အဲရစ်ဆင်

June 19, 2022

လန်ဒန်တွင် ဆက်နေချင်သည့် အဲရစ်ဆင်ကို မန်ယူအသင်းခေါ်ယူရန် အခက်တွေ့

ဒိန်းမတ်ကွင်းလယ်လူအဲရစ်ဆင်ဟာ လန်ဒန်မြို့မှာပဲ ဆက်လက်နေထိုင်လိုတာကြောင့်  သူ့ကိုခေါ်ယူလိုနေတဲ့မန်ယူအသင်းအတွက် အခက်တွေ့နေပါတယ်။

ဒိန်းမတ်ကွင်းလယ်လူဟာ ယူရိုပြိုင်ပွဲမှာ နှလုံးဖောက်ပြီးလဲကျခဲ့ပေမဲ့ အနားယူကုသခဲ့ပြီးတဲ့နောက်မှာ လန်ဒန်အခြေစိုက်ကလပ် ဘရန့်ဖို့ဒ်ဆီကို ရာသီဝက်စာချုပ်နဲ့ ပြောင်းရွှေ့ကစားခဲ့တာပါ။

ဘရန့်ဖို့ဒ်အသင်းမှာ ပရီးမီးယားလိဂ် ၁၁ ပွဲကစား ၁ ဂိုးသွင်းပြီး ၄ ကြိမ်ဂိုးဖန်တီးမှုပြုလုပ်နိုင်ခဲ့တဲ့ အဲရစ်ဆင်ကို မန်ယူအသင်းကခေါ်ယူလိုပေမယ့် လန်ဒန်ကနေ မန်ချက်စတာကို ပြောင်းရွှေ့လိုခြင်းမရှိတဲ့ ကစားသမားရဲ့ဆန္ဒကြောင့်အခက်တွေ့နေကြောင်း The Athletic သတင်းမှာ ဖော်ပြပါတယ်။

အသက် ၃၀ အရွယ် အဲရစ်ဆင်ဟာ ဘရန့်ဖို့ဒ်နဲ့စာချုပ်သက်တမ်းကုန်ဆုံးခဲ့ပေမယ့် နည်းပြသောမက်စ် ဖရန့်နဲ့ တွေ့ဆုံဆွေးနွေးခဲ့ပြီးနောက်မှာ စာချုပ်သက်တမ်း တိုးသွားဖို့ရှိပါတယ်။ အဲရစ်ဆင်ကတော့ ချန်ပီယံလိဂ်ပြိုင်ပွဲပြန်လည်ကစားခွင့်ရရင်ပျော်ရွှင်ရမှာဖြစ်ပေမဲ့ အဓိကလိုအပ်တဲ့အရာမဟုတ်ကြောင်း ဆွီဒင်မီဒီယာတစ်ခုနဲ့ အင်တာဗျူးမှာပြောထားပါတယ်။

6 days Ago

June 7, 2022

ဘရန့်ဖို့ဒ်ကွင်းလယ်လူ အဲရစ်ဆင်ကို မန်ယူခေါ်လို

ဘရန့်ဖို့ဒ်အသင်းမှာ  ခြေစွမ်းပြခဲ့တဲ့ ဒိန်းမတ်ကွင်းလယ်ကစားသမား အဲရစ်ဆင်ကို မန်ယူအသင်း ဆီ ခေါ်ယူဖို့ မန်ယူနည်းပြ တန်ဟက်ဂ်    ဆန္ဒရှိနေကြောင်း သိရပါတယ်။ 

အသက် ၃၀ အရွယ် အဲရစ်ဆင်ဟာ    နှလုံးရောဂါကြောင့် အင်တာမီလန်အသင်းနဲ့ လမ်းခွဲခဲ့ ရပေမဲ့ ဘရန့်ဖို့ဒ်အသင်းနဲ့အတူ ပရီးမီးယားလိဂ်မှာ  ခြေစွမ်းပြနိုင်ခဲ့တာပါ။ 

ဒါကြောင့် ဘရန့်ဖို့ဒ်နဲ့  ၆ လစာချုပ် သက်တမ်းကုန်ပြီး ပြောင်းရွှေ့ကြေးအလွတ်နဲ့ ရရှိမယ့် အဲရစ်ဆင်ကို ခေါ်ယူလိုတဲ့ အသင်းများစွာ ရှိလာတဲ့ထဲက မန်ယူလည်း ပါဝင်လာတာဖြစ်ပါတယ်။

တန်ဟက်ဂ်ဟာ အေဂျက်စ်ကစားသမားဟောင်း အဲရစ်ဆင်ကို ဘရန့်ဖို့ဒ်နဲ့  စာချုပ်မချုပ်ဆိုမီက အေဂျက်စ်အသင်းမှာ  လေ့ကျင့်ခွင့်ပြုခဲ့သူလည်းဖြစ်ပါတယ်။ 

3 weeks Ago
More News
Up