အခြေခံဥပဒေ ပြုပြင်ပြောင်းလဲရေးအဆို ရှုံးနိမ့်ပြီးနောက် အီတလီဝန်ကြီးချုပ် ရာထူးမှနုတ်ထွက်

December 6, 2016

အခြေခံဥပဒေ ပြုပြင်ပြောင်းလဲရေးအဆို ရှုံးနိမ့်ပြီးနောက် အီတလီဝန်ကြီးချုပ် ရာထူးမှနုတ်ထွက်

အီတလီဝန်ကြီးချုပ် ရင်းဇီ (Renzi) ဟာ သူ့ရဲ့ အခြေခံဥပဒေ ပြုပြင်ပြောင်းလဲရေးအဆို ဒီဇင်ဘာ ၄ ရက်နေ့ လူထုဆန္ဒခံယူခဲ့တာမှာ အကြီးအကျယ် ရှုံးနိမ့်ခဲ့အပြီး ရာထူးက နုတ်ထွက်သွားပါတယ်။ လူထုဆန္ဒခံယူပွဲအပြီး ရင်းဇီဟာ အီတလီသမ္မတနဲ့ တွေ့ဆုံခဲ့ပြီး လတ်တလော အီတလီ နိုင်ငံရေးအကျပ်အတည်းနဲ့ ပြဿနာတက်နေတဲ့ အီတလီဘဏ်လုပ်ငန်း ကိစ္စတွေ ဆွေးနွေးကြဖွယ် ရှိတယ်လို့ သတင်းတွေက ဆိုပါတယ်။ လူထုဆန္ဒခံယူပွဲမှာ ၀န်ကြီးချုပ်ရဲ့ အခြေခံဥပဒေပြုပြင်ရေးအဆိုကို ထောက်ခံတဲ့ဘက်က မဲ ၄၀ ရာခိုင်နှုန်းပဲ ရရှိခဲ့ပြီး ကန့်ကွက်တဲ့ဘက်က မဲ ၆၀ ရာခိုင်နှုန်း ရရှိခဲ့ပါတယ်။ မဲပေးသူ ၇၀ ရာခိုင်နှုန်းလောက် ဆန္ဒသဘာထားပေးခဲ့ကြလို့ ၀န်ကြီးချုပ်အပေါ် လူထုထောက်ခံမှုကိုပြသတဲ့ ဆန္ဒခံယူပွဲအဖြစ်လည်း သတ်မှတ်ကြပါတယ်။ ရင်းဇီဟာ ဒီဇင်ဘာ ၅ ရက်နေ့က အစိုးရအဖွဲ့ဝင်တွေနဲ့ တွေ့ဆုံခဲ့ပြီး သူ ၀န်ကြီးချုပ်ရာထူးကနေ နုတ်ထွက်ရေး ဆွေးနွေးခဲ့ကြပါတယ်။ ဗဟိုအစိုးရ လုပ်ပိုင်ခွင့် ပိုရလာဖို့အတွက် အထက်လွှတ်တော်အာဏာကို လျှော့ချဖို့အရေး အခြေခံဥပဒေပြုပြင်ဖို့ ရင်းဇီ ကြိုးစားခဲ့တာပါ။ အခုတော့ လူထုဆန္ဒခံယူရာမှာ ရှုံးနိမ့်ပြီး တာဝန်က နုတ်ထွက်ခဲ့တဲ့အတွက် အီတလီသမ္မတက ၀န်ကြီးချုပ်အသစ်တယောက်ကို ရွေးချယ်ရမှာပါ။ မရွေးချယ်ရင် ဖွဲ့စည်းပုံအခြေခံဥပဒေအရ ရွေးကောက်ပွဲသစ်ကို ကျင်းပရမှာ ဖြစ်ပါတယ်။
5 years Ago
Up