အမေရိကန် ခရစ်ယာန်ဘုရားကျောင်းတခုတွင် ပစ်ခတ်မှုဖြစ်၊ ၉ ဦးသေဆုံး

June 21, 2015

အမေရိကန် ဘုရားကျောင်းပစ်ခတ်သူ သေနတ်သမား၏ ၀က်ဘ်ဆိုဒ် တွေ့ရှိ

အမေရိကန်ပြည်ထောင်စု တောင်ကယ်ရိုလိုင်းနားပြည်နယ် လူမည်းဘုရားကျောင်းမှာ ပစ်ခတ်ခဲ့တဲ့ လူဖြူလူငယ်သေနတ်သမားက ရေးသားခဲ့ပုံရတဲ့ လူမျိုးရေးခွဲခြားမှု စာတမ်းပါဝင်တဲ့ အင်တာနက်ဝက်ဘ်ဆိုဒ်တခုကို ဇွန် ၂၀ ရက်နေ့က တွေ့ရှိပါတယ်။ ၀က်ဘ်ဆိုဒ်မှာ သေနတ်သမား ဒိုင်လန်း ရုဖ် (Dylann Roof) ရေးသားထားတယ်လို့ ယုံကြည်ရတဲ့ လူမျိုးရေးခွဲခြားရေးစာတမ်း၊ သူသေနတ်ကိုင်ဆောင်ထားတဲ့ ဓာတ်ပုံတွေ၊ အမေရိကန်အလံကို မီးရှုံ့နေတဲ့ ဓာတ်ပုံနဲ့၊ အမေရိကန်တောင်ပိုင်းခွဲထွက်ရေးအလံ ကိုင်ဆောင်ထားတဲ့ ဓာတ်ပုံတွေလည်းပါဝင်ပါတယ်။ ချာလ်တန်မြို့ရှိ သမိုင်းဝင်အမေရိကန်လူမည်းဘုရားကျောင်းမှာ ဇွန် ၁၇ ရက်နေ့ညက ဒိုင်လန်း ရုဖ် ၀င်ရောက်ပစ်ခတ်မှုမှာ အမေရိကန်လူမည်း ၉ ဦးသေဆုံးခဲ့ပါတယ်။ ဇွန် ၁၈ ရက်နေ့မှာတော့ မြောက်ကယ်ရိုလိုင်းနားပြည်နယ်မှာ သူ့ကို ဖမ်းဆီးရမိခဲ့ပါတယ်။ ချာလ်တန်မြို့မှာ ရွေးချယ်ပစ်ခတ်ခဲ့ရတဲ့အကြောင်းရင်းကတော့ တောင်ကယ်ရိုလိုင်းနားပြည်နယ် ချာလ်တန်မြို့ဟာ အမေရိကန်လူဖြူ-လူမည်းသမိုင်းမှာ အဓိကကျတဲ့မြို့ဖြစ်တာကြောင့်လို့ ၀က်ဘ်ဆိုဒ်ပဋိညာဉ်စာတန်းမှာ ရေးသားထားပါတယ်။ အမေရိကန်ဗဟိုထောက်လှမ်းရေးဗျူရိုကလည်း အဲ့ဒီဝက်ဘ်ဆိုဒ်နဲ့ ဒိုင်လန်း ရုဖ် ရဲ့ ဆက်စပ်မှုကို စုံစမ်းစစ်ဆေးနေပါတယ်။ တချိန်တည်းမှာပဲ ပစ်ခတ်မှုအတွင်း သေဆုံးသွားကြတဲ့ အမေရိကန်လူမည်း ၉ ဦးဈာပနကို တက်ရောက်ဖို့၊ နိုင်ငံတ၀န်းက ၀မ်းနည်းခြင်းပန်းခွေချမယ့်သူတွေ၊ အောက်မေ့ဆုတောင်းပွဲတက်ရောက်မယ့်သူတွေ ချာလ်တန်မြို့ကို ရောက်ရှိလာနေကြပါတယ်။ ဇွန် ၂၀ ရက်နေ့က တနေ့လုံး ချာလ်တန်မြို့က ဘုရားကျောင်းမှာ ဆုတောင်းဝတ်ပြုပွဲတွေ ကျင်းပခဲ့ကြပြီး  ပြည်နယ်မြို့တော် ကိုလွမ်ဘီယာ (Columbia) မြို့မှာ လူမျိုးရေးခွဲခြားမှု ဆန့်ကျင်ရေးဆန္ဒပြပွဲကြီးလည်း ကျင်းပခဲ့ပါတယ်။ ချာလ်တန်မြို့ဟာ ၁၈၆၀ နှစ်တွေက အမေရိကန်ကျေးကျွန်စနစ်နဲ့ ပတ်သက်ပြီး ပြည်တွင်းစစ်ဖြစ်ခဲ့တဲ့အချိန်က ခွဲထွက်ရေးတိုက်ပွဲတွေ စတင်ဖြစ်ပွားခဲ့တဲ့ ဆိပ်ကမ်းမြို့လည်း ဖြစ်ခဲ့ပါတယ်။  
6 years Ago

