အဲရစ်အက်ဘရမ်

October 2, 2018

ဘယ်လ်ဂျီယံနည်းစနစ်ဒါရိုက်တာ အဲရစ်အက်ဘရမ်ကို ၃ နှစ်စာချုပ်ဖြင့် မြန်မာခေါ်ယူ

မြန်မာနိုင်ငံဘောလုံးအဖွဲ့ချုပ်ဟာ ဘယ်လ်ဂျီယံနဲ့ သြစတြေးလျ ဘောလုံးအဖွဲ့ချုပ်တွေမှာ နည်းစနစ်ဒါရိုက်တာအဖြစ်တာဝန်ယူခဲ့ဖူးတဲ့ အဲရစ်အက်ဘရမ်ကို ၃ နှစ်စာချုပ်နဲ့ ခန့်အပ်လိုက်ပါတယ်။ အက်ဘရမ်ဟာ သြစတြေးလျဘောလုံးအဖွဲ့ချုပ်နဲ့ စာချုပ်သက်တမ်းမကုန်သေးပေမယ့် ရဲ့ သြစတြေးလျဘက်က ငွေကြေးအခက်အခဲကြောင့် နုတ်ထွက်ပြီး မြန်မာဘက်က ကမ်းလှမ်းမူကို လက်ခံခဲ့တာလို့ ဆိုပါတယ်။ အက်ဘရမ်အနေနဲ့ မြန်မာနည်းပြလောက လူငယ်ဘောလုံးလောက ဖွံ့ဖြိုးတိုးတက်ရေးနဲ့ လက်ရွေးစင်အသင်းနဲ့ သက်တမ်းအလိုက်အသင်းတွေရဲ့ နည်းစနစ်ပိုင်းနဲ့ ပတ်သက်ပြီး အကြံပေးရမှာပါ။ လောလောဆယ်အချိန်မှာတော့ အသင်းအားလုံးရဲ့အကြောင်းကို သေချာလေ့လာပြီး အားသာချက်တွေကို ဆက်လက်မြှင့်တင်ပြီး အားနည်းချက်တွေကိုပြင်ဆင်ဖို့ လုပ်ဆောင်သွားမယ်လို့ အက်ဘရမ်ကပြောပါတယ်။ မြန်မာဘောလုံးအဖွဲ့ချုပ်ရဲ့ကမ်းလှမ်းမူကို လက်ခံခဲ့တာဟာ မြန်မာပြည်သူတွေရဲ့ ဘောလုံးအပေါ် ချစ်မြတ်နိုးမှုနဲ့ အလားအလာကောင်းတွေကြောင့် ဖြစ်ပြီး မိမိတဦးတည်းနဲ့ လုပ်ဆောင်မရဘဲ အားလုံးနဲ့ လက်တွဲလုပ်ဆောင်သွားမယ်လို့ သတင်းစာရှင်းလင်းပွဲမှာ ပြောပါတယ်။ အဲရစ်အက်ဘရမ်ကို အာရှဘောလုံးအဖွဲ့ချုပ်ရဲ့ နည်းစနစ်ဆိုင်ရာ အလုပ်ရုံဆွေးနွေးပွဲတွေမှာ ရင်းနှီးခဲ့ပြီး အတွေ့အကြုံကောင်းတွေရှိတဲ့သူဖြစ်တာကြောင့် တခြားနိုင်ငံတွေကို ကျော်ဖြတ်ခေါ်ယူနိုင်ခဲ့တာလို့ ဘောလုံးအဖွဲ့ချုပ် တွဲဖက်အထွေထွေ အတွင်းရေးမှူး နည်းစနစ်ဒါရိုက်တာဟောင်း ဦးတင်မြင့်အောင်က ပြောပါတယ်။ အဲရစ်အက်ဘရမ်အနေနဲ့ အောက်တိုဘာ ၁၀ ရက်မှာ ကစားမယ့် မြန်မာ့လက်ရွေးစင်အသင်းနဲ့ အင်ဒိုနီးရှားအသင်းတို့ရဲ့ ခြေစမ်းပွဲကိုလည်း လိုက်ပါကြည့်ရူပြီး နည်းစနစ်ပိုင်းဆိုင်ရာတွေကို  အကြံပေးမယ်လို့သိရပါတယ်။
3 years Ago
Up