ရှမ်းပြည်နယ်တောင်ပိုင်း ကလောမြို့နယ် အောင်ပန်းမြို့ လှည်းရိုးရပ်ကွက်မှာ အရက်မူးပြီး ဆိုင်ကယ်ဟွန်းအဆက်မပြတ်တီးသူတစ်ဦး စစ်တပ်က ဖမ်းဆီးရိုက်နှက်တာကြောင့် သေဆုံးသွားတယ်လို့ ဒေသခံတစ်ဦးက ပြောပါတယ်။
နိုဝင်ဘာ ၁၇ ရက်ညက ဆိုင်ကယ်ဟွန်းအဆက်မပြတ်တီးပြီး ရပ်ကွက်ထဲ ပတ်စီးနေတဲ့ ကိုကျော်စိုးဝင်းကို အကြမ်းဖက်စစ်ကောင်တပ်က ဖမ်းဆီးရိုက်နှက်ခဲ့တာကြောင့် နိုဝင်ဘာ ၁၈ ရက်မနက်က သေဆုံးသွားတယ်လို့ အမည်မဖော်လိုတဲ့ ဒေသခံတဦးက ပြောပါတယ်။
"ညက သေနတ်သံ နှစ်ချက်ကြားရတယ်။ မနက်ကျတော့ ကိုကျော်စိုးဝင်း သေဆုံးတာ သိရတယ်။ သူ့မိသားစုကိုတော့ အလောင်းပြန်မပေးသေးဘူး။ ရိုက်နှက်လို့သေတာလား၊ သေနတ်နဲ့ပစ်တာလား အလောင်းမရသေးတော့ မသိရဘူး" လို့ ပြောပါတယ်။
စစ်ကောင်စီတပ်ဟာ အောင်ပန်းမြို့ လှည်းရိုးရပ်ကွက်ထဲက စာသင်ကျောင်းမှာ တပ်စွဲထားတယ်လို့ သိရပါတယ်။
ရှမ်းပြည်နယ်တောင်ပိုင်း၊ ကလောမြို့နယ်၊ အောင်ပန်းမြို့၊ ညောင်ပင်ထောင်ရပ်ကွက်က စစ်ကောင်စီတပ်ပိုင် Mytelရုံးမှာ စက်တင်ဘာ ၈ ရက်နေ့ ညဦးပိုင်းက ပေါက်ကွဲမှုဖြစ်ပွားခဲ့တယ်လို့ သိရပါတယ်။
မြို့ခံတဦးက “ပေါက်ကွဲသံအကျယ်ကြီးကြားတယ်။ မိုင်တဲလ်ရုံးမှာ ပေါက်ကွဲတာတဲ့။ စစ်ကားတွေရောက်လာပြီး သေနတ်တွေဖောက်နေတော့ သွားမကြည့်ရဲဘူး” လို့ ပြောပါတယ်။
အောင်ပန်းမြို့က မိုင်တဲလ်ရုံးပေါက်ကွဲမှုနဲ့ ပတ်သက်လို့ ထိခိုက်ပျက်ဆီးမှုတွေ သိရှိနိုင်ဖို့ ဒီဗွီဘီက ဆက်လက်စုံစမ်းနေပါတယ်။
အမျိုးသားညီညွတ်ရေးအစိုးရက ပြည်သူ့တော်လှန်ရေးနေ့စတင်ကြေညာတဲ့ စက်တင်ဘာ ၇ ရက်နေ့ကစပြီး မြို့နယ်အချို့က စစ်တပ်ပိုင် Mytel ဝါတိုင်တွေကို ဒေသခံ PDF တွေက ဖောက်ခွဲဖျက်ဆီးနေတယ်လို့ သိရပါတယ်။
