အမေရိကန်ပြော

August 26, 2017

အကြမ်းဖက်တိုက်ခိုက်မှုကြောင့် အသက်စွန့်လွှတ်ခဲ့ရသူများအတွက် ၀မ်းနည်းကြောင်း အမေရိကန်ပြော

သြဂုတ် ၂၅ ရက်နေ့ မနက်အစောပိုင်းက ဖြစ်ပွားခဲ့တဲ့ ရခိုင်ပြည်နယ်အတွင်းက လုံခြုံရေးစခန်းတွေ တိုက်ခိုက်ခံရမှုနဲ့ပတ်သက်လို့ ရှုတ်ချပြီး အသက်စွန့်လွှတ်ခဲ့ရသူတွေနဲ့ သူတို့  မိသားစုဝင်တွေအတွက် ဝမ်းနည်းကြေကွဲရပါကြောင်း ရန်ကုန်ရှိ အမေရိကန်သံရုံးက မနေ့က ကြေညာချက် ထုတ်ပြန်လိုက်ပါတယ်။ အခု လုပ်ရပ် ကျူးလွန်သူတွေကို လက်ရဖမ်းဆီးမိရေးနဲ့ နောက်ထပ် အကြမ်းဖက်မှုတွေ မဖြစ်ပွားရေးအတွက် အစိုးရနှင့်လုံခြုံရေးတပ်ဖွဲ့တွေက အရေးယူဆောင်ရွက်ဖို့ တာဝန်ရှိတဲ့အကြောင်းကို နားလည်အသိအမှတ် ပြုတယ်လို့လည်း ဆိုထားပါတယ်။ အပြစ်မဲ့ အရပ်သားအားလုံးကို အကာအကွယ်ပေးနိုင်ဖို့၊ ကျုးလွန်သူတွေကို လက်ရ ဖမ်းဆီးနိုင်ရေးနှင့် နောက်ထပ် အကြမ်းဖက်မှု မဖြစ်ပွားရေးတို့ကို ဆောင်ရွက်ဖို့ ထုတ်ပြန်ချက်မှာ ရေးထားပါတယ်။ ဒါ့အပြင် လူမှုအသိုက်အဝန်း အားလုံးအနေနဲ့ အပြုအမှု အပြောအဆိုတွေဟာ ငြိမ်းချမ်းမှုနှင့် တည်ငြိမ်မှုပြန်လည်ရရှိနိုင်ရေးအတွက် ဦးတည်စေလိုကြောင်းကိုလည်း တိုက်တွန်းထားပါတယ်။
4 years Ago

August 12, 2017

မြောက်ကိုရီးယားကို ရင်ဆိုင်တိုက်ခိုက်ရန် အဆင်သင့်ဟု အမေရိကန်ပြော

မြောက်ကိုရီးယားကို ရင်ဆိုင်တိုက်ခိုက်ဖို့ အမေရိကန်စစ်တပ်ဟာ အသင့်အနေအထားရှိနေပေမယ့် သံတမန်ရေးနည်းလမ်းနဲ့ ဖြေရှင်းတာကို ပိုနှစ်သက်တယ်လို့ အမေရိကန်ကာကွယ်ရေးဝန်ကြီးက ပြောကြားသွားပါတယ်။ “ကျနော့်အလုပ်၊ ကျနော့်မစ်ရှင်၊ ကျနော့်တာဝန်က လိုအပ်ချက်နဲ့ကိုက်ညီတဲ့ စစ်ရေးရွေးချယ်မှုတွေလုပ်ဖို့ပါ။ ဒါပေမယ့် လက်ရှိအချိန်မှာ နိုင်ငံခြားရေးဝန်ကြီး တေလာဆန်ရယ်၊ ကုလသံအမတ်ကြီး ဟာလေတို့ရဲ့ သံတမန်ရေးအရ ဦးဆောင်ကြိုးပမ်းနေတာကို တွေ့ရမှာပါ။ သံတမန်ရေးတွန်းအားကြောင့် သံတမန်ရေးဆိုင်ရာ အကျိုးရလဒ်တွေလည်း ရမှာပါ။ အခုချိန်ထိ ကျနော်ကတော့ အဲဒီအခြေအနေမှာပဲ နေလိုပါတယ်။ စစ်ပွဲရဲ့အနိဋ္ဌာရုံဆိုတာ အာလုံးလည်း အသေအချာသိကြပြီးသားပါ။ အချက်အလက်အမှန်ထက် ပိုပြီး နောက်ထပ်ပုံကြီးချဲ့တာမျိုးတွေ မလိုအပ်ပါဘူး။ အဲဒီလိုဆိုရင် ကပ်ဘေးသင့်သလို ဖြစ်သွားပါလိမ့်မယ်” လို့ အမေရိကန်ကာကွယ်ရေးဝန်ကြီး ဂျိမ်းစ် မက်တစ်စ်