အဲဗာတန်

September 2, 2021

ဗန်ဒီဘိခ်အတွက် အဲဗာတန်၏ ကမ်းလှမ်းချက်ကို မန်ယူအသင်းပယ်ချ

မန်ချက်စတာယူနိုက်တက်အသင်းဟာ ကွင်းလယ်လူ ဗန်ဒီဘိခ်အတွက် အဲဗာတန်အသင်းရဲ့ ကမ်းလှမ်းချက်ကို ပယ်ချခဲ့ တယ်လို့သိရပါတယ်။

အဲဗာတန်အသင်းဟာ အပြောင်းအရွှေ့နောက် ဆုံးရက်မှာ ယူနိုက်တက်မှာ ပွဲထွက်ခွင့်ပျောက်ဆုံးနေတဲ့ ဗန်ဒီဘိခ်ကို အငှားစာချုပ်နဲ့ခေါ်ယူဖို့တရားဝင် ကမ်းလှမ်းခဲ့တာပါ။

ဗန်ဒီဘိခ်က ပွဲထွက်ခွင့်ရမယ့်အသင်း ဆီပြောင်းရွှေ့ကစား လိုပေမယ့်လည်း ယူနိုက်တက်အသင်းဘက်ကပယ်ချခဲ့တာကြောင့် ပျက်ပြယ်ခဲ့တာဖြစ်တယ်လို့သိရပါတယ်။

ဗန်ဒီဘိခ်ရဲ့ အေးဂျင့်ဖြစ်သူ ဂွီဒိုအယ်လ်ဘာကတော့ ဘယ်အသင်းက ကမ်းလှမ်းတယ်ဆိုတာ ထည့်မပြောပေမဲ့  ယူနိုက်တက်အသင်းဘက်က ပယ်ချခဲ့တာမှန်ကန်ကြောင်းအတည်ပြုပါတယ်။  

“အီတလီ၊ ဂျာမနီနဲ့ အင်္ဂလန်က ကလပ်တွေပါ ကမ်းလှမ်းမှုတွေရှိခဲ့ပါတယ်။ ဒီကမ်းလှမ်းချက်တွေက ကောင်းမွန်ပေမဲ့ ကလပ်အသင်းက ပူးပေါင်းဆောင်ရွက်မှာ ရတာပါ။ ဒါပေမဲ့ ကလပ်ဘက်က မလုပ်ဆောင်ခဲ့ပါဘူး။ စိတ်ပျက်စရာဖြစ်ပေမယ့် သူ့ကို အခွင့်အရေးပေးတာမျိုးလည်း ဖြစ်နိုင်ပါတယ်။ သူပွဲကစားခွင့်တွေ ရလာဖို့မျှော်လင့်ပါတယ်”လို့ ဗန်ဒီဘိခ်ရဲ့အေးဂျင့်က ပြောပါတယ်။

အသက်၂၄ နှစ်ရှိ ဟော်လန်ကွင်းလယ်လူ ဗန်ဒီဘိခ်ဟာ မနှစ်က ပရီးမီးယားလိဂ်မှာ ၄ ပွဲသာ ပွဲထွက်ကစားသမား စာရင်းမှာပါဝင်ခဲ့ပြီး ကျန် ၁၅ ပွဲက မိနစ်အနည်းငယ်သာ လူစားဝင်ကစားခွင့်ရခဲ့တာဖြစ်ပါတယ်။ 

3 weeks Ago

December 29, 2020

မန်စီးတီးအသင်းသားအချို့ ကိုဗစ်-၁၉ ကူးစက်ခံရသဖြင့် အဲဗာတန်နှင့်ပွဲစဉ်ကို ရွှေ့ဆိုင်း

မန်စီးတီးအသင်းသားတချို့မှာ  ကိုဗစ်-၁၉ ပိုးတွေ့ရှိသူ ထပ်တွေ့တာကြောင့် အဲဗာတန်နဲ့ ကန်မယ့်ပွဲစဉ်ကို ရွှေ့ဆိုင်းခဲ့ ပါတယ်။  အဲဗာတန်နဲ့ပွဲစဉ်နာရီပိုင်းအလိုရောက်မှ မန်စီးတီးအသင်းမှာ ကိုဗစ်ပိုးထပ်တွေ့ခဲ့တာကြောင့် ပွဲရွှေ့ဆိုင်းဖို့ဆုံးဖြတ်ခဲ့တာပါ။ မန်စီးတီးအသင်းမှာ တိုက်စစ်မှူးဂါဘရီယယ်ဂျေးဆူနဲ့ နောက်ခံလူ ဝေါ်ကာတို့က ကိုဗစ်-၁၉ ပိုးတွေ့ရှိထားတာဖြစ်ပြီး တခြားကစားသမားနဲ့ အသင်းဝန်ထမ်းတွေဆီ ရောဂါကူးစက်ခဲ့တာပါ။  ဘယ်သူတွေမှာ ပိုးတွေ့တယ်ဆိုတာမသိရပေမယ့်လည်း ပရီးမီးယားလိဂ်နဲ့ ယူကေ အစိုးရတို့ရဲ့ ညွှန်ကြားချက်တွေနဲ့အညီ လုပ်ဆောင်သွားမယ်လို့ မန်စီးတီးအသင်းက သတင်းထုတ်ပြန်ပါတယ်။ ပရီးမီးယားလိဂ်ဘက်ကလည်း  ကစားသမားတွေနဲ့ အသင်းဝန်ထမ်းတွေရဲ့ ကျန်းမာရေးက ဦးစားပေးဖြစ်ပြီး ပရီးမီးယားလိဂ်ပွဲစဉ်တွေကို ဆက်ကျင်းပဖို့ ယုံကြည်မှုအပြည့်ရှိကြောင်း သတင်းထုတ် ပြန်ခဲ့ပါတယ်။  အခုလအစောပိုင်းက နယူးကာဆယ်နဲ့ ဗီလာပွဲကိုလည်း နယူးကာဆယ်အသင်းမှာ ကိုဗစ်ပိုးတွေ့ရှိခဲ့တာကြောင့် ပွဲရွှေ့ခဲ့ရပါတယ်။ 
9 months Ago
More News
Up