အောင်ဘာလေ

January 18, 2021

ထီစျေးတင်ရောင်းနေမှု တာဝန်ရှိသူတွေ စိစစ်ကြီးကြပ်ပေးပါ

ကျနော်ကတော့ အသက် ၆၀ အရွယ်ရှိ ရန်ကုန်တိုင်း သာကေတမြို့နယ်က အောင်ဘာလေထီ လက်လီအရောင်းသမားတဦးဖြစ်ပါတယ်။  အောင်ဘာလေထီတွေကို ထီဆိုင်ကြီးတွေကနေ အဆင်ပြေသလို ၀ယ်ယူရောင်းချပါတယ်။

အောင်ဘာလေသိန်းဆုဌာနမှ ကျပ်သိန်းတစ်သောင်းခွဲဆု ၁ ကြိမ်မြောက်ကနေ ၂၃ ကြိမ်မြောက်အထိကို ထီဆိုင်ကြီးတွေမှာ ထီတစ်စောင်ကို တစ်ထောင်ကျပ်စျေးနှုန်းအောက်စျေးနှုန်းနဲ့ ရောင်းချပေးခဲ့ပေမယ့် ၂၄ ကြိမ်မြောက်ထီစျေးနှုန်းမှာ ဇန်နဝါရီ ၁ ရက်ကနေစပြီး ထီလက်မှတ်တစ်စောင်နှုန်းကို ၁၀၀၀ ကျပ်ထက် ကျော်လွန်ပြီး ၁၀၄၀ ကျပ်၊ ၁၀၇၀ ကျပ်နှုန်းအထိ ရောင်းချနေပါတယ်။

ထီဆိုင်တွေက ထီရောင်းချပုံမှာ ဆိုင်ရှေ့မှာ ထီတစ်စောင် ၁၀၀၀ ကျပ်နှုန်း ရေးထားပေမယ့် သူတို့ငွေလက်ခံဖြတ်ပိုင်းဘောင်ချာမှာ တစ်စောင် ၁၀၀၀ ကျပ်နှုန်းနဲ့ ဘောင်ချာဖွင့်ပြီး ၁၀၀၀ ကျပ်ပိုသောငွေကို ဖြတ်ပိုင်းသတ်သတ်ဖြတ်ပေးပြီး ရောင်းချပါတယ်။

အဲဒီလို စျေးနှုန်းတင်ရောင်းချနေမှုကြောင့် ထီထိုးသူပြည်သူများလည်း ထီတစောင်ကို ၁၂၀၀ ကျပ်အထိ ပေးဝယ်ရပြီး ထီစျေးနှုန်းကြီးမြင့်မှုဒဏ်ကို ကြုံနေရသလို ကျနော်တို့လို လက်လီရောင်းချသူများလည်း ရောင်းချရခက်ခဲပါတယ်။

 

ဒါကြောင့် ထီစျေးတင်ရောင်းနေတဲ့ ထီကိုယ်စားလှယ်ဆိုင်ကြီးတွေကို သက်ဆိုင်ရာ တာဝန်ရှိသူတွေ စိစစ်ကြီးကြပ်ပေးဖို့နဲ့ ထီစျေးနှုန်း ကျဆင်းရေးအတွက် ဆောင်ရွက်ပေးဖို့ ဒီဗွီဘီကတဆင့် တင်ပြလိုက်ရပါတယ်။

1 year Ago

October 1, 2020

ဟင်္သာတမြို့က ကံထူးရှင် ထီ ၂ စောင်ထိုးပြီး ကျပ်သိန်း ၁၅၀၀၀ ပေါက် 

ဒီမနက် ထွက်ရှိတဲ့ အကြိမ် ၂၀ မြောက် အောင်ဘာလေထီ ကျပ် သိန်း ၁၅၀၀၀ ဆုကို  ဟင်္သာတမြို့နယ်၊ သုံးခွ ကျေးရွာနေ အသက် ၅၂ နှစ်အရွယ် ကိုခင်မောင်ညွှန့်က ဆွတ်ခူးရရှိသွားပါတယ်။ လစဉ်လတိုင်း ထီ ထိုးလေ့မရှိပေမယ့် အခုလမှာစိတ်ထဲမှာထီထိုးချင်စိတ်ပေါ်လာပြီး ထီ ၂ စောင်သွားရောက်ထိုးခဲ့ရာကနေ ခုလို ထီပေါက်ခဲ့တာဖြစ်တယ်လို့ ကံထူးရှင် ကိုခင်မောင်ညွန့်က ဒီဗွီဘီကို ပြောပါတယ်။ "ပုံမှန်တော့ ထီထိုးလေ့မရှိဘူး ဒီလတော့ ထိုးချင်စိတ်ရှိတာနဲ့ ၂ စောင်သွားထိုးတာ၊ သိန်း  တစ်သောင်းခွဲပေါက်တယ်လို့ ထီဆိုင်ကဆက်သွယ်လာတယ်။ ဖုန်းအဆက်အသွယ်မရဘူးဆိုပြီး ပထမဖြစ်သွားတာက ထီဆိုင်ကို ပေးခဲ့တဲ့ ဖုန်းက နံပါတ်လွဲနေလို့ပါ၊ ခုတော့ အဆက်အသွယ်ရပါတယ်၊ ဝမ်းသာလွန်းလို့ ထမင်းတောင် မစားနိုင်ပါဘူး"လို့ ပြောပါတယ်။ ကံထူးရှင် အသက် ၅၂ နှစ်အရွယ် ကိုခင်မောင်ညွန့်ဟာ ဇနီးဖြစ်သူနဲ့ အတူ သားသမီး ၅ ဦးရှိပြီး လယ်ယာလုပ်ငန်းကို လုပ်ကိုင်သူတစ်ဦးဖြစ်ကာ ထီးပေါက်တဲ့ငွေတွေကို ရွာက ဘုန်းတော်ကြီးကျောင်းနဲ့ လမ်းတွေကို ပြုပြင်ပေးသွားမှာဖြစ်ပြီး တခြားလိုအပ်တဲ့နေရာ တွေကိုလည်း လှူဒါန်းသွားမယ်လို့ ဆိုပါတယ်။ အောင်ဘာလေထီ ဆုကြေး သိန်း ၁၅၀၀၀ အဖြစ်ပြောင်းလဲသတ်မှတ်ပြီးနောက်ပိုင်း ဟင်္သာတမြို့က ကျပ်သိန်း ၁၅၀၀၀ ကံထူးရှင် ၃ ဦးထွက်ပေါ်လာခဲ့ပြီး ဟင်္သာတမြို့ရှိ မင်္ဂလာစွယ်တော်ထီဆိုင်ဟာလည်း  သိန်း ၁၅၀၀၀ ဆုကို ဒုတိယအကြိမ် ကံထူးခဲ့တာဖြစ်တယ်လို့ သိရပါတယ်။ သတင်း - မင်းထက်မုန်း (ပုသိမ်)
1 year Ago
More News
Up