အွန်လိုင်းစနစ်

September 11, 2021

အောင်ဘာလေထီကို အွန်လိုင်းမှရောင်းချရန် စစ်ကောင်စီ စီစဉ်

၇ လတာကာလအတွင်း ရောင်းအားရော ဆုငွေပါ ကျဆင်းလာတဲ့ အောင်ဘာလေထီကို စစ်ကောင်စီက နွေဦးထီကဲ့သို့ အွန်လိုင်းကနေ ရောင်းချဖို့ ပြင်ဆင်နေတယ်လို့ ထီရုံး ထုတ်ပြန်ချက်အရ သိရပါတယ်။

အဲဒီလို အွန်လိုင်းကနေ ရောင်းချနိုင်ဖို့ နည်းပညာပံ့ပိုးမှုပေးနိုင်မယ့် Service Provider လုပ်ငန်းတစ်ခု ရွေးချယ်သွားမယ်လို့ စစ်ကောင်စီလက်အောက်ခံ ထီရုံးက ဒီကနေ့ ထုတ်ပြန်လိုက်တာပါ။ 

ဒီနှစ်ထဲစပြီး အကောင်ထည်ဖော်ချင်နေတယ်ဆိုတာ သိရတယ်လို့ အောင်ဘာလေထီရုံး ဝန်ထမ်းတစ်ဦးက ပြောပါတယ်။ 

နည်းပညာပံ့ပိုးမှုပေးနိုင်မယ့် ကုမ္ပဏီတွေကို အောက်တိုဘာ ၁၅ ရက်အထိ EOI တင်သွင်းနိုင်တယ်လို့လည်း အသိပေးထားပါတယ်။

အောင်ဘာလေထီရုံးအနေနဲ့ လက်ရှိမှာ Paper ထီစနစ်ကို ကျင့်သုံးနေပြီး ​ပြည်သူများက စစ်ကောင်စီကို ဆန့်ကျင်တဲ့အနေနဲ့ ထီမထိုးကြတော့ပါဘူး။ 

NUG အစိုးရက နွေဦးထီ ဆိုပြီး သြဂုတ်လမှာ အွန်လိုင်းစနစ်နဲ့ ထီရောင်းချခဲ့ပါတယ်။

နွေဦးထီကို ပြည်သူတွေအနေနဲ့ စိတ်ဝင်စားမှုများခဲ့ပြီး ရောင်းမလောက်အောင် အောင်မြင်ခဲ့ပြီးတဲ့နောက် စစ်ကောင်စီက အောင်ဘာလေထီကို အွန်လိုင်းစနစ် ကျင့်သုံး ရောင်းချဖို့ လုပ်လာတာလည်း ဖြစ်ပါတယ်။

1 month Ago

June 4, 2021

ကုမ္ပဏီဝန်ထမ်းများ အွန်လိုင်းစနစ်ဖြင့် ဝင်ငွေခွန်ဆောင်ရမည်

ကုမ္ပဏီဝန်ထမ်းတွေ နိုင်ငံတော်ကို  ဝင်ငွေခွန်ပေးသွင်းရာမှာ ဇူလိုင် ၁  ရက်နေ့ကစပြီး အီလက်ထရောစနစ် ငွေပေးချေမှုနည်းလမ်းတွေနဲ့ဘဲ လက်ခံဆောင်ရွက်ပေးသွားမယ်လို့ စစ်ကောင်စီရဲ့ ပြည်တွင်းအခွန်များဦးစီးဌာနက ကြေညာပါတယ်။

ဒီလိုအွန်လိုင်းစနစ်ကို ပြောင်းလဲကျင့်သုံးရတာက အခွန်ထမ်းတွေ အခွန်ပေးဆောင်ရာမှာ လွယ်ကူလျှင်မြန်ပြီး လုံခြုံမှုရှိစေဖို့ အတွက်လို့ဆိုပါတယ်။

အရင်တုန်းက ငွေသား/ချက်လက်မှတ်တို့နဲ့ ပေးသွင်းတဲ့စနစ်အစား အီလက်ထရောနစ် ငွေပေးချေမှုနည်းလမ်းတွေ၊ Mobile Banking, Mobile Payment စတဲ့ မိုဘိုင်းငွေပေးချေမှုနည်းလမ်းတွေ၊ MPU Debit Card ကို အသုံးပြုပြီး အွန်လိုင်းကနေ သက်ဆိုင်ရာ ဘဏ်တွေနဲ့ ချိတ်ဆက်ပြီး ပေးဆောင်နိုင်အောင် စီစဉ်ထားပြီးဖြစ်တယ်လို့ လည်း အသိပေးထားပါတယ်။

အခွန်ပေးသွင်းမှု အထောက်အထားအဖြစ် သက်ဆိုင်ရာ ပုဂ္ဂလိဘဏ်တွေက ငွေပေးသွင်းပြီးကြောင်း အထောက်အထားကို ကနဦးထုတ်ပေးမှာ ဖြစ်တယ်လို့သိရပါတယ်။

စစ်ကောင်စီရဲ့ပြည်တွင်းအခွန်များ ဦးစီးဌာန ဘက်ကလည်း သက်ဆိုင်ရာအခွန်ရုံးတွေရဲ့ ငွေစာရင်းတွေမှာ အခွန်ငွေလက်ခံရရှိပြီးရင် အခွန်ငွေ ပေးသွင်းပြီးကြောင်း အထောက်အထားကို အခွန်ထမ်းထံ ပြန်လည်ပေးပို့သွားမယ်လို့ ကြေညာထားပါတယ်။

ဒါ့အပြင်အခွန်ထမ်းမှတ်ပုံတင်အမှတ် (Taxpayer Identification Number-TNI) ရရှိပြီးဖြစ်တဲ့ အခွန်ထမ်းတွေအနေနဲ့ ဝင်ငွေခွန်၊ ကုန်သွယ်လုပ်ငန်းခွန်၊ အထူးကုန်စည်ခွန်နဲ့ ရတနာခွန်တို့ကို ပြည်တွင်းက နိုင်ငံခြားဘဏ်၊ ဘဏ်ခွဲတွေအပါအဝင် ပုဂ္ဂလိကဘဏ်တွေမှာ စာရင်းဖွင့်လှစ်ထားရှိတဲ့ မိမိတို့ဘဏ် စာရင်း(Bank A/C)မှ ဗဟိုဘဏ်ရဲ့ ငွေပေးချေမှုကွန်ရက်စနစ် CBM-Net ကို အသုံးပြုပြီး ပေးချေလို့ရ တယ်လို့ ကြေညာချက်မှာပါရှိပါတယ်။ 

MPU Debit Card နဲ့လည်း အွန်လိုင်းအခွန်ပေးချေမှုစနစ်ကို အသုံးပြုပြီး မြန်မာ့စီးပွားရေးဘဏ်၊ ဘဏ်ခွဲတွေမှာရှိတဲ့ သက်ဆိုင်ရာအခွန်ရုံးရဲ့ ဘဏ်စာရင်းသို့ အခွန်ပေးသွင်းနိုင်တယ်လို့ ဖော်ပြထားပါတယ်။

5 months Ago
More News
Up