အခြေခံလစာ

September 27, 2018

အနိမ့်ဆုံးအခြေခံလစာ၊ နေ့စဉ်ကုန်ဈေးနှုန်းနဲ့ တိုက်ပွဲဝင်အမျိုးသမီးများ

“မိုးလင်းကနေ မိုးချုပ် အလုပ်လုပ်ရတော့ အချိန်ပိုကြေးလေး မျှော်မိတာပေါ့။ ဒါပေမယ့် ကျမတို့စက်ရုံက အချိန်ပိုကြေး မပေးတော့ဘူး။ တနေ့လုပ်ခလစာ ၄၈၀၀ ကျပ်ဆိုတာက ဒီခေတ်ကြီးထဲမှာ မလောက်ငတော့ဘူး။ ဟင်းကောင်းဟင်းမွန်စားရတဲ့နေ့ ဆိုတာလည်း မရှိတော့သလောက်ပါပဲ။” “ဘီယာဆိုင်တွေသွား၊ ဘီယာသောက်နေတဲ့ ယောက်ျားတွေရှေ့ရပ်ပြီး၊ ‘အစ်ကိုတို့ ဒီစီးကရက်အရသာလေး မြည်းစမ်းကြည့်ပါလား’ လို့ အချိုသာဆုံးလေသံနဲ့ ပြောရတာ မလွယ်ပါဘူးအစ်မရယ်။ ဒီလို စီးကရက်ကိုပါ မိန်းကလေးတန်မဲ့ မီးညှိပေးရတဲ့အလုပ်ကို ဘယ်လုပ်ချင်ပါ့မလဲ။ ဒါပေမယ့် စားဝတ်နေရေးက ရှိနေသေးတော့ မလုပ်ချင်လို့လည်း မဖြစ်ဘူး။” “ကန်စွန်းရွက်တစည်းတောင် ၃၀၀ နဲ့ ၄၀၀ ကျပ် ပေးဝယ်စားနေရတော့ သမီးငိုချင်လာတယ်။ စတိုးဆိုင်မှာ တနေကုန် မတ်တပ်ရပ်နေရတာ။ ဝင်လာသမျှလူတွေကို မပြုံးချင်လည်း ပြုံးပြနေရတာ။ တလလုံးမှာ နားရက်ဆိုလို့လည်း ၄ ရက်ပဲရှိတယ်။” အခုပြောခဲ့တာတွေက အထည်ချုပ်စက်ရုံမှာ လုပ်ကိုင်နေရတဲ့ အမျိုးသမီးတဦး၊ စီးကရက်ဖြန့်ချိရေး ကုမ္ပဏီတခုမှာ အလုပ်လုပ်နေတဲ့ မိန်းကလေးနဲ့ စတိုးဆိုင်ကြီးတခုမှာ အရောင်းစာရေးမ အလုပ်လုပ်နေရတဲ့ အမျိုးသမီးတဦးတို့ရဲ့ ရင်ဖွင့်သံတွေပါ။ လုပ်ခလစာ နည်းပါးလွန်းလှတဲ့ မြန်မာနိုင်ငံမှာ အလုပ်တနေရာ တည်မြဲဖို့နဲ့ ပုံမှန်ဝင်ငွေလေး ရဖို့အတွက်ကိုပဲ အမျိုးသမီးတွေဟာ တော်တော်လေး ရုန်းကန်နေရပါတယ်။ မြန်မာနိုင်ငံမှာ လစာများများပေးတဲ့ ကုမ္ပဏီတွေ၊ အလုပ်တွေဆိုတာ မရှိဘူး မဟုတ်ပေမယ့် အနည်းဆုံး ဘွဲ့ ၂ ခုလောက်ရထားမှ၊ ကွန်ပျူတာနဲ့ အင်္ဂလိပ်စာ အရည်အချင်းလည်း ကောင်းမွန်မှ၊ အဆက်အသွယ်ကောင်းမှသာ ရရှိတတ်တာပါ။ ဒါကြောင့် အမျိုးသမီးအများစုဟာ ရှေ့ဆက် ဘဝတက်လမ်းဆိုတဲ့ မျှော်လင့်ချက်ကို