အကြမ်းဖက်သတ်ဖြတ်ခံရသည့်ဟိန္ဒူမိသားစုဝင်များ၏ ပူဆွေးသောက

January 24, 2019

အကြမ်းဖက်သတ်ဖြတ်ခံရသည့် ဟိန္ဒူမိသားစုဝင်များကို ကုလအထူးကိုယ်စားလှယ်တွေ့ဆုံ

ကုလသမဂ္ဂအတွင်းရေးမှူးချုပ်ရဲ့ အထူးကိုယ်စားလှယ် မစ္စခရစ္စတင်း ရွှာနာဘာဂျီနာဟာ စစ်တွေမြို့ရှိ ဟိန္ဒူမိသားစုတွေကို လာရောက်တွေ့ဆုံပြီး ၂၀၁၇ အကြမ်းဖက်မှုဖြစ်စဉ်အတွင်း ဟိန္ဒူတွေ အစုလိုက် အပြုံလိုက် အသတ်ခံခဲ့ရတဲ့ အခြေအနေနဲ့ ပတ်သက်လို့ မေးမြန်းခဲ့ပါတယ်။ ရခိုင်ပြည်နယ်ကို ရောက်ရှိနေတဲ့ ကုလသမဂ္ဂအထူးကိုယ်စားလှယ်ဟာ  ဇန်နဝါရီ ၂၃ ရက် ညပိုင်းက စစ်တွေမြို့၊ ကျောက်တက်လမ်း ဟိန္ဒူဘုရားကျောင်း တန်းလျားမှာ နေထိုင်နေကြတဲ့ ဟိန္ဒူတွေကိုတွေ့ဆုံကာ ၂၀၁၇ အကြမ်းဖက်ဖြစ်မှုအတွင်း ဘယ်ကျေးရွာတွေက လူဘယ်နှစ်ဦး သတ်ဖြတ်ခံခဲ့ရတယ်ဆိုတာနဲ့ ပတ်သက်လို့ သေဆုံးမိသားစုဝင်တွေကို မေးမြန်းခဲ့တာပါ။ စစ်တွေမြို့မှာ ဖွင့်လှစ်ထားတဲ့ ဟိန္ဒူကယ်ဆယ်ရေးစခန်းမှာ မိသားစု ၂၁ စုနဲ့ လူဦးရေ စုစုပေါင်း ၆၈ ဦး နေထိုင်နေကြပြီး စားဝတ်နေရေး အဆင်မပြေတာတွေ ကြုံနေကြရတယ်လို့ စခန်းတာဝန်ခံတွေ ပြောပါတယ်။ အကြမ်းဖက်မှုတွေဖြစ်တုန်းက သတ်ဖြတ်ခံခဲ့ရတဲ့ ကျန်ရစ်မိသားစုဝင်တွေဟာ မောင်တော ဒေသကို မပြန်ရဲတော့ဘဲ စစ်တွေမြို့ နေရာတခုခုမှာ နေရာချပေးထားပေးဖို့ တင်ပြတောင်းဆို ခဲ့တယ်လို့လည်း မစ္စ ခရစ္စတင်းရွှာနာဘာဂျီနာနဲ့ တွေ့ဆုံခဲ့တဲ့ ဦးနီးမော်လ်က ပြောပါတယ်။ ကုလသမဂ္ဂ အထူးကိုယ်စားလှယ်နဲ့ အဖွဲ့ဟာ  ပေါက်တောမြို့နယ်က ဘင်္ဂါလီ ကယ်ဆယ်ရေးစခန်းတွေကိုလည်း သွားရောက်ခဲ့ပြီး စခန်းမှာ နေထိုင်ကြတဲ့ အခြေအနေတွေနဲ့ ၂၀၁၂ ခုနှစ်က ရခိုင်ပြည်နယ်မှာ ဖြစ်ပွားခဲ့တဲ့ ပဋိပက္ခအခြေအနေတွေကိုလည်း မေးမြန်းခဲ့ပါတယ်။ ဒါ့အပြင် ရခိုင်ပြည်နယ်အစိုးရအဖွဲ့၊ ရခိုင်ပြည်နယ်လွှတ်တော်၊ ရခိုင်အမျိုးသားပါတီက တာဝန်ရှိသူတွေနဲ့လည်း အထူးကိုယ်စားလှယ်က တွေ့ဆုံခဲ့ပါတယ်။ မစ္စခရစ္စတင်းရွှာနာဘာဂျီနာဟာ ၂၀၁၇ သြဂုတ်လတုန်းကလည်း မောင်တောဒေသမှာ ဟိန္ဒူတွေ အစုလိုက်အပြုံလိုက် သတ်ဖြတ်ခံရတာနဲ့ ပတ်သက်လို့ ဟိန္ဒူတွေ နေထိုင်တဲ့နေရာကို လာရောက် မေးမြန်းခဲ့ဖူးပါတယ်။ ဝဏ္ဏခွာညို
2 years Ago