June 20, 2015

ဘုရားကျောင်းမတိုင်မီ စာသင်ကျောင်းကိုပစ်ခတ်မည်ဟု အမေရိကန်လူငယ် ကြုံးဝါးခဲ့

ဇွန် ၁၇ ရက်ညပိုင်းက တောင်ကယ်ရိုလိုင်းနားပြည်နယ်၊ ချာစ်တန်မြို့မှာရှိတဲ့ ဘုရားကျောင်းမှာ လူမည်း ၉ ဦးကို သေနတ်နဲ့ပစ်သတ်မှုနဲ့ စွပ်စွဲခံထားရပြီး  ရုံးတင်ခံနေရတဲ့ အမေရိကန်လူဖြူလူငယ်ဟာ ဒီမတိုင်ခင် တပတ်ကလည်း စာသင်ကျောင်းတကျေင်းကို တိုက်ခိုက်မယ်လို့ ကြုံးဝါးခဲ့သေးတယ်လို့ သူ့မိတ်ဆွေတွေက ပြောပါတယ်။ အသက် ၂၁ နှစ်အရွယ် ဒိုင်လန်း ရုဖ် (Dylann Roof) ကို ပစ်ခတ်မှုဖြစ်ပွားပြီး ၁၃ နာရီအကြာ မြောက်ဘက် ၂၂၀ မိုင် အကွာက ဆဲလ်ဘီ (Selby) မြို့မှာ ဖမ်းဆီးနိုင်ခဲ့ကာဇွန် ၁၉ ရက်နေ့က ရုံးထုတ်ပါတယ်။ သေနတ်သမား  ရုဖ်ဟာ ကိုလံဗီယာ ဆောက်ကယ်လိုလိုင်းနားမှာ ရှိတဲ့ တိရစ္ဆာန် ထိန်းသိမ်းရေး ကုမ္ပဏီတခုမှာ အလုပ်လုပ်ခဲ့ဖူးပြီး အခုပစ်ခတ်မှု မတိုင်ခင် ရက်သတ္တတွေအတွင်းမှာ အလုပ်က ထွက်ခဲ့ပါတယ်။ သူ့မိတ်တွေကလည်း အခုလို ပစ်ခတ်မှုကို  ရုဖ် လုပ်တယ်ဆိုတာကို ကြားတဲ့အတွက် အံ့သြနေကြပါတယ်။ ရုဖ်ဟာ ချာစ်တန်တက္ကသိုလ်ကို အကြောင်းပြချက်မပေးဘဲ တိုက်ခိုက်မယ်လို့ ကြုံးဝါးခဲ့ဖူးပြီး ပထမ အကြံအစည် အထမမြောက်ဘဲ ဘုရားကျောင်းကို တိုက်ခိုက်တာ ဖြစ်မယ်လို့ သူငယ်ချင်းတယောက်ဖြစ်တဲ့ ခရစ္စတန် စခရီဗန်းက  သတင်းထောက်တွေကို ပြောပြပါတယ်။ အစကတော့  ရုဖ်ကို ပြောတဲ့အတိုင်း လုပ်မယ်လို့ ဘယ်သူမှ မထင်ခဲ့ပါပေမယ့် အခုတော့ ရယ်စရာ ပြောတာ မဟုတ်မှန်း သိလိုက်ရတဲ့အခါ အံ့သြရတယ်လို့ ဆိုပါတယ်။ ပစ်မယ်ခတ်မယ် ပြောတဲ့အချိန်က မူးနေတာကြောင့်  လျှော့တွက်ခဲ့မိတယ်လို့ ဆိုပါတယ်။ ဒီလို ဖြစ်မယ်မှန်း သိရင်  ရုဖ်ဆီက သေနတ်ကို တယောက်ယောက်က သိမ်းလိုက်သင့်တယ်လို့လည်း ပြောပါတယ်။ ရုဖ်ဟာ  ဘုရားကျောင်းထဲက လူတွေနဲ့ဆွေးနွေးပွဲကို ၁ နာရီကြာ အတူတက်ခဲ့ပြီး ပစ်ခတ်ခဲ့တာပါ။ ပစ်ခတ်မှုမှာ အမျိုးသမီး ၆ ဦးနဲ့ အမျိုးသား ၃ ဦးသေဆုံးခဲ့ပြီး ဘုရားကျောင်း သင်းအုပ်ဆရာလည်းပါဝင်ပါတယ်။ လူမျိုးရေးအခြေခံတဲ့ ပစ်ခတ်မှုလို့လည်း ပြည်နယ်ရဲချုပ် မူလန် (Mullen) က သတ်မှတ်ပါတယ်။ လွန်ခဲ့တဲ့ ၂ လကလည်း ဒီတောင်ကယ်ရိုလိုင်းနားပြည်နယ်ထဲက မြောက်ချာစ်တန်မြို့မှာ လက်နက်မဲ့အမေရိကန်လူမည်း ဝေါတာ စကော့ Walter Scott ကို လူဖြူရဲအရာရှိက ပစ်သတ်ခဲ့လို့ လူမျိုးရေးဆန္ဒပြပွဲတွေ ဖြစ်ပွားခဲ့ပါသေးတယ်။ အဲ့ဒီရဲအရာရှိလည်း လူသတ်မှုနဲ့ ရုံးတင်စစ်ဆေးနေပါတယ်။ အခု  ပစ်ခတ်မှု ဖြစ်ခဲ့တဲ့ မားသား အီမန်နူရယ် "Mother Emanuel" ဘုရားရှိခိုးကျောင်းဟာ အာဖရိကန်နွယ်ဖွားအမေရိကန်တွေရဲ့ သမိုင်းမှာ အရေးပါသလို အခု ပစ်ခတ်မှု ဖြစ်တဲ့အချိန်ကလည်း နယူးယော့ခ်၊ ဘယ်လတီမော၊ ဖာဂူဆန်၊ မစ်ဇူရီ တို့မှာ  လူဖြူရဲတွေက လူမည်းတွေကို သေနတ်နဲ့ပစ်သတ်တဲ့ ကိစ္စအပေါ် မကျေနပ်တဲ့ ဆန္ဒပြပွဲတွေ ပေါ်ပေါက်နေချိန် ဖြစ်နေပါတယ်။
6 years Ago
Up