အသေးစား

A d v e r t i s e m e n t With Us

May 31, 2019

အသေးစား စက်မှုလက်မှု ထုတ်ကုန်နှင့် အနုထည်ပစ္စည်းပြပွဲ မုံရွာတွင် ပြုလုပ်

စစ်ကိုင်းတိုင်း အသေးစားစက်မှုလက်မှု လုပ်ငန်းဦးစီးဌာနက ဦးဆောင်ကာ ပထမအကြိမ် အသေးစား စက်မှုလက်မှု ထုတ်ကုန်နဲ့ အနုထည်ပစ္စည်းပြပွဲ၊ ဈေးရောင်းပွဲနဲ့ ဟောပြောပွဲကို မေ ၂၉ ရက်နေ့ကနေ ၃၁ ရက်နေ့ထိ ၃ ရက်ကြာ ကျင်းပနေပါတယ်။ ဒီဈေးရောင်းပွဲကို စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်ဒေါက်တာမြင့်နိုင်နဲ့ အစိုးရအဖွဲ့ဝင် ဝန်ကြီးတွေ၊ တိုင်းလွှတ်တော်ဒုဥက္ကဋ္ဌနဲ့ လွှတ်တော်ကိုယ်စားလှယ်တွေ၊ အသေးစား စက်မှုလက်မှု လုပ်ငန်းဦးစီးဌာနက ညွှန်ကြားရေးမှုးချုပ်နဲ့ တိုင်းအဆင့်ဌာနဆိုင်ရာ တာဝန်ရှိသူတွေ၊ စီးပွားရေး လုပ်ငန်းရှင်တွေ တက်ရောက်ခဲ့ကြပါတယ်။ "MSMEs လုပ်ငန်းတွေကို အားပေးခြင်းဖြင့် ဒေသတွင်း ဆင်းရဲနွမ်းပါးမှု လျှော့ချနိုင်မယ်။ တဦးချင်းဝင်ငွေ တိုးတက်စေမယ်။ လုပ်ငန်းသစ်တွေပေါ်လာပြီး နိုင်ငံရဲ့ စီးပွားရေးဖွံ့ဖြိုး တိုးတက်လာစေမယ်။ အစိုးရကနေ MSMEs လုပ်ငန်းတွေ တိုးတက်ဖွံ့ဖြိုးဖို့ နည်းပညာ၊ ငွေကြေး၊ ဈေးကွက်ရရှိအောက် လုပ်နေသလို စီးပွားရေး လုပ်ငန်းရှင်တွေဘက်ကလည်း မိမိတို့ထုတဲ့ပစ္စည်း ဘေးထွက်ဆိုးကျိုးမရှိစေရေး၊ ဘေးအန္တရာယ် ကင်းရှင်းရေး၊ အဆင့်အတန်းမြင့် ထုတ်ကုန်တွေ ထုတ်လုပ်နိုင်ရေး ကြိုးပမ်းပေးကြပါ" လို့ ဝန်ကြီးချုပ် ဒေါက်တာမြင့်နိုင်က အဖွင့်အမှာစကား ပြောကြားခဲ့ပါတယ်။ မုံရွာမြို့မှာ ၃ ရက်ကြာ ကျင်းပနေတဲ့ ပထမအကြိမ် အသေးစား စက်မှုလက်မှု ထုတ်ကုန်နဲ့ အနုထည်ပစ္စည်းပြပွဲ၊ ဈေးရောင်းပွဲကို စစ်ကိုင်းတိုင်းအတွင်းက အသေးစားစက်မှု၊ လက်မှု လုပ်ငန်းတွေတင်မက ကချင်ပြည်နယ်၊ ရှမ်းပြည်နယ်၊ ရခိုင်ပြည်နယ်၊ မန္တလေးတိုင်း၊ ဧရာဝတီတိုင်း၊ မကွေးတိုင်းက စီးပွားရေး လုပ်ငန်းရှင်တွေလည်း လာရောက်ပြသ ရောင်းချနေကြပါတယ်။ စုစုပေါင်း ဈေးဆိုင်အရောင်းပြခန်း ၇၈ ခန်းပါဝင်ကာ မြန်မာ့ရိုးရာ ပန်း ၁၀ မျိုးဖြစ်တဲ့ ပန်းပဲ၊ ပန်းယွန်း၊ ပန်းတဉ်း၊ ပန်းပု၊ ပန်းတိမ်စတဲ့ ပစ္စည်းတွေ၊ စားသောက်ကုန်၊ အလှကုန်နဲ့ အသုံးအဆောင်ပစ္စည်းတွေ၊ ဆေးဝါး၊ အဝတ်အထည်တွေကို ခင်းကျင်းပြသ ရောင်းချနေတာပါ။ “ဒီလိုပြပွဲတွေကနေ ကိုယ့်ပစ္စည်း ထုတ်ကုန်တွေကိုလည်း မိတ်ဆက်ခွင့်ရတယ်။ နောက်ပြီး လုပ်ငန်းတူတွေ ပါတဲ့အတွက် သူတို့ရဲ့ ဒီဇိုင်း၊ အပြင်အဆင်တွေကိုလည်း လေ့လာခွင့်ရတယ်။ စီးပွားဖက်အချင်းချင်း မိတ်ဆွေဖွဲ့ပြီး လုပ်ငန်းတွေလည်း တိုးတက်အောင် ပူးပေါင်းဆောင်ရွက်နိုင်တယ်။ လုပ်ငန်းအခက်အခဲတွေလည်း ဖြေရှင်းရာမှာ အထောက်အကူ ပြုပါတယ်” လို့ တွင်းထွက်ပစ္စည်း လာရောက်ရောင်းချသူတဦးက ပြောပါတယ်။ အစိုးရအနေနဲ့ MSMEs လုပ်ငန်းတွေ ဖွံ့ဖြိုးတိုးတက်မှသာ တိုင်းပြည်တိုးတက်မယ်လို့ ယုံကြည်တဲ့အတွက် အဘက်ဘက်က လိုအပ်ချက်တွေကို ပူးပေါင်းဖြည့်ဆည်းပေးမှာဖြစ်ပြီး စီးပွားရေးလုပ်ငန်းရှင်တွေဘက်ကလည်း ပူးပေါင်းဆောင်ရွက်ပေးကြဖို့ ညွန်ကြားရေးမှူးချုပ်က တိုက်တွန်းခဲ့ပါသေးတယ်။ မြန်မာနိုင်ငံမှာ ဌာနဆိုင်ရာတွေမှာ မှတ်ပုံတင်ထားတဲ့ MSMEs လုပ်ငန်းအမျိုးအစား ၁၃ ခု၊ လုပ်ငန်းပေါင်း ၁၈၆၇၇ ခုရှိပြီး စစ်ကိုင်းတိုင်းမှာ ၁၃၅ ခုရှိတယ်လို့ သိရပါတယ်။
2 years Ago
Up