အမေရိကန်နိုင်ငံသား

May 22, 2019

ဆေးခြောက်အနွယ်ဝင်အပင် စိုက်သူများကို သေဒဏ်ပေးနိုင်သည့် ပုဒ်မများဖြင့် တရားစွဲ

မန္တလေးတိုင်း၊ ငါန်းဇွန်မြို့နယ်ရှိ မြို့သာစက်မှုဇုန်မှာ ဆေးခြောက်အနွယ်ဝင် လျှော်ပင်စိုက်လို့ ဖမ်းဆီးထားသူတွေကို မြင်းခြံခရိုင် တရားရုံးက မနေ့က အမှုလက်ခံလိုက်ပြီး နောက်ထပ် အမေရိကန်နိုင်ငံသား ၅ ယောက်ကိုလည်း အမှုဖွင့်လိုက်ပါတယ်။ အမေရိကန်နိုင်ငံသား တယောက်နဲ့ ကုမ္ပဏီဝန်ထမ်း မြန်မာနိုင်ငံသား ၂ ယောက်တို့ကို ဧပြီ ၂၃ ရက်က ဆေးခြောက်စိုက်ပျိုးတယ်ဆိုကာ ဖမ်းဆီးခဲ့တာဖြစ်ပြီး ရဲစခန်းမှာ တလလောက် စစ်ဆေးပြီးတဲ့နောက် အခုမှ တရားရုံးမှာ ရုံးထုတ်စစ်ဆေးတာပါ။ သူတို့ရဲ့ ရှေ့နေဖြစ်သူ တော်ဝင် ဦးခင်မောင်သန်းက “မူးယစ်မှုနဲ့ပဲ တရားစွဲတင်တယ်။ နောက်ထပ် အမေရိကန်နိုင်ငံသား ၅ ယောက်ကိုလည်း ထပ်စွဲတယ်။ သူတို့ကတော့ 3M ကုမ္ပဏီရဲ့ ဒါရိုက်တာလူကြီး ၃ ယောက်နဲ့ ပညာရှင် ၂ ယောက်ပါ။ ပုဒ်မတွေကတော့ နဂိုက အမှုဖွင့်ထားတာမှာ အားပေးကူညီတယ်ဆိုတာ တခုကို ဖြုတ်လိုက်တယ်။ ဒါပေမယ့် ပုဒ်မ ၂၀ တခုတည်းတင် သေဒဏ်ပေးနိုင်တဲ့ ပုဒ်မလေ” လို့ ပြောပါတယ်။ ဒီအမှုကို မနေ့ညနေ ၄ နာရီခွဲလောက်မှာမှ စတင်စစ်ဆေးခဲ့ပြီး အများပြည်သူ ဝင်ရောက်ကြည့်ရှုခွင့် မရခဲ့ပါဘူး။ ဒါ့အပြင် တရားစွဲခံထားရသူတွေဟာ မိဘတွေနဲ့လည်း တွေ့ဆုံခွင့်မရခဲ့ဘဲ ရုံးထုတ်မှာတော့ အဲဒီကုမ္ပဏီမှာ နေ့စားဝင်ရောက်လုပ်ကိုင်ခဲ့သူတွေနဲ့ အနားက ရွာသားတွေ လာရောက်ခဲ့ကြပါတယ်။ လက်ရှိမှာတော့ အမေရိကန်နိုင်ငံသား Mr.John Fredric Todoroki နဲ့ ကုမ္ပဏီဝန်ထမ်း ကိုရှိန်းလတ်နဲ့ မရွှန်းလဲ့မြတ်နိုးတို့ကို ဖမ်းဆီးထားတာဖြစ်ပြီး မူးယစ်ဆေးဝါးနဲ့ စိတ်ကိုပြောင်းလဲစေတတ်တဲ့ ဆေးဝါးများဆိုင်ရာ ဥပဒေပုဒ်မ ၁၆(က)(ခ)၊ ၁၉(က)၊ ၂၀(က)(ခ) တို့နဲ့ တရားစွဲလိုက်တာပါ။ နောက်ထပ် တရားစွဲခံလိုက်ရတဲ့ အမေရိကန်နိုင်ငံသား Mr. Alexander အပါအဝင် ၅ ယောက်ကိုတော့ တရားခံပြေးအဖြစ် ဝရမ်းထုတ်မယ်လို့ သိရပါတယ်။ အကျိုးဆောင်ရှေ့နေ တော်ဝင်ဦးခင်မောင်သန်းကတော့ စိုက်ပျိုးထားတဲ့ အပင်တွေမှာ မူးယစ်စေတဲ့ဓာတ် ပါ၊ မပါကို စစ်ဆေးပေးဖို့ တောင်းဆိုမယ်လို့ ပြောပါတယ်။ “စိုက်ထားတဲ့အပင်တွေရဲ့ အစေ့၊ အရွက်၊ အရိုးတွေကို စမ်းသပ်တော့ Cannabis (ဆေးခြောက်မျိုးနွယ်) လို့ပဲ ပြတယ်။ ဒါဟာ Marijuana (မူးယစ်စေတဲ့ဆေးခြောက်) လား၊ Hemp (စက်မှုလျှော်ပင်) လား ဆိုတာတော့ မကွဲပြားဘူးပေါ့။ ဒီဟာမှာ မျိုးကွဲတွေ အများကြီးရှိပါတယ်။ မျိုးနွယ်တူတယ်၊ အာနိသင် လုံးဝမတူဘူး။ THC မူးယစ်စေတတ်တဲ့ အာနိသင် ဘယ်လောက်ရှိလဲဆိုတာ စမ်းသပ်ရမယ်။ ဓာတုစစ်ဆေးချက် အစီရင်ခံစာကို တရားရုံးမှာ သက်သေအဖြစ် တင်လာရင်တော့ ပြောရမှာပေါ့။ ဒီရုံးမှာ ပြောလို့မရရင် တရားလွှတ်တော်ချုပ်အထိ တက်ရမယ်” လို့ ပြောပါတယ်။ ဆေးခြောက်လို့ သိမ်းကျုံးသတ်မှတ်ထားရာကနေ Hemp ကို စက်မှုလျှော်အဖြစ် ခွဲထုတ်ပြီး တရားဝင်စိုက်ပျိုးခွင့်ပြုပေးဖို့ ပညာပေးလှုပ်ရှားနေတဲ့ Mahar Legalization Movement Myanmar ရဲ့ ဦးဆောင်သူတယောက်ဖြစ်တဲ့ ကိုအောင်စေတိုးက “စိတ်ကြွဆေးပြားတွေ သန်းနဲ့ချီပြီး ပိုင်ရှင်မဲ့နေတဲ့ တိုင်းပြည်၊ ဘိန်းထုတ်လုပ်မှု အမြင့်ဆုံး တိုင်းပြည်၊ လက်ရှိ ဘိန်းစိုက်ပျိုးမှု ဟက်တာပေါင်း သောင်းချီရှိနေတဲ့ တိုင်းပြည်က တရားစီရင်ရေးက အခုလို ကမ္ဘာသိဆေးဝါးသစ်ပင် စိုက်ပျိုးတာကို မူးယစ်ဆေးဝါးပုဒ်မတပ် အရေးယူတယ်ဆိုတာ သိပ်ရှက်စရာကောင်းပါတယ်” လို့ ပြောပါတယ်။ စက်မှုလျှော်ပင်နဲ့ ဆေးခြောက်ပင် ကွဲကွဲပြားပြားဖြစ်စေဖို့ ဥပဒေတခု အမြန်လိုအပ်နေတယ်လို့လည်း သူက ဆက်ပြောပါတယ်။ ငါန်းဇွန်မြို့နယ် မြို့သာစက်မှုဥယျာဉ် စီမံကိန်းထဲမှာ 3M အာဟာရဆေးဝါးကုမ္ပဏီက ဇီဝလောင်စာနဲ့ သဘာဝဆေးဘက်ဝင် လျှော်ပင် စိုက်ပျိုးထုတ်လုပ်ဖို့ တိုင်းအစိုးရက ခွင့်ပြုထားခဲ့ပြီး လျှော်ပင် ဧက ၂၀ စိုက်ပျိုးထားခဲ့တာ ဖြစ်ပါတယ်။
2 years Ago