မကြည့်နိုင်ကြဘဲ ဘဝရပ်တည်မှုအတွက် အဆင်ပြေနိုင်မယ်ထင်တဲ့ လုပ်ငန်းတွေမှာပဲ အလုပ်ဝင်ရောက်လုပ်ကိုင်နေရတာပါ။ “မပိုးအိမွန်” ဟာ ရန်ကုန်တိုင်းဒေသကြီးကို တရွာမပြောင်း သူကောင်းမဖြစ်ဆိုတဲ့ ထုံးကို နှလုံးမူပြီး ရောက်ရှိလာတဲ့ ရွှေ့ပြောင်းအလုပ်သမတဦး ဖြစ်ပါတယ်။ သူမရဲ့ဇာတိက မကွေးတိုင်းဒေသကြီး၊ ပခုက္ကူမြို့နယ်ထဲက ရွာလေးတရွာကပါ။ သူမ ရန်ကုန်ကိုပြောင်းမလာခင် အစောပိုင်းကာလတွေတုန်းကတော့ မိုးမှန်မှန်ရွာသွန်းပြီး လယ်ယာစိုက်ပျိုးရေးလုပ်ငန်း အဆင်ပြေလို့ သူမမိဘတွေဟာ မချမ်းသာပေမယ့် ရွာမှာ တင့်တောင့်တင့်တယ် နေထိုင် အဆင်ပြေခဲ့ပါတယ်။ သို့ပေမယ့် မြန်မာနိုင်ငံတဝှမ်း ရာသီဥတု ဖောက်ပြန်မှုများကြောင့် မိုးလေဝသလည်း မမှန်၊ စိုက်ပျိုးသီးနှံ ဖြစ်ထွန်းမှုလည်း နည်းပါးလာတာကြောင့် သူတို့ရဲ့မိသားစု စီးပွားရေးက တဖြည်းဖြည်း ချွတ်ခြုံကျလာပါတော့တယ်။ ဒီလိုနဲ့ လယ်ယာလုပ်ငန်းက အဆင်မပြေတော့တဲ့အခါ သူမရဲ့အစ်ကိုဖြစ်သူ မလေးရှားကို သွားရောက်အလုပ်လုပ်ကိုင်ဖို့ သူတို့မှာရှိတဲ့ လယ်လေးယာလေးတွေကို ပေါင်နှံ၊ တချို့ကို အပြီးပိုင်ရောင်းချပြီး အစ်ကိုဖြစ်သူရဲ့ စရိတ်ကို ဖြေရှင်းပေးလိုက်ကြရသလို မပိုးအိမွန်ကလည်း တဖက်တလမ်း ဝင်ငွေရရေးအတွက် ရန်ကုန်ကို တက်လာခဲ့ရပါတယ်။ “အမေနဲ့အဖေက ကျမကို ရန်ကုန်မှာထားရတာ၊ အလုပ်လုပ်နေတာကို စိတ်မချဘူးလို့ ခဏခဏပြောတယ်။ ရွာမှာလည်း နေထိုင်လုပ်ကိုင်ဖို့က အဆင်မပြေဘူးလေ။ ကျမလုပ်နေတဲ့ အထည်ချုပ်စက်ရုံမှာ အလုပ်ဝင်စကတော့ တလကို ၂ သိန်းခွဲနီးပါးရတယ်။ ရက်မှန်ကြေး၊ အချိန်ပိုကြေးတွေ ပေါင်းလိုက်ရင်၊ ကျမက ခြစ်ခြုတ်စားသောက်ပြီး အိမ်ကို ၁ သိန်းလောက် ပို့ပေးတယ်။” ၂၀၁၈ ခုနှစ်၊ မေ ၁၄ ရက်နေ့မှာ အလုပ်သမားများအတွက် အနိမ့်ဆုံး အခြေခံလုပ်ခလစာကို ၁ ရက် ၄၈၀၀ ကျပ် သတ်မှတ်ကြောင်း၊ “အနည်းဆုံး အခကြေးငွေ သတ်မှတ်ရေးဆိုင်ရာ အမျိုးသားကော်မတီ” က ထုတ်ပြန်ကြေညာပါတယ်။ နောက်ဆက်တွဲကတော့ မပိုးအိမွန် အလုပ်လုပ်နေတဲ့ အထည်ချုပ်စက်ရုံသူဌေးက မကိုက်တော့ဘူး၊ ကုန်ကျစရိတ်တွေ များတယ်ဆိုပြီး ရက်မှန်ကြေးနဲ့ အချိန်ပိုကြေးကို မပေးတော့ဘဲ ဖြတ်ချပစ်ခဲ့တာပါ။ ၁၀ ပေပတ်လည် အခန်းကျဉ်းလေးဟာ မပိုးအိမွန်တို့လို အခြေခံအလုပ်သမများအတွက် နားခိုမှေးစက်ရာပါ။ လှိုင်သာယာစက်မှုဇုန်နဲ့နီးတဲ့ ရပ်ကွက်လေးထဲမှာ ဖွင့်ထားတဲ့ အဆောင်တွေထဲက တခုပေါ့။ အဆောင်ရဲ့ အခန်းကျဉ်းလေးမှာ သူမနဲ့အတူ တခြားအလုပ်သမ ၂ ဦးတို့ နေထိုင်အိပ်စက်ရပါတယ်။ နယ်က အဖေ၊ အမေတို့နဲ့ အတူနေခဲ့တဲ့ ကျယ်ဝန်းတဲ့အခန်းနဲ့ ကျယ်ပြန့်တဲ့ မြေနေရာတွေကို လွမ်းပြီးရင်း လွမ်းနေရတယ်၊ သတိရနေမိတယ်လို့လည်း သူမက မငိုပေမယ့် ရှိုက်တဝက်လေသံနဲ့ ပြောပြပါတယ်။ လွန်ခဲ့တဲ့ ၂ နှစ်က အဆောင်လခက ကျပ် ၄ သောင်းပဲ ပေးခဲ့ရပေမယ့် အခုချိန်မှာတော့ ကုန်ဈေးနှုန်းတက်တယ်ဆိုတဲ့ အကြောင်းပြချက်နဲ့ တလ ကျပ် ၆ သောင်းအထိပေးပြီး နေထိုင်နေရတာပါ။ မပိုးအိမွန်လည်း တလမှာ ကျပ် ၂ သောင်း အချိုးကျထည့်ဝင်နေရတာ ဖြစ်ပါတယ်။ တနေ့မှာ ၄၈၀၀ ကျပ်ပဲရလို့ တနင်္ဂနွေမပါဘဲ တလမှာ ကျပ် ၁၂၄၈၀၀ ကျပ်၊ ၁၂၉၆၀၀ ကျပ်သာ ရပါတော့တယ်။ ဒီကြားထဲ စားသောက်ဖို့အတွက် ကုန်ဈေးနှုန်းကပါ တရိပ်ရိပ်တက်လာလို့ မိဘတွေဆီ တလ ၁ သိန်းမပြောနဲ့၊ ၅ သောင်းကျပ် ပေးပို့နိုင်ဖို့တောင် အနိုင်နိုင် စုဆောင်းပေးပို့နေရတယ်လို့ မပိုးအိမွန်က ပြောပြတယ်။ တနေ့လာ ကြက်ဥကြော်၊ နောက်တနေ့မှာ ဘဲဥဟင်း၊ နောက်တနေ့မှာတော့ ပဲပြုတ် စသဖြင့် အပြောင်းအလဲဖြစ်ရုံလေး ရှင်သန်ဖို့ စိစစ်နေရတယ်လို့လည်း သူမက ဆိုပါတယ်။ “မဇာခြည်အောင်” က စီးကရက်ဖြန့်ချိတဲ့ ကုမ္ပဏီက အရောင်းဝန်ထမ်းတယောက်မို့ လစာအပြင် စီးကရက် ၁ ဘူး ရောင်းချရတိုင်း ကော်မရှင်ရပါတယ်။ တလမှာ လစာ ၂ သိန်းနဲ့ ကော်မရှင်ရတဲ့ ငွေကြေးတချို့ဟာ သူမတို့မိသားစုအတွက်တော့ အနည်းနဲ့အများဆိုသလို အထောက်အကူ ပြုနေပါတယ်။ သူမဟာ ဖခင်ဖြစ်သူ ကွယ်လွန်သွားခဲ့ပြီမို့ မိခင်မုဆိုးမနဲ့ မောင်ငယ်လေးတို့ကို ရှာဖွေကျွေးမွေး စောင့်ရှောက်ဖို့ တာဝန်ယူထားရသူပါ။ တောင်ဥက္ကလာပဘက်မှာ အိမ်ငှားနေရတာဖြစ်ပြီး မိခင်ဖြစ်သူက မနီးမဝေးက ဈေးလေးရဲ့ တနေရာမှာ ဈေးရောင်းပါတယ်။ “သမီးက မိသားစုမှာ အကြီးဆိုတော့ အိမ်စရိတ်ကာမိဖို့ လိုတယ်လေ။ ဒါတောင် အမေက ဈေးရောင်းနေလို့။ အိမ်စရိတ်ကလည်း တလထက်တလ များများလာတယ်။ စီးကရက်ရောင်းရတာက ထင်သလောက် မလွယ်ပါဘူးအစ်မရယ်။ ပတ်ဝန်းကျင်ကလည်း အထင်သေးသလို ကြည့်ကြတယ်။ တမတ်တပ်တပ်နဲ့ ဘီယာဆိုင်တွေမှာ ဝိုင်းစုံလှည့်သွားနေရတော့ အိမ်ပြန်ရောက်ရင် ခြေထောက်တွေဆို ကိုင်ရိုက်ထားသလိုပဲ။” မဇာခြည်အောင်ကလည်း ကုန်ဈေးနှုန်းတွေတက်လို့ သောကရောက်နေရတဲ့ အကြောင်းကို အခုလို ဆက်ပြောပါတယ်။ “မောင်လေးက ဒီနှစ် တက္ကသိုလ်တက်ရမှာမို့ သူ့ကျောင်းကားခ၊ ကျောင်းစရိတ်တွေ ရှိလာမယ်။ ဒါတောင် မောင်လေးက ၁၀ တန်းကို နှစ်ချင်းပေါက်အောင်လို့သာ။ သားအမိ ၃ ယောက်ပဲ ရှိတာတောင် စားဖို့သောက်ဖို့နဲ့ တခြားလူမှုရေးကုန်ကျစရိတ်တွေ ပေါင်းလိုက်ရင် တနေ့ကို ၇၀၀၀ ကျပ် အနည်းဆုံးပဲ။ မနက်စာတောင် တူတူတန်တန် မစားနိုင်ပါဘူး။ ပဲပြုတ်ဆီဆမ်း၊ ထမင်းကြမ်းခဲလေးတွေလောက်ပဲ စားရတယ်။ တခါတလေကျ လမ်းထိပ်က မုန့်ဟင်းခါးနှစ်ပွဲဝယ်၊ ထမင်းနဲ့ နယ်ဖတ်စားရတယ်။ ပဲပြုတ်ဆိုတာတောင် အနည်းဆုံး ၃၀၀ ဖိုးဝယ်မှ လောက်တယ်။ မုန့်ဟင်းခါးက ပါဆယ်ဆို အကြော်မပါဘဲ အလွတ်တောင် ၅၀၀ ကျပ် ဖြစ်သွားပြီ။ မငတ်တာ တော်သေးတာပေါ့အစ်မရယ်။” “မလှိုင်သီတာမြင့်” က တဖက်က အဝေးသင်တက္ကသိုလ်မှာ ကျောင်းတက်နေသူဖြစ်ပြီး တဖက်ကလည်း ရန်ကုန်မြို့လယ်၊ ကျောက်တံတားမြို့နယ်ထဲက စတိုးဆိုင်တခုမှာ အရောင်းစာရေးမ လုပ်နေသူ ဖြစ်ပါတယ်။ ဒေါပုံမြို့နယ်ထဲက ရပ်ကွက်တခုမှာ နေထိုင်သူမို့ မြို့ထဲနဲ့နီးတဲ့ အားသာချက်တော့ ရှိပါတယ်။ သူမမိသားစုမှာ မိခင်မရှိတော့ဘဲ ဖခင်ဖြစ်သူနဲ့အတူ ကျန် မောင်နှမ ၂ ယောက်နဲ့ ဘဝကို ရုန်းကန်နေရတာပါ။ သူမဖြစ်ချင်ခဲ့တာက ဖက်ရှင်ဒီဇိုင်နာတယောက် ဖြစ်ပေမယ့် ကံကြမ္မာက သူမကို မျက်နှာသာမပေးခဲ့ပါဘူး။ ဖက်ရှင်ဒီဇိုင်နာဖြစ်ဖို့က သင်တန်းကြေး ၅ သိန်းဝန်းကျင်ဖြစ်နေလို့ လက်လျှော့လိုက်ရပါတယ်။ ဖခင်ကြီးကလည်း သာမန်ဝန်ထမ်းတဦးမို့ ဝင်ငွေနဲ့ ထွက်ငွေ မျှတအောင် မနည်းစီမံ သုံးစွဲနေကြရတာပါ။ “စတိုးဆိုင်မှာ နေကုန်နေခန်း အလုပ်လုပ်ရတာ၊ လစာက ၁ သိန်းခွဲပဲရတယ်။ ဘွဲ့ရတွေတောင် အလုပ်အကိုင် မရေမရာဖြစ်နေကြရတာ အစ်မရယ်၊ ကိုယ့်မှာ အလုပ်ကလေးတခု ရှိနေသေးတာ တော်သေးတာပေါ့လို့ ဖြေသိမ့်ရတယ်။ ဆိုင်ကို အဝတ်အစားလာဝယ်တဲ့ သူတွေက အင်္ကျီ ၁ ထည်၊ ၂ သောင်း ၃ သောင်းဆိုလည်း ဝယ်ကြတာပဲ။ သမီးဘဝနဲ့ နှိုင်းယှဉ်ကြည့်လိုက်တော့ တလလုံးလုပ်တာတောင်မှ ၁ သိန်းခွဲပဲ ရတဲ့သူက အဲဒီလို တန်ဖိုးကြီးအဝတ်အစားတွေကို ဝယ်ဖို့ ဝတ်ဖို့  စိတ်ကူးတောင် မယဉ်ရဲပါဘူး။” အခြေခံစားသောက်ကုန်တွေ ဈေးတက်နေတဲ့ဒဏ်ကို မလှိုင်သီတာမြင့်လည်း တခြားမိန်းကလေးတွေလိုပဲ ခံစားနေရပါတယ်။ “ထမင်းဘူးထဲ ကြည့်တော့လည်း ကောင်းကောင်းမွန်မွန်ဟင်းရယ်လို့ မပါသလောက်ပါ အစ်မရယ်။ ကန်စွန်းရွက်၊ ချဉ်ပေါင်ရွက်တောင် ဈေးတက်နေတာ၊ ဆန်ဈေးကလည်း တက်တယ်။ စတိုးဆိုင်ပိတ်ချိန်က ည ၉ နာရီဆိုတော့ သာကေတ ဒေါပုံကို အောက်ဆိုက်ကားစီးပြီးမှ ပြန်ရတယ်။ အဲဒီအချိန်မှာ YBS ဘတ်စ်ကားတွေက ရှားပါး နည်းပါးသွားပြီလေ။ အောက်ဆိုက်ကားတွေကလည်း YBS နံပါတ်တပ်ထားတဲ့ ကားတွေပေါ့။ ဒါပေမယ့် ပုံမှန် ၂၀၀ ပေးရပေမယ့် သူတို့ကို ၃၀၀ ကျပ် ပေးရတယ်” လို့လည်း ပြောပြပါတယ်။ အခုလို လုပ်ခလစာနဲ့ ကုန်ဈေးနှုန်း မြင့်မားကွာခြားချက်တွေကြောင့် အမျိုးသမီးတွေအပေါ် ဘယ်လိုသက်ရောက်မှု ရှိနေနိုင်ပါသလဲ။ အလုပ်သမားရေးရာလှုပ်ရှားသူ “ဒေါ်မာမာဦး” က “အစားအသောက် အခက်အခဲကို ကျော်လွှားနိုင်ဖို့ ချွေတာစားသောက်ရတယ်၊ အဲဒီလို ချွေတာလိုက်ရတဲ့အတွက် လုပ်ငန်းခွင်မှာ စိုက်ထုတ်လိုက်ရတဲ့ ခွန်အားတွေ အပြည့်အဝ ပြန်မဖြည့်နိုင်ဘူး။ အဲဒီလို ပြန်မဖြည့်နိုင်ရင် ရေရှည်မှာ ကျန်းမာရေးထိခိုက်လာနိုင်တယ်။ အရွယ်မတိုင်မီ အိုမင်းတာတွေ၊ ရင့်ရော်မှုတွေပါ ဖြစ်လာနိုင်တယ်” လို့ ပြောပါတယ်။ လက်ရှိအချိန်မှာ ဆန်၊ ဆီ၊ အသား၊ ငါးနဲ့ အသီးအနှံ၊ အသီးအရွက် စတဲ့ အခြေခံစားသောက်ကုန်တွေ ဈေးတက်နေလို့ အခက်တွေ့နေရတဲ့သူတွေ အများကြီး ရှိနေပါတယ်။ တဖက်ကလည်း ငွေကြေးဖောင်းပွမှုနှုန်းက မြင့်တက်နေပါတယ်။ “မပိုးအိမွန်” က မှိန်ဖျော့အားငယ်နေတဲ့ မျက်ဝန်းတွေနဲ့ သူမရဲ့မျှော်လင့်ချက်ကို ဖွင့်ဟပြောပါတယ်။ “တချို့အထည်ချုပ်စက်ရုံတွေ ပိတ်သွားကြတယ်လို့ ကြားရတယ်။ အခုထိ ကျမတို့စက်ရုံ မပိတ်ရသေးတာကိုပဲ ကျေးဇူးတင်ရမလို ဖြစ်နေတယ်။ ကျမက နိုင်ငံရေးတွေ ဘာတွေလည်း နားမလည်ပါဘူး။ ဒါပေမယ့် ကုန်ဈေးနှုန်းတွေ အဆမတန် တက်နေတာကို နိုင်ငံတော်အကြီးအကဲတွေ မသိလို့လားလို့တော့ စဉ်းစားမိတယ်။ ကျမတို့လို အခြေခံအလုပ်သမတွေ၊ အလုပ်သမားတွေ ထမင်းလေးနပ်မှန်ဖို့၊ လူလူသူသူနေရဖို့ အစိုးရအနေနဲ့ ကူညီပေးရင်တော့ နည်းနည်းတော့ အသက်ရှူချောင်လာကြမယ်လို့ မျှော်လင့်ပါတယ်။” သွေး (စစ်ကိုင်း) (hiburma.net ဝက်ဘ်ဆိုက်မှ ပြန်လည်ဖော်ပြသည်။)
3 years Ago

May 1, 2018

သတ္တုတွင်းလုပ်သားများအတွက် အခြေခံလစာ ပြောင်းလဲသတ်မှတ်ရန် မေဒေးနေ့၌ တောင်းဆို

မေလ ၁ ရက်မှာ ကျရောက်တဲ့ ကမ္ဘာ့အလုပ်သမားနေ့ကို ကြိုဆိုတဲ့အနေနဲ့ရော အလုပ်သမားအားလုံးကို ဂုဏ်ပြုတဲ့အနေနဲ့ပါ အလုပ်သမားနေ့အခမ်းအနားကို ဆားလင်း ကြီးမြို့နယ်၊ စံပယ်၊ ကြေးစင်စီမံကိန်း မြန်မာ-ယန်စီ နဝရတ်ခန်းမမှာ မြန်မာနိုင်ငံ သတ္တုတွင်း အလုပ်သမားသမဂ္ဂများအဖွဲ့ချုပ်က ကျင်းပပါတယ်။ အလုပ်သမားသမဂ္ဂများအဖွဲ့ချုပ်ဥက္ကဋ္ဌ ဦးသောင်းညွန့်က "အလုပ်သမားတွေ စည်းစည်းလုံးလုံးနဲ့ လုပ်ငန်းတခုကို အကောင်အထည်ဖော်တဲ့ နေရာမှာ အောင်မြင်မှုတွေ၊ စည်းရုံးမှုတွေကို အသိအမှတ်ပြုတဲ့အနေနဲ့ အစဉ်အဆက်လုပ်ကြတဲ့ သဘောပါ”လို့ ပြောပါတယ်။ မြန်မာ-ယန်စီ ကုမ္ပဏီအတွင်း အလုပ်သမား ၃၀၀၀ ဝန်းကျင်ရှိပါတယ်။ အခြားကုမ္ပဏီ တွေနဲ့စာရင် လုပ်ငန်းခွင်အန္တရာယ်ကင်းရှင်းရေးအပိုင်းမှာ သာလွန်တယ်ဆိုပေမယ့် လိုအပ်ချက်တွေတော့ ရှိနေသေးတယ်လို့ ဆိုပါတယ်။ အလုပ်သမားတွေရဲ့ စုပေါင်းအားနဲ့ နေ့စားဝန်ထမ်းတွေကိုလည်း လခစားဝန်ထမ်းအဖြစ် ပြောင်းလဲခန့်အပ်လာတယ်လို့ ဆိုပါတယ်။ သတ္တုတွင်းအလုပ်သမားတွေက အခြားအလုပ်သမားတွေလိုမဟုတ်ဘဲ ပိုမိုပင်ပန်းဆင်းရဲတဲ့အတွက် လုပ်ခလစာအနေနဲ့လည်း နိုင်ငံတော်ရဲ့ အခြေခံလစာအတိုင်း မဟုတ်ဘဲ ပြောင်းလဲ သတ်မှတ်ပေးဖို့ တောင်းဆိုထားတာရှိတယ်လို့ ဆိုပါတယ်။ အလုပ်ရှင်၊ အလုပ်သမားကြားဖြစ်ပွားနေတဲ့ အဆင်မပြေမှုတွေကို ပြဋ္ဌာန်းထားတဲ့ဥပဒေနဲ့ အညီ အလုပ်ရှင်၊ အလုပ်သမား၊ အစိုးရ သုံးဦး သုံးဖလှယ် ညှိနှိုင်းလုပ်ဆောင်ခြင်းအားဖြင့် ကုန်ထုတ်လုပ်မှုတွေ အဆင်ပြေချောမွေ့ပြီး တိုင်းပြည်ဖွံ့ဖြိုးတိုးတက်လာမယ်လို့လည်း အခမ်းအနား တက်ရောက်လာတဲ့အလုပ်သမားတွေက ပြောပါတယ်။ အခမ်းအနားကို အလုပ်သမားသမဂ္ဂ ကိုယ်စားလှယ်တွေက ဘောလုံးကွင်းကနေ ခန်းမအထိ ချီတက်လမ်းလျှောက်ခဲ့ကြပြီး စည်ပင်ဝန်ကြီးကလည်း နိုင်ငံတော်သမ္မတရဲ့ အလုပ်သမား နေ့ သဝဏ်လွှာကို ဖတ်ကြားခဲ့ကာ အလုပ်သမား ကိုယ်စားလှယ်တွေကလည်း အလုပ်ခွင်အတွင်းက အခက်အခဲ လိုအပ်ချက်တွေကို တင်ပြခဲ့ကြပါတယ်။ ဒီအခမ်းအနားကို သတ္တုတွင်းအလုပ်သမား အဖွဲ့အစည်းအသီးသီးက ကိုယ်စားလှယ်တွေ၊ အလုပ်သမားသမဂ္ဂတွေ၊ တိုင်းအစိုးရအဖွဲ့မှ စည်ပင်ဝန်ကြီး ဦးမြင့်ကြည်နဲ့ ဌာနဆိုင်ရာတာဝန်ရှိ သူတွေ စုစုပေါင်း၂၀၀ ကျော် တက်ရောက်ခဲ့ကြပါတယ်။
3 years Ago
Up