အမေရိကန်၏

A d v e r t i s e m e n t With Us

March 24, 2018

အမေရိကန်၏ ကန့်သတ်ချက်များက ဈေးကွက်ကို သက်ရောက်နေဟု ဂျပန် ပြော

အမေရိကန် အစိုးရရဲ့ ကန့်သတ်ချက်တွေဟာ ဈေးကွက်တွေကို သက်ရောက်နေတယ်လို့ ဂျပန် အစိုးရက ပြောလိုက်ပါတယ်။ တရုတ်ရဲ့ ဥာဏပစ္စည်းမူပိုင်ခွင့် ချိုးဖောက်မှုကို အမေရိကန်လိုပဲ ဂျပန်လည်းစိုးရိမ်တယ်လို့ ဂျပန်ရဲ့ ထိပ်တန်း အစိုးရ ပြောခွင့်ရက မတ်လ ၂၃ ရက်နေ့မှာ ပြောပါတယ်။ အမေရိကန် သမ္မတ ဒေါ်နယ်ထရမ့်က ကြေညာမယ့် လုပ်ဆောင်ချက်တွေဟာ နိုင်ငံတကာ ကုန်သွယ်ရေး စည်းမျဉ်းတွေနဲ့ လိုက်လျောညီထွေဖြစ်ဖို့ မျှော်လင့်တယ်လို့လည်း ပြောပါတယ်။ အမေရိကန်နိုင်ငံထဲကို တင်သွင်းမယ့် တရုတ်ကုန်စည်တွေကို ထပ်ဆောင်းခွန် အမေရိကန်ဒေါ်လာ ဘီလျံ ၆၀ ဖိုး ကောက်ခံဖို့ ပစ်မှတ်ထားတဲ့ သမ္မတအဆင့် စာချုပ်မူကြမ်းကို အမေရိကန် သမ္မတ ဒေါ်နယ်ထရမ့်က မတ်လ ၂၂ ရက်နေ့မှာ လက်မှတ်ထိုး ခဲ့တာပါ။ သံမဏိနဲ့ အလူမီနီယံတို့ ပြည်တွင်းတင်သွင်းမှုအပေါ် ကောက်ခံမယ့် အမေရိကန်ရဲ့ ထပ်ဆောင်းခွန် အသစ်ကို ဥရောပ သမဂ္ဂ၊ မက်ဆီကိုနဲ့ ကနေဒါ အပါအဝင် မိတ်ဘက်နိုင်ငံတွေ အပေါ် မကျင့်သုံးမယ့် အလားအလာ ရှိနေတာပါ။ ဂျပန်ကလည်း ခြွင်းချက်ပေးခံရတဲ့ နိုင်ငံစာရင်းထဲမှာ မပါမှာကို စိုးရိမ်နေတယ်လို့ ဂျပန် အစိုးရအဖွဲ့ အတွင်းရေးမှူး ယိုရှိဟိဒဲ စုငက မှတ်ချက်ပေး ပြောဆိုပါတယ်။ အမေရိကန်ရဲ့ ကုန်သွယ်ရေး လုပ်ဆောင်ချက် သတင်းဟာ ငွေကြေး ဈေးကွက်ကိုလည်း သက်ရောက်ပုံရတယ်လို့ သူက သတင်းစာ ရှင်းလင်းပွဲမှာ ပြောပါတယ်။ ငွေကြေးဈေးကွက် တည်ငြိမ်ရေးက အရေးကြီးတယ်လို့ ယူဆတယ်။ ဈေးကွက် လှုပ်ရှားမှုကို အရေးပေါ် အသိစိတ်နဲ့ စောင့်ကြည့်မယ်လို့ သူက ဆက်ပြောပါတယ်။ ဂျပန် ယန်းငွေတန်ဖိုး ဟာ အမေရိကန်ဒေါ်လာနဲ့ ယှဉ်ရင် သောကြာနေ့က ၁၆ လ အတွင်း အမြင့်ဆုံး ဖြစ်ခဲ့တာပါ။ ကမ္ဘာ့ ကုန်သွယ်ရေး တင်းမာမှု တိုးလာမှာ စိုးရိမ်မှုတွေ ပေါ်ထွက်ခဲ့ ပါတယ်။
3 years Ago

December 9, 2017

အမေရိကန်၏ တောင်ကိုရီးယားနှင့်စစ်ရေးလေ့ကျင့်မှု၊ ဂျေရုဆလင်ကြေညာချက်အပေါ် ရုရှားပြစ်တင်