February 19, 2019

အမေရိကန်ငါးဦး အပါအဝင် လက်နက်ကိုင် နိုင်ငံခြားသားတစုကို ဟေတီရဲ ဖမ်းဆီး

ဟေတီရဲတပ်ဖွဲ့ဝင်တွေဟာ အမေရိကန်ငါးဦး အပါအဝင် လက်နက်ကိုင် နိုင်ငံခြားသား အုပ်စုတခုကို ဖမ်းဆီးခဲ့တယ်လို့ ဟေတီသတင်းစာတွေက ဖေဖော်ဝါရီ ၁၈ ရက်မှာ ဖေ်ာပြပါတယ်။ အစိုးရဆန့်ကျင်ရေး ဆန္ဒပြပွဲတွေ နေ့စဉ်ရက်ဆက် ပေါ်ပေါက်အပြီး ဆင်းရဲတဲ့ ကယ်ရစ်ဘီယံ ဒေသတွင်းနိုင်ငံ ဟေတီမှာ အခြေအနေ မသေချာ ဖြစ်နေတာပါ။ ဟေတီရဲတွေက အမေရိကန်နိုင်ငံသားတွေပါတဲ့ အုပ်စုကို ဖမ်းထားတယ်ဆိုတာ အမေရိကန် နိုင်ငံခြားရေးဝန်ကြီးဌာနက သိတယ်လို့ ဝန်ကြီးဌာန အရာရှိတဦးက ဖေဖော်ဝါရီ ၁၈ ရက်နေ့မှာ ပြောပါတယ်။ မှတ်ချက်ပေးဖို့ တောင်းဆိုချက်ကိုတော့ ဟေတီရဲတွေက ချက်ချင်း မတုံ့ပြန်သေးပါဘူး။ ဖေဖော်ဝါရီ ၁၇ ရက်ညက နိုင်ငံခြားသား ၇ ဦးနဲ့ ဟေတီနိုင်ငံသားတဦးပါတဲ့ အုပ်စုကို ရဲတွေက ဖမ်းခေါ်သွားပါတယ်။ သူတို့ရဲ့ ကား ၂ စီးထဲကနေ ရိုင်ဖယ်သေနတ်တွေ ပစ္စတိုတွေ ဒရုန်းယာဉ်တွေနဲ့ ဂြိုဟ်တုဖုန်းတွေ တွေ့တယ်လို့ ဟေတီသတင်းစာ လွေ နူဗေလိစ် သတင်းစာက အစီရင်ခံပါတယ်။ တခြားမီဒီယာတွေကတော့ အဖမ်းခံရတဲ့ နိုင်ငံခြားသားတွေထဲမှာ ရုရှားနဲ့ ဆားဘီးယား နိုင်ငံသား တဦးစီ ပါတယ်လို့ ပြောပါတယ်။ အဖမ်းခံ အမေရိကန်နိုင်ငံသားတွေဟာ စစ်တပ်နဲ့ပတ်သက်တဲ့ နောက်ကြောင်းရှိကြောင်း ဖော်ပြထားတဲ့ လူမှုကွန်ယက်မီဒီယာပေါ်က သတင်းအချက်အလက်တွေနဲ့ နာမည်တွေကို ဟေတီသတင်းစာတွေက ပုံနှိပ်ဖော်ပြခဲ့ပါတယ်။ နိုင်ငံခြားမှာ အဖမ်းခံရတဲ့ အမေရိကန် နိုင်ငံသားတွေဟာ သက်ဆိုင်ရာ ကောင်စစ်ဝန်ရုံးက အကူတွေလို့ အမည်မဖော်တဲ့ အမေရိကန် နိုင်ငံခြားရေး ဝန်ကြီးဌာန အရာရှိတဦးက ပြောပါတယ်။ အဖမ်းခံရသူတွေ ဘယ်သူဘယ်ဝါဆိုတာ သီးခြား လွတ်လွတ်လပ်လပ် စစ်ဆေးအတည်ပြုနိုင်မှုတော့ မရှိသေးပါဘူး။ အမေရိကန်အစိုးရက အရေးပေါ်တာဝန်နဲ့ မဟုတ်ဘဲ ဟေတီနိုင်ငံထဲ ရောက်နေတဲ့ အမေရိကန် အရာရှိတွေနဲ့ မိသားစုတွေအားလုံး ဟေတီနိုင်ငံထဲက ထွက်သွားကြဖို့ အရင်အပတ်က အမိန့်ထုတ်ထားသလို အမေရိကန်နိုင်ငံသားတွေ ဟေတီနိုင်ငံကို သွားမလည်ကြဖို့လည်း အကြံပေးထားပါတယ်။
2 years Ago
More News
Up