အွန်လိုင်းက ကျင်းပမည်

January 6, 2021

ဂျပန်ရုပ်ရှင်ပွဲတော် အွန်လိုင်းက ကျင်းပမည်

မြန်မာနိုင်ငံမှာ နှစ်စဉ်ကျင်းပနေကျဖြစ်တဲ့ ဂျပန်ရုပ်ရှင်ပွဲတော်ကို အခုနှစ်မှာတော့ အွန်လိုင်းရုပ်ရှင်ပွဲတော်အနေနဲ့ ၁၀ ရက်ကြာ ကျင်းပမယ်လို့ သိရပါတယ်။ ဒီပွဲကို မြန်မာနိုင်ငံဆိုင်ရာ ဂျပန်သံရုံးနဲ့ ဂျပန်ဖောင်ဒေးရှင်းတို့ ပူးပေါင်းစီစဉ်တာ ဖြစ်ပြီး ဂျပန်ယဉ်ကျေးမှု၊ ဓလေ့ထုံးစံတွေကို ထင်ဟပ်ပုံဖော်ထားတဲ့ ဂျပန်ရုပ်ရှင်ဇာတ် ကား ၂၇ ကားကို ရွေးချယ်ပြသသွားမှာ ဖြစ်ပါတယ်။ အခုနှစ်ရဲ့ ပွဲတော်ကိုတော့ လာမယ့် ဇန်နဝါရီ ၁၃ ရက်ကနေ ၂၂ ရက်အထိ ကျင်းပ မှာ ဖြစ်ပြီး အသေးစိတ်အချက်အလက်တွေကိုတော့ Japanese Film Festival Myanmar ရဲ့ ဖေ့စ်ဘွတ်ခ်အင်တာနက်လူမှုကွန်ရက်စာမျက်နှာပေါ်ကတဆင့် ဝင်ရောက်ကြည့်ရှုနိုင် မှာ ဖြစ်ပါတယ်။ ပြီးခဲ့တဲ့ နှစ်တုန်းကတော့ ရန်ကုန်မြို့၊ နေပြည်တော်ရုပ်ရှင်ရုံ၊ JCGV ရုပ်ရှင်ရုံ (Junction City)နဲ့ မင်္ဂလာရုပ်ရှင်ရုံ(တာမွေ)ရုပ်ရှင်ရုံတွေမှာ ဇန်နဝါရီ ၁၀ ရက်ကနေ ၁၉ ရက်အထိ ၁၀ ရက်ကြာ ကျင်းပခဲ့ပါတယ်။        အက်ရှင်၊ ဟာသ၊ ဒရာမာနဲ့ အန်နီမေးရှင်းကာတွန်းရုပ်ရှင်ကားတွေပါ အမျိုးအစား စုံစုံလင်လင် ကြည့်ရှုနိုင်မယ့် ဒီပွဲတော်မှာ ဂျပန်ရုပ်ရှင်ကားတွေအားလုံးကို မြန်မာဘာသာစကား စာတန်းထိုးနဲ့ပါ ကြည့်ရှုနိုင်မှာဖြစ်ပြီး ဖော်ပြပါဝက်ဘ်ဆိုက်ဒ်လင့်ခ် https://watch.jff.jpf.go.jp/page/myanmar/?fbclid=IwAR1Gl7LbQMHDF2X74rjLNAGmiB34TQFL04rxrwD5pQOqXrxdmbYMxfkH1FE မှာ မှတ်ပုံတင်ပြီး ကြည့်ရှုနိုင်မှာ ဖြစ်ပါတယ်။
10 months Ago
Up