တောင်ကိုရီးယားနဲ့ စစ်ရေးလေ့ကျင့်မှုလုပ်ခဲ့တဲ့ အမေရိကန်ရဲ့လုပ်ရပ်ဟာ မြောက်ကိုရီးယားကို ဆွပေးနေတဲ့လုပ်ရပ်ဖြစ်ပြီး၊ ဂျေရုဆလင်ကို အစ္စရေးမြို့တော်အဖြစ် အသိအမှတ်ပြုတဲ့ ကိစ္စဟာ အဓိပ္ပာယ်မဲ့လုပ်ရပ်ဖြစ်တယ်လို့ ရုရှားနိုင်ငံခြားရေးဝန်ကြီးက ပြောကြားလိုက်ပါတယ်။ ဒီဇင်ဘာ ၈ ရက်နေ့က သြစတြီးယားနိုင်ငံ ဗီယင်နာမြို့မှာ ပြုလုပ်တဲ့ သတင်းစာရှင်းလင်းပွဲမှာ ရုရှားနိုင်ငံခြားရေးဝန်ကြီး ဆာဂေးလာဗရော့က အမေရိကန်ရဲ့ စစ်ရေးလေ့ကျင့်မှုဟာ မြောက်ကိုရီးယားကို နောက်ထပ်းဒုံးကျည်စမ်းသပ်မှုတွေလုပ်အောင် ဆွပေးနေတာဖြစ်တယ်လို့လည်း ဆာဂေးလာဗရော့က ပြောကြားပါတယ်။ “ကျနော် မြောက်ကိုရီးယားရဲ့ ဒုံကျည်စမ်းသပ်မှုကို ဆင်ခြေပေးကာကွယ်နေတာ မဟုတ်ပါဘူး။ အဲဒီလုပ်ရပ်ကို ကျွန်တော်တို့ ပြစ်တင်ရှုတ်ချသလို၊ မြောက်ကိုရီးယားအနေနဲ့ ကုလလုံခြုံရေးကောင်စီဆုံးဖြတ်ချက်ကို အပြည့်အဝလိုက်နာဖို့ တောင်းဆိုပါတယ်။ သို့သော် နောက်ထပ်အန္တရာယ်ပေးတဲ့လုပ်ရပ်တွေ မြောက်ကိုရီးယားထပ်လုပ်အောင် အမေရိကန်ဟာ ဆွပေးနေသလို လုပ်နေတာပါ။ စေ့စပ်ဆွေးနွေးမှုတွေ ပြန်လုပ်ဖို့ အခြေအနေဖန်တီးဖို့ကိစ္စဟာ  အခုအခါမှာ ပိုပြီးခက်ခဲသွားပါလိမ့်မယ်။ ဒါပေမယ့် မြောက်ကိုရီးယားမကြာခဏပြောနေသလို သူတို့လုံခြုံရေးကို အာမခံပေးလိုတယ်ဆိုတာကိုတော့ ကျနော်အသေအချာပြောနိုင်ပါတယ်။” “ဂျေရုဆလင်ကိစ္စနဲ့ပတ်သက်ပြီး အမေရိကန်နိုင်ငံခြားရေးဝန်ကြီးကို ကျနော် ရှင်းရှင်းပဲ မေးလိုက်ပါတယ်။ ဘယ်လို စဉ်းစားချက်မျိုးနဲ့ ဒီလိုလုပ်လိုက်ရသလဲဆိုတာ ရှင်းပြပါဦးဆိုပြီး မေးခဲ့ပါတယ်။ ဘာဖြစ်လို့လဲဆိုရင် မကြာသေးခင်ကာလကအထိ အမေရိကန်အစိုးရတွင်းမှာ လွှမ်းမိုးထားတဲ့ မူဝါဒနဲ့ချိန်ကြည့်ရင်ကို ဒီကြေညာချက်ဟာ အဲဒီ မူဘောင်ထဲနဲ့ အကျုံးမဝင်တာတွေ့ရလိုပါ။ ဒါပေမယ့် ဒီကိစ္စနဲ့ပတ်သက်ပြီး ဒီနေ့ ကုလလုံခြုံရေးကောင်စီ အစည်းအဝေးရှိပါတယ်။ အမေရိကန်တာဝန်ရှိသူတွေအနေနဲ့ ဒီကြေညာချက်နဲ့ ပတ်သက်ပြီး နောင်ဖြစ်လာနိုင်တဲဟာတွေ၊ ဘယ်ဦးတည်ချက်ကို သွားနေသလဲဆိုတဲ့ကိစ္စ သူတို့အမြင်တွေကို ရှင်းပြလိမ့်မယ်လို့ ကျွန်တော်တို့ မျောင်လင့်ပါတယ်။” လို့ ရုရှားနိုင်ငံခြားရေးဝန်ကြီး ဆာဂေး လာဗရော့က ပြောကြားသွားတာဖြစ်ပါတယ်။
3 years Ago
More News
Up