October 8, 2017

အကြမ်းဖက်သတ်ဖြတ်ခံရသည့် ဟိန္ဒူများအတွက် ကျောက်တံခါးတွင် ဆုတောင်းပွဲပြုလုပ်

ရခိုင်ပြည်နယ် မောင်တောဒေသမှာ အကြမ်းဖက်မှုတွေကြောင့် သေဆုံးခဲ့ရတဲ့ ဟိန္ဒူတွေအတွက် ဆုတောင်းပွဲနဲ့ အကြမ်းဖက်မှုအား ဆန့်ကျင်ရှုတ်ချပွဲကို ပဲခူးတိုင်းဒေသကြီး ကျောက်တံခါးမြို့နယ် သနန္တနဓမ္မရိပ်သာမှာ ဟိန္ဒူတွေက ဒီနေ့မနက် ၁၀ နာရီက ပြုလုပ်ခဲ့ကြပါတယ်။ အခမ်းအနားမှာ မြန်မာတနိုင်ငံလုံးဆိုင်ရာ ဟိန္ဒူဘာသာရေးအဖွဲချုပ် ကျောက်တံခါးမြို့နယ် ဥက္ကဋ္ဌ ဦးမြင့်အောင်က ရခိုင်ပြည်နယ်မောင်တောဒေသမှာ သတ်ဖြတ်ခံခဲ့ရတဲ့ ဟိန္ဒူဘာသာဝင်းနဲ့ အခြားတိုင်းရင်းသားတွေအတွက် ၀မ်းနည်းကြောင်းနဲ့ အကြမ်းဖက်ဝါဒကို ရှုတ်ချကြောင်း၊ ဟိန္ဒူဘာဝင်တွေအနေနဲ့လည်း ဒေသခံတိုင်းရင်းသားတွေနဲ့ အမုန်းမပွားဘဲ ဆွေမျိုးအရင်းအချာလို မိမိတို့ရပ်ရွာတိုးတက်ရေးနဲ့ အေးချမ်းသာယာရေးအတွက် ကူညီကြဖို့ တိုက်တွန်းသွားပါတယ်။ ဒါ့အပြင် သေဆုံးသွားသူတွေရဲ့ ကျန်ရစ်သူမိသားစုတွေ ဘဝပြန်လည်ထူထောင်ရေးနဲ့ ဘဝလုံခြုံရေးအတွက် ဆောင်ရွက်ပေးဖို့လည်း မြန်မာနိုင်ငံလုံးဆိုင်ရာ ဟိန္ဒူဘာသာရေးဗဟိုအဖွဲ့ချုပ် တိုက်တွန်းသွားပါတယ်။ အခမ်းအနားကို ဌာနဆိုင်ရာ တာဝန်ရှိသူတွေနဲ့ နိုင်ငံရေးပါတီတွေ၊ လွှတ်တော်ကိုယ်စားတွေနဲ့ ဟိန္ဒူတွေ တက်ရောက်ခဲ့ကြပါတယ်။ ရခိုင်ပြည်နယ်ရှိ ဟိန္ဒူတွေအတွက် ကျောက်တံခါးမြို့နယ် ဟိန္ဒူဘာသာရေးအဖွဲ့ခွဲက စုပေါင်းပြီး စက်တင်ဘာ ၂၄ ရက်က အလှူငွေ ၄၃၅၀၆၁၃ ကျပ် နဲ့ ဆာရီအထည် ၁၅၀ ကို ပေးအပ်လှူဒါန်းခဲ့ပြီး ထပ်မံလှူဒါန်းနှိုင်ဖို့အတွက်လည်း စုဆောင်းနေတယ်လို့ ဆိုပါတယ်။ သတင်း-ကျော်အောင် (ကညွတ်ကွင်း )
4 years Ago
Up