အဲဗာတန်အသင်း

January 27, 2023

အသင်းပြောင်းသည့် ဂေါ်ဒွန် အဲဗာတန်အသင်းဆီ ပြန်မသွားတော့ရန် ဆုံးဖြတ်

အသင်းပြောင်းရွှေ့လိုနေတဲ့ အဲဗာတန်တိုက်စစ်ကစားသမား ဂေါ်ဒွန်ဟာ  အသင်းဆီပြန် လာမှာမဟုတ်တော့ကြောင်း အသင်းတာဝန်ရှိသူတွေကို ပြောကြားလိုက်ပါတယ်။

အသက် ၂၁ နှစ်ရှိ အင်္ဂလန်ယူ ၂၁ လက်ရွေးစင် အန်တိုနီဂေါ်ဒွန်ဟာ ခြေစွမ်းပြနေတဲ့ ကစားသမားတစ်ဦးဖြစ်ပေမဲ့ အသင်းက တန်းဆင်းဇုန်ထဲရောက်ချိန်မှာ ထွက်ခွါဖို့ပြင်ဆင်နေတာပါ။

ဂေါ်ဒွန်ကို နယူးကာဆယ်အသင်းက ပေါင်သန်း ၅၀ ဝန်းကျင်နဲ့ ကမ်းလှမ်းခဲ့ပေမဲ့ အဲဗာတန်အသင်းက လက်မခံသေးပါဘူး။

ဒါပေမဲ့ကစားသမားကိုယ်တိုင်က လေ့ကျင့်ရေး ၃ ရက် ပျက်ကွက်ခဲ့သလို ပြန်မလာတော့ဘူးလို့ သတင်းပို့ခဲ့တာကြောင့် နယူးကာဆယ်ရဲ့ကမ်းလှမ်းချက်ကို လက်ခံသွားရဖို့ ရှိပါတယ်။

အဲဗာတန်အကယ်ဒမီထွက်ကစားသမားဖြစ်သူ ဂေါ်ဒွန်ဟာ ၂၀၁၇ ခုနှစ်ကတည်းက အသင်းကြီးမှာ ပွဲထွက်ခွင့်ရခဲ့ပြီး စုစုပေါင်း ပွဲ ၈၀ လောက် ကစားထားပြီးဖြစ်ပါတယ်။ 

1 day Ago

January 24, 2023

အဲဗာတန်အသင်းက နည်းပြလမ်းပတ်ကိုထုတ်ပယ်ပြီးနောက် လိဒ်နည်းပြဟောင်း ဘီယယ်ဆာကို ခန့်အပ်ရန် စီစဉ်

အဲဗာတန်အသင်းနည်းပြသစ်ရာထူးအတွက် လိဒ်ယူနိုက်တက်နည်းပြဟောင်းဘီယယ်ဆာကို ခန့်အပ်ဖို့ စီစဉ်နေပါတယ်။

အဲဗာတန်အသင်းဟာ ပြိုင်ပွဲစုံမှာ ၁၀ ပွဲဆက်တိုက်ရှုံးနိမ့်ပြီးတဲ့ နောက်မှာ အဆင့် ၁၉ အထိကျဆင်းသွားခဲ့ရလို့ နည်းပြ လမ်းပတ်ကို ရာထူးကနေ ထုတ်ပယ်ခဲ့တာပါ။

တဆက်တည်းမှာပဲ နည်းပြသစ်တစ်ဦးခန့်အပ်ဖို့ရှာဖွေနေပြီး လိဒ်ယူနိုက်တက်နည်းပြဟောင်း မာဆယ်လို ဘီယယ်ဆာက ရေပန်းအစားဆုံးဖြစ်လာခဲ့တာပါ။

အသက် ၆၇ နှစ်ရှိ အာဂျင်တီးနားနည်းပြကြီးဟာ လိဒ်ယူနိုက်တက်ကို ၁၆ နှစ်ကြာဝေးကွာနေတဲ့ ပရီးမီးယားလိဂ်ဆီ တန်းတက်အောင်စွမ်းဆောင်နိုင်ခဲ့ပြီး သူ့ရဲ့တိုက်စစ်အသားပေးကစားဟန်က ထင်ရှားပါတယ်။

ဘီယယ်ဆာဟာ လက်ရှိအချိန်မှာ အသင်းလက်မဲ့ဖြစ်နေပြီး အဲဗာတန်ဘက်က အမှန်တကယ်ကမ်းလှမ်းမယ်ဆိုရင် လက်ခံဖို့ရှိပါတယ်။ 

5 days Ago
More News
Up