အွန်လိုင်

A d v e r t i s e m e n t With Us

June 19, 2020

ဒါရိုက်တာ ခရစ္စတီးနားခီပါဝင်သည့် “မီဒီယာနှင့် ဂျဲန်ဒါဆွေးနွေးပွဲ” အွန်လိုင်းမှ ကျင်းပမည် 

နာမည်ကြီး အမျိုးသမီး ဒါရိုက်တာ ခရစ္စတီးနားခီ ပါဝင်ဆွေးနွေးမယ့် “မီဒီယာနှင့် ဂျဲန်ဒါဆွေးနွေးပွဲ” ကို အွန်လိုင်းမှတဆင့် လာမယ့် ဇွန်လ ၂၀ ရက်နေ့ ကျင်းပသွားဖို့ ရှိနေပါတယ်။ ဒီဆွေးနွေးပွဲကိုတော့ ကျား၊ မရေးရာ တန်းတူညီမျှရေးကွန်ရက် (Gender Equality Network) ကနေ အွန်လိုင်း စကားဝိုင်းဆွေးနွေးပွဲတွေအနေနဲ့ အပတ်စဉ်စီစဉ်တင်ဆက်ပေးနေတာ ဖြစ်ပါတယ်။ ခုတပတ်မှာတော့ "မီဒီယာကို ဂျဲန်ဒါရှုထောင့်မှ လေ့လာကြည့်ခြင်း ဆွေးနွေးပွဲ” အမည်နဲ့ မြန်မာ့မီဒီယာတွေမှာ အမျိုးသား၊ အမျိုးသမီးနဲ့ LGBT တွေကို များသောအားဖြင့် ဘယ်လို ပုံဖော်ပြလေ့ရှိကြလဲဆိုတာတွေကို သက်ဆိုင်ရာ နယ်ပယ်အသီးသီးမှာ ကျင် လည်လှုပ်ရှားနေကြသူတွေနဲ့ ဆွေးနွေးသွားမှာ ဖြစ်ပါတယ်။ ဒီဆွေးနွေးပွဲမှာတော့ ခရစ္စတီးနားခီနဲ့အတူ ပညာအလင်းပွင့် မြန်မာသုတေသန ဖောင်ဒေးရှင်း(EMReF)မှ အကြီးတန်းပရိုဂရမ်မန်နေဂျာ မအေးလဲ့ထွန်း၊ Myanmar LGBT Rights Network မှ Advisor ကိုနေလင်းထိုက်၊ Oxfam in Myanmar မှ Advocacy and Campaigns Coordnator မရည်မွန်ဦးတို့က ဆွေးနွေးသွားကြမှာဖြစ်ကာ Moderator အနေနဲ့ ဖန်တီးအိမ်အဖွဲ့မှ Program Coordinator ကိုမျိုးခိုင်ထူးu ဆောင်ရွက်ပေးသွားမှာ ဖြစ်ပါတယ်။   ဆွေးနွေးပွဲကိုတော့ ဇွန်လ ၂၀ ရက်နေ့၊ နေ့လယ် ၂ နာရီကနေ ၃ နာရီခွဲအထိ အွန်လိုင်းမှတစ်ဆင့် ပြုလုပ်သွားမှာဖြစ်ကာ ကိုယ်တိုင်ပါဝင်ဆွေးနွေးလိုသူတွေအနေနဲ့ ဒီလင့်ခ်မှာ https://forms.gle/Jxs4ptV3EREDxiyMA ဇွန်လ ၁၉ ရက်နေ့ ညနေ ၄ နာရီမတိုင်ခင် စာရင်းပေးသွင်းနိုင်မှာ ဖြစ်ပါတယ်။
8 months Ago

May 21, 2020

COVID-19 ကြောင့် ကိန်းဘရစ်ချ်တက္ကသိုလ် စာသင်နှစ်တနှစ်လုံး အွန်လိုင်းက သင်ကြားမည်

လတ်တလော ဖြစ်ပွားနေတဲ့ ကိုရိုနာဗိုင်းရပ်စ်အန္တရာယ်ကြောင့် နာမည်ကြီး တ က္ကသိုလ်တခုဖြစ်တဲ့ ကိန်းဘရစ်ချ်တက္ကသိုလ်ရဲ့ စာသင်ချိန်တွေကို လာမယ့် ၂၀၂၁ ခုနှစ် စာသင်နှစ်ကာလထိ အွန်လိုင်းစနစ်အနေနဲ့ ပြောင်းလဲလိုက်ပြီလို့ ကြေညာထားပါတယ်။ တက္ကသိုလ်စာသင်ခန်းတွေကိုလည်း ပိတ်ထားခဲ့ပြီဖြစ်ကာ ခုလိုပြောင်းလဲလိုက်တဲ့ စနစ်ကြောင့် လူစုလူဝေးတွေကို ရှောင်ကြဉ်ပြီးသားဖြစ်စေပြီး လိုက်နာပြီးသားလည်း ဖြစ် စေမှာဖြစ်တယ်လို့ ဆိုပါတယ်။ တက္ကသိုလ်ရဲ့ ထုတ်ပြန်ချက်မှာတော့ “လတ်တလော ကူးစက်မြန်ကပ်ရောဂါ ကာ လအတွင်း တက္ကသိုလ်အနေနဲ့ သက်ဆိုင်ရာက ချမှတ်ထားတဲ့ လုပ်ထုံးလုပ်နည်းတွေနဲ့ အညီ ပြောင်းလဲသွားရမှာ ဖြစ်ကြောင်း”နဲ့ တကယ်လို့ လူစုလူဝေးတွေ ရှောင်ရှားကြဖို့ ဆက်လက်ပြီးတော့ လိုအပ်နေမယ်ဆိုရင်တော့ စာသင်ခန်းထဲ မျက်နှာချင်းဆိုင် ထိတွေ့ သင်ကြားမှုတွေအစား အွန်လိုင်းသင်ကြားမှုစနစ်ကို လာမယ့် စာသင်နှစ်အထိ ပြောင်းလဲ သွားမှာဖြစ်တယ်လို့ ဖော်ပြထားခဲ့တာပါ။ လက်ရှိမှာတော့ တက္ကသိုလ်ရဲ့ သင်ကြားမှုတွေအားလုံးကို ပြီးခဲ့တဲ့ မတ်လက တည်းက အွန်လိုင်းစနစ်အနေနဲ့ ပြောင်းလဲခဲ့ပြီး စာမေးပွဲကိုလည်း အွန်လိုင်းက ဖြေဆိုရ တော့မှာပဲ ဖြစ်ပါတယ်။ အွန်လိုင်းစနစ်ကို ပြောင်းလဲသွားပေမယ့်လည်း စာသင်ချိန်တွေအတွက် အခကြေး ငွေတွေကို ပုံမှန်အတိုင်းပဲ ပေးသွင်းရမှာ ဖြစ်တယ်လို့ ဆိုပါတယ်။ ဗြိတိန်နိုင်ငံမှာတော့ ကိန်းဘရစ်ချ်တက္ကသိုလ်အနေဟာ ခုလိုစာသင်နှစ်ကာလ တ ခုလုံးကို အွန်လိုင်းစနစ် ပြောင်းလဲလိုက်တဲ့ ပထမဆုံး တက္ကသိုလ်တခု ဖြစ်လာခဲ့တာပါ။
9 months Ago
Up