အဲရစ္ဆင္

July 17, 2019

အဲရစ္ဆင္ စပါးအသင္းတြင္ ဆက္ရွိရန္ မေသခ်ာဟု နည္းျပ ဝန္ခံ

စပါးအသင္းရဲ႕ အဓိက ကြင္းလယ္ကစားသမား အဲရစ္ဆင္ အသင္းမွာ ဆက္ရွိမလားဆုိတာ မေသခ်ာဘူးလုိ႔ စပါးနည္းျပ ပုိခ်က္တီႏုိက ဝန္ခံ ေျပာၾကားလုိက္ပါတယ္။ အဲရစ္ဆင္ကုိ စပိန္ထိပ္သီးကလပ္ ရီးရဲလ္မက္ဒရစ္အသင္းက ေခၚယူဖုိ႔ စိတ္ဝင္စားေနတာေၾကာင့္ အသင္းေျပာင္းေရႊ႕မွာကုိ စပါးအသင္းက စုိးရိမ္ေနတာပါ။ စပါးနည္းျပ ပုိခ်က္တီႏုိကေတာ့ အဲရစ္ဆင္ရဲ႕ အေျပာင္းအေရႊ႕နဲ႔ ပတ္သက္လုိ႔ ပထမဆုံးအႀကိမ္ မွတ္ခ်က္ေပးသြားခဲ့ၿပီး အသင္းမွာ ဆက္ရွိမလားဆုိတာ သူကုိယ္တုိင္ေတာင္ မသိဘူးလို႔ ေျပာပါတယ္။ အဲရစ္ဆင္ဟာ အသင္းနဲ႔ တႏွစ္စာခ်ဳပ္သက္တမ္းသာ က်န္ရွိၿပီး အခုႏွစ္မွာ သက္တမ္းမတုိးႏုိင္ခဲ့ရင္ တျခားကလပ္အသင္း တသင္းဆီကုိ အလြတ္ေျပာင္းေရႊ႕ေၾကးနဲ႔ လက္လႊတ္လုိက္ရဖုိ႔ ရွိေနပါတယ္။ ---------------------------------- ယူနီကုတ္ဒ္ျဖင့္ဖတ္ရန္ အဲရစ်ဆင် စပါးအသင်းတွင် ဆက်ရှိရန် မသေချာဟု နည်းပြ ဝန်ခံ ဒီဗွီဘီ စပါးအသင်းရဲ့ အဓိက ကွင်းလယ်ကစားသမား အဲရစ်ဆင် အသင်းမှာ ဆက်ရှိမလားဆိုတာ မသေချာဘူးလို့ စပါးနည်းပြ ပိုချက်တီနိုက ဝန်ခံ ပြောကြားလိုက်ပါတယ်။ အဲရစ်ဆင်ကို စပိန်ထိပ်သီးကလပ် ရီးရဲလ်မက်ဒရစ်အသင်းက ခေါ်ယူဖို့ စိတ်ဝင်စားနေတာကြောင့် အသင်းပြောင်းရွှေ့မှာကို စပါးအသင်းက စိုးရိမ်နေတာပါ။ စပါးနည်းပြ ပိုချက်တီနိုကတော့ အဲရစ်ဆင်ရဲ့ အပြောင်းအရွှေ့နဲ့ ပတ်သက်လို့ ပထမဆုံးအကြိမ် မှတ်ချက်ပေးသွားခဲ့ပြီး အသင်းမှာ ဆက်ရှိမလားဆိုတာ သူကိုယ်တိုင်တောင် မသိဘူးလို့ ပြောပါတယ်။ အဲရစ်ဆင်ဟာ အသင်းနဲ့ တနှစ်စာချုပ်သက်တမ်းသာ ကျန်ရှိပြီး အခုနှစ်မှာ သက်တမ်းမတိုးနိုင်ခဲ့ရင် တခြားကလပ်အသင်း တသင်းဆီကို အလွတ်ပြောင်းရွှေ့ကြေးနဲ့ လက်လွှတ်လိုက်ရဖို့ ရှိနေပါတယ်။
3 years Ago

January 3, 2019

ကြင္းလယ္လူ အဲရစ္ဆင္ကုိ လစာတုိးေပးၿပီး စာခ်ဳပ္သစ္ခ်ဳပ္ရန္ စပါး ကမ္းလွမ္းမည္

စပါးအသင္းဟာ ကြင္းလယ္ကစားသမား အဲရစ္ဆင္ကုိ လစာတုိးေပးၿပီး စာခ်ဳပ္သက္တမ္းတုိးဖုိ႔ ကမ္းလွမ္းသြားမယ္လုိ႔ သိရပါတယ္။ ဒိန္းမတ္ကြင္းလယ္လူ အဲရစ္ဆင္ဟာ စပါးအသင္းမွာ အေကာင္းဆုံး ေျခစြမ္းျပေနတာေၾကာင့္ စပါးအသင္းက စာခ်ဳပ္သက္တမ္းတုိးဖုိ႔ ဆုံးျဖတ္လုိက္တာလုိ႔ ဆုိပါတယ္။ အဲရစ္ဆင္ဟာ တပတ္လုပ္ခ ေပါင္ ၇ ေသာင္းပဲ ရရွိေနၿပီး စပါးအသင္းနဲ႔ ၂၀၂၀ ျပည့္ႏွစ္အထိ စာခ်ဳပ္သက္တမ္း ရွိေနတာပါ။ ဘာစီလုိနာနဲ႔ ရီးရဲလ္မက္ဒရစ္အသင္းေတြက အဲရစ္ဆင္ကုိ ေခၚယူဖုိ႔ သတင္းထြက္ေနတာေၾကာင့္ စပါးအသင္းအေနနဲ႔ လုပ္ခတုိးေပးၿပီး စာခ်ဳပ္သက္တမ္းတုိးဖုိ႔ အလုိရွိေနတာ ျဖစ္ပါတယ္။ စပါးအသင္းမွာ အသင္းေဖာ္ေတြျဖစ္တဲ့ အယ္လီက တပတ္လုပ္ခ ေပါင္တသိန္းခဲြရေနၿပီး တုိက္စစ္မႉး ဟယ္ရီကိန္းက ေပါင္ႏွစ္သိန္းရေနတာ ျဖစ္ပါတယ္။ အသက္ ၂၆ ႏွစ္ရွိ အဲရစ္ဆင္ဟာ ၂၀၁၃ ခုႏွစ္က ေဟာ္လန္ကလပ္ ေအဂ်က္ဇ္အသင္းကေန ေျပာင္းေရႊ႕လာသူျဖစ္ၿပီး စပါးအသင္းနဲ႔ ၆ ႏွစ္ၾကာကာလအတြင္း စုစုေပါင္း ပဲြ ၂၅၀ ကစားၿပီး ၆၂ ဂုိး သြင္းယူထားပါတယ္။
3 years Ago
More News
Up