ဥက္ကဋ္ဌ

October 19, 2021

ရွှေဘို NLD ဥက္ကဋ္ဌအပါအဝင် ၂၇ ဦး ပြန်လွတ်

စစ်ကိုင်းတိုင်း၊ ရွှေဘိုမြို့အကျဉ်းထောင်ကနေ အောက်တိုဘာ ၁၈ ရက်နေ့ ညနေပိုင်းက ရွှေဘိုမြို့ NLD ဥက္ကဋ္ဌ ဦးခင်မောင်ရွှေနဲ့ စစ်ကိုင်းမြို့နယ်အမျိုးသားလွှတ်တော်ကိုယ်စားလှယ် ဦးကျော်သောင်းအပါအဝင် အကျဉ်းသား ၂၇ ဦး လွှတ်ပေးလိုက်တယ်လို့ သိရပါတယ်။

“ဒီနေ့ အမိန့်ချပြီးသားတွေ လွှတ်တာလို့ပြောတယ်။ မနက်ဖြန်တော့ အမှု့စစ်ဆေးဆဲတွေ လွှတ်ပေးမယ်လို့တော့ သိရတယ်။ ရွှေဘိုက NLD ဥက္ကဋ္ဌနဲ့ စစ်ကိုင်းက အမျိုးသားလွှတ်တော်ကိုယ်စားလှယ်တစ်ဦးပါတယ်လို့တော့ ကြားတယ်” လို့ ရွှေဘိုမြို့ခံတစ်ဦးက ပြောပါတယ်။

ရွှေဘိုအကျဉ်းထောင်ကနေ လွှတ်ပေးသူ ၂၇ ဦးရှိပြီး အမျိုးသား ၂၅ ဦးနဲ့အမျိုးသမီး ၂ ဦးပါဝင်တယ်လို့ သိရပါတယ်။

စစ်အာဏာသိမ်းပြီးနောက် ဆန္ဒပြမှုတွေနဲ့ပတ်သက်လို့ ပြစ်ဒဏ်ချပြီးသား အကျဉ်းသား ၁၃၁၆ ဦးနဲ့  တရားစွဲခံထားရသူ အယောက် ၄၃၂၀ ကို ပြန်လွှတ်ပေးမယ်လို့ အောက်တိုဘာ ၁၈ ရက်နေ့ မွန်းလွဲပိုင်းမှာ စစ်ကောင်စီက ကြေညာလိုက်ပြီးနောက် အခုလို နိုင်ငံရေးအကျဉ်းသားတွေ ပြန်လွတ်လာတာပါ။

3 months Ago

June 7, 2020

ကျောက်မဲတွင် ကျေးရွာအုပ်ချုပ်ရေးမှူး ရွေးချယ်ရေးအဖွဲ့ ဥက္ကဋ္ဌ သေနတ်ဖြင့် ပစ်သတ်ခံရ

ရှမ်းပြည်နယ်(မြောက်ပိုင်း)၊ ကျောက်မဲမြို့နယ်မှာ မနေ့က ကျေးရွာအုပ်ချုပ်ရေးမှူး ကြီးကြပ်ရွေးချယ်ရေးအဖွဲ့ရဲ့ ဥက္ကဋ္ဌ ၁ ယောက် သေနတ်နဲ့ ၅ ချက်ပစ် သတ်ခံခဲ့ရတယ်လို့ မြို့မရဲစခန်းမှူးက ပြောပါတယ်။ မိုင်းတင်းကျေးရွာအုပ်စု၊ မန်စန်းရွာက ဦးရွှေဝင်းဟာ မနေ့ နေ့လယ်ပိုင်းက သူ့ရဲ့ တောင်ယာထဲမှာ ပစ်သတ်ခံခဲ့ရတာပါ။ စခန်းမှူး ဒုရဲမှူး ရဲမြင့်အောင်က “ဖြစ်စဉ်ကတော့ သူတို့လင်မယား ၂ ယောက် တောင်ယာကို သွားတယ်။ နေ့လယ်စာစားပြီး အမျိုးသားက တဲပေါ်က ဆင်းသွားတယ်။ အမျိုးသမီးက ဖိနပ်စီးရင်း ကျန်ခဲ့တယ်။ အဲဒီမှာ သေနတ်သံကြားလို့ သွားကြည့်တော့ ယောကျ်ားက သေနေပြီ။ မျက်မြင်ဖြစ်တဲ့ အမျိုးသမီးက ဒါပဲ သိတာ” လို့ ပြောပါတယ်။ သေဆုံးသူရဲ့ ခေါင်းမှာ သေနတ်ဒဏ်ရာ ၂ ချက်၊ ကျောနဲ့ ခါးမှာ ဒဏ်ရာ ၃ ချက်ရခဲ့တယ်လို့လည်း သူက ပြောပါတယ်။ နယ်မြေအခြေအနေအရ အဲဒီကို သွားရောက်မစစ်ဆေးနိုင်ဘဲ လက်ရှိမှာတော့ အမှုဖွင့်ထားတယ်လို့လည်း သူက ပြောပါတယ်။ ဦးရွှေဝင်းဟာ မိုင်းတင်းကျေးရွာအုပ်စုရဲ့ အုပ်ချုပ်ရေးမှူး ကြီးကြပ်ရွေးချယ်ရေးအဖွဲ့ရဲ့ ဥက္ကဋ္ဌ ဖြစ်ပြီး ဒီမတိုင်ခင်ကလည်း ရွာအုပ်ချုပ်ရေးမှူးတွေ ပစ်သတ်ခံခဲ့ရတာ ရှိတယ်လို့ ကျောက်မဲမြို့ ဒေသခံတယောက်က ပြောပါတယ်။ “သူ့အရင် အုပ်ချုပ်ရေးမှူး ၂ ယောက်လည်း ပစ်သတ်ခံခဲ့ရဖူးတယ်။ တယောက်ဆို မူဆယ်ကို ရှောင်ထွက်သွားခဲ့ပေမယ့် ပစ်သတ်ခံရတယ်။ အခု သူလည်း တခြားမြို့ကို ရှောင်ထွက်သွားခဲ့တယ်လို့ ကြားတယ်။ ဘယ်လို ပြန်ရောက်လာလဲတော့ မသိဘူး” လို့ ပြောပါတယ်။ သူ့ကို စိစစ်ဆဲ သောင်းကျန်းသူအဖွဲ့က ပစ်ခတ်သွားတာလို့ တပ်မတော်ကာကွယ်ရေး ဦးစီးချုပ်ရုံးက ထုတ်ပြန်ပါတယ်။
2 years Ago
More News
Up