင်ခွင့်ရှိတဲ့ တရားရုံးက လင်နဲ့မယားကြားမှာ ကလေးစရိတ်အတွက် သတ်မှတ်ပေးရင် ဒီကိစ္စနဲ့ အလားတူတဲ့ အကြောင်းအရာကို ဒီတရားရုံးမှာ ပြန်ပြီးတော့ တရားစွဲခွင့်မရှိဘူးဆိုပြီးတော့ တရားမကျင့်ထုံးပုဒ်မ ၁၁ မှာ တားမြစ်ပိတ်ပင်ထားတာလည်းရှိတယ်။ ဒီလိုကိစ္စမျိုးမှာက မလုံလောက်ဘူးဆိုရင် ထပ်တိုးတောင်းဖို့က အယူခံမှာတက်ပြီး တောင်းခွင့်ရှိတယ်။ ဒါမှမဟုတ် ကလေးက အရွယ်ရောက်ဖို့ တော်တော်လိုနေသေးတယ်ဆိုရင် သက်ဆိုင်ရာကို မှုလရုံးအမိန့်ကို စာချွန်တော်တက်။ ကာလစည်းကမ်းသတ် ကျော်တယ်ဆိုလည်း ဘာကြောင့် ကျော်ရတယ်ဆိုတာ၊ အခုရထားတာက မျှမျှတတ မဖြစ်ဘူးဆိုတာ တင်ပြရပါမယ်။ ဘာကြောင့် အထူးအယုခံ အဆင့်ဆင့် မတက်ခိုင်းလဲဆိုတော့ မူလရုံးအမိန့်မှာ၊ ဒီအမျိုးသမီးက ကလေးတွေနဲ့ အလုပ်များနေလို့ ရုံးကိစ္စ ဆက်မလုပ်နိုင်ပုံရတယ်။ ကာလစည်းကမ်းသတ်ကို တော်တော်ကျော်နေပုံရတယ်။ သူလုပ်နိုင်တဲ့ နည်းက ၂ ခုရှိပါတယ်။  ကျမ ပြောသလို လူမှုရေးအရ ဖြေရင်းမလား၊ ဒါမှမဟုတ် တရားရုံးအဆင့်ဆင့်ကို တက်လို့မရတဲ့ အတွက်ကြောင့် ဘာကြောင့်ကြာသွားတယ်ဆိုတဲ့ ခိုင်မာလုံလောက်တဲ့ အကြောင်းအရာတွေနဲ့ ဒီခေတ် လူနေမှုစနစ်အရ ဒီကလေးတွေ မဆိုးသွမ်းအောင်၊ ဒီစာတော့ Unfair မမျှမတ ဖြစ်နေ   တဲ့ အမိန့်ဖြစ်နေတယ်ဆိုပြီးတော့ ကျမ်းကျိန်ပြီး စာချွန်တော်တက်လျှောက်လို့ရပါတယ်လို့ အကြံပေးချင်ပါတယ်။
2 years Ago
Up