ဥက္ကံသစ်တောကြိုးဝိုင်းအတွင်း

April 20, 2018

ဥက္ကံသစ်တောကြိုးဝိုင်းအတွင်း တူမီးသေနတ်နှင့် အမျိုးသား ၂ ဦး ဖမ်းမိ

ရန်ကုန်တိုင်းဒေသကြီး၊ တိုက်ကြီးမြို့နယ်၊ ဥက္ကံသစ်တောကြိုးဝိုင်းအတွင်း အမျိုးသားနှစ်ဦးကို တူမီးသေလက်နှစ်လက်၊ ယမ်းထိုးတံတစ်ချောင်း၊ ယမ်းခွေ(၁၅)ခွေ၊ ယမ်းမှုန့်တဗူးတို့နဲ့ အတူ ဖမ်းမိခဲ့တယ်လို့ ဥက္ကံနယ်မြေရဲစခန်းက သိရပါတယ်။ ဥက္ကံနယ်မြေရဲစခန်း တာဝန်ရှိသူတဦးက “ကျနော်တို့ နယ်မြေခံရဲတပ်ဖွဲ့ရယ် ခရိုင်ရဲတပ်ဖွဲ့မှူး ဒုရဲမှူး သက်ထွန်းဦးဆောင်တဲ့အဖွဲ့တွေ ပူးပေါင်းပြီး ဥက္ကံသစ်တောကြိုးဝိုင်းအတွင်း ဆင်သတ် မုဆိုးသတင်းအရ စုံစမ်းရှင်းလင်းရေး ဆောင်ရွက်တဲ့အချိန် ဥက္ကံသစ်တောကြိုးဝိုင်း အကွက်အမှတ်(၈)(ဒေသခေါ်)ဝဲကြီးတောမှာ ယာယီ တဲထိုးနေတဲ့ ဝါးခုတ်တဲ့သူတွေကို စစ်ဆေးတော့ သူတို့နှစ်ယောက်ကို ချုံပုတ်အတွင်း ဝှက်ထားတဲ့ တူမီးသေနတ်နှစ်လက်နဲ့အတူ ဖမ်းစီးရမိတာပါ။” လို့ ပြောပါတယ်။ ဖမ်းမိသူတွေမှာ ရေအေးစမ်းကျေးရွာနေ ဇော်မျိုး(ခ)ဇော်မျိုးနိုင်နဲ့ ကျွန်းတောကုန်းကျေးရွာက မောင်ယောဆိုသူတို့ဖြစ်ပြီး (ပ)၆၈/၂၀၁၈ လက်နက်ဥပဒေပုဒ်မ- ၁၉(စ)နဲ့ အမူဖွင့်အရေးယူဆောင်ရွက်ထားတယ်လို့ ဥက္ကံနယ်မြေရဲစခန်းက တာဝန်ရှိသူတဦးက ပြောပါတယ်။ ၂၀၁၅ ခုနှစ်ကနေ ၂၀၁၇ အထိ တောဆင်ရိုင်းအသတ်ခံရမှု ၁၀ကောင်အထက်ရှိခဲ့ပြီး ၂၀၁၈ ခုနှစ်မှာ တောဆင်ရိုင်းအသတ်ခံရမှု ၄ ကောင်ရှိခဲ့တယ်လို့ သိရပါတယ်။ သတင်း-မေသွယ်
3 years Ago

March 25, 2018

ဥက္ကံသစ်တောကြိုးဝိုင်းအတွင်း တရားမ၀င်သစ် ၄၃ တန်ကျော် ဖမ်းမိ

တိုက်ကြီးမြို့နယ်၊ ဥက္ကံသစ်တောကြိုးဝိုင်းအတွင်းမှာ အခုရက်ပိုင်းတွေအတွင်း သစ်တန်ရေ ၄၃ တန်ကျော် ဖမ်းဆီးရမိတယ်လို့ တိုက်ကြီးမြို့နယ် သစ်တောဦးစီးဌာနက သိရပါတယ်။ မတ် ၁၈ ရက်နေ့ကစတင်ပြိး တိုက်ကြီးမြို့နယ်သစ်တောဦးစီးဌာန၊ သာယာဝတီမြို့နယ် သစ်တောဦးစီးဌာန၊ သစ်တောရဲတပ်ဖွဲ့ဝင်တွေပူးပေါင်းပြီး ဆင်သတ်မုဆိုးသတင်းစုံစမ်းတာ၊ တရားမဝင်သစ် ဖမ်းဆီးတာတွေ ပြုလုပ်ခဲ့တာပါ။ ဥက္ကံသစ်တောကြိုးဝိုင်း တဘူးလှဆည်အထက်ပိုင်း ဝါဆိုမြောင်၊ ကွမ်းမြောင်၊ ရေကျော်၊ ဗွက်မြောင်၊ ပလုံး၊ အောက်ကျောက်ပြုတ်နဲ့ အထက်ကျောက်ပြုတ်နေရာတွေမှာ မတ်လ ၁၉ ရက်နေ့မှာ အခြားသစ် ၂၆ တန်ကျော်နဲ့ မတ်လ ၂၄ ရက်နေ့မှာ ဥက္ကံသစ်တောကြိုးဝိုင်းအတွင်း တမံ ၃ စခန်းနဲ့ ကျောက်ပြုတ်ကျေးရွာအကြားနေရာသုံးနေရာမှာ ကညင်နဲ့ အခြားသစ် အလုံး/ခွဲသား ၁၇ တန်ကျော်ကို ထပ်မံဖမ်းဆီးရမိပါတယ်။ တိုက်ကြီးမြို့နယ် သစ်တောဦးစီးဌာနကဦးစီးအရာရှိ ဦးစိုးမြင့်သူက “မတ်လ ၁၈ ရက်နေ့က ဆင်သတ်မုဆိုးသတင်း စုံစမ်းတယ်။ တရားမဝင် သစ်ထုတ်လပ်နေတာကို ဖမ်းစီးဖို့အတွက် သွားတာပါ။ အခု တရားမဝင်သစ် ထုတ်လုပ်နေတာကိုလည်း ဖမ်းစီးခဲ့သလို ဆင်သတ်မုဆိုးနဲ့ ပတ်သက်ပြီး စုံစမ်းခဲ့တာ။ သတင်းတော့ရလာပါပြီ မကြာခင်ဖမ်းဆီးရမိတော့မှာပါ” လို့ ပြောပါတယ်။ တိုက်ကြီးမြို့နယ်အတွင်းမှာ တောဆင်ရိုင်းတွေ အသတ်ခံရပြီး အရေခွံ၊ နှာမောင်း၊ အစွယ်တွေ ယူဆောင်ခြင်းများရှိနေပြီး ၂၀၁၆ ခုနှစ် ဒီဇင်ဘာလက အုပ်ချူပ်ရေးမှူးပါဝင်တဲ့ ဆင်သတ်မုဆိုးအဖွဲ့ကို ဖမ်းဆီးရမိထားပေမယ့် နောက်ထပ်တောဆင်ရိုင်း ထပ်မံအသတ်ခံရမှုတွေ ဆက်လက်ဖြစ်ပေါ်နေတာလည်း ဖြစ်ပါတယ်။ တိုက်ကြီးမြို့နယ်မှာ တောဆင်ရိုင်းအသတ်ခံရမှု ၂၀၁၅ ခုနှစ်ကနေ ၂၀၁၈ အထိ ၁၅ ကောင်လောက် ရှိပါတယ်။ သတင်း-မေသွယ်
3 years Ago
Up