အဲရစ်ဘိုင်ယီ

April 5, 2019

မန်ယူနောက်ခံလူ အဲရစ် ဘိုင်ယီကို ရီးရဲလ် ခေါ်ယူရန် ပစ်မှတ်ထား

မန်ချက်စတာယူနိုက်တက်အသင်း နောက်တန်းကစားသမား အဲရစ် ဘိုင်ယီကို ခေါ်ယူဖို့ စိတ်ဝင်စားတဲ့ အသင်းတွေထဲမှာ ရီးရဲလ်မက်ဒရစ် ပါဝင်လာပါတယ်။ အိုင်ဗရီကို့စ် ကစားသမားကို လာမယ့် နွေရာသီမှာ ပြောင်းရွှေ့ကြေး ပေါင် ၃၅ သန်းပေးပြီး ခေါ်ယူဖို့ ရီးရဲလ်က ကြိုးစားလာတာပါ။ ဗဟိုနောက်ခံလူ အဲရစ် ဘိုင်ယီဟာ ဒဏ်ရာပြဿနာနဲ့ ရုန်းကန်နေရတဲ့အတွက် ပုံမှန် ပွဲထွက်ကစားခွင့်တွေ ဆုံးရှုံးခဲ့ပါတယ်။ ကာယကံရှင်ကိုယ်တိုင်ကလည်း ရီးရဲလ်က ခေါ်ယူဖို့ ပစ်မှတ်ထားတဲ့အပေါ် အံအားသင့်နေပြီး အသင်းပြောင်းဖို့ ဆန္ဒရှိနေပါတယ်။ မန်ယူအသင်းကလည်း ဒီနှစ်နွေရာသီမှာ နောက်တန်းကစားသမားအသစ်တွေ ခေါ်ယူဖို့ ပြင်ဆင်နေပါတယ်။ ဘိုင်ယီဟာ ဒီနှစ်ရာသီမှာ မန်ယူအတွက် ၁၃ ပွဲပဲ ပွဲထွက်ကစားခွင့် ရထားပါတယ်။
3 years Ago

February 6, 2019

နောက်ခံလူ အဲရစ်ဘိုင်ယီ၏ ခြေစွမ်းကို မန်ယူနည်းပြ ဆိုးလ်ရှား သဘောကျ

မန်ချက်စတာယူနိုက်တက်အသင်းဟာ နောက်ခံလူ အဲရစ်ဘိုင်ယီကို အသင်းမှာ ဆက်ထိန်းဖို့ ကြိုးပမ်းတော့မှာဖြစ်တယ်လို့ သိရပါတယ်။ သည်ဆန်းသတင်းစာရဲ့ ဖော်ပြချက်အရ မန်ယူနည်းပြ ဆိုးလ်ရှားဟာ လက်စတာနဲ့ပွဲမှာ ပွဲထွက်ခွင့်ပေးခဲ့တဲ့ ဘိုင်ယီရဲ့ခြေစွမ်းကို နှစ်သက်သဘောကျနေပြီး လက်ကျန်ပွဲစဉ်တွေမှာ ဆက်ပြီး အသုံးပြုတော့မယ်လို့ ဆိုပါတယ်။ အသက် ၂၄ နှစ်ရှိ အိုင်ဗရီကို့စ်နောက်ခံလူ ဘိုင်ယီဟာ ဆိုးလ်ရှားလက်ထက်မှာ ပွဲကစားခွင့် နည်းပါးခဲ့တာကြောင့် ရောင်းထုတ်ဖို့ ဆုံးဖြတ်ထားတယ်လို့ သတင်းထွက်ပေါ်ခဲ့ပါတယ်။ ပြီးခဲ့တဲ့ ဇန်နဝါရီ အပြောင်းအရွှေ့ကလည်း အာဆင်နယ်အသင်းက ခေါ်ယူဖို့ ကမ်းလှမ်းခဲ့ပြီး မန်ယူအသင်းက ပြိုင်ဘက်အသင်းတသင်းကို ရောင်းချလိုခြင်း မရှိတာကြောင့် ပျက်ပြယ်ခဲ့တာ ဖြစ်ပါတယ်။ အာဆင်နယ်နဲ့ အက်ဖ်အေဖလားပွဲမှာလည်း အဲရစ်ဘိုင်ယီနဲ့ လင်ဒီလော့ဖ်တို့ ပွဲထွက်ကစားခဲ့ပြီး သူတို့နှစ်ဦးရဲ့ ခြေစွမ်းကို နည်းပြဆိုးလ်ရှားက ချီးကျူးခဲ့ဖူးပါတယ်။
3 years Ago
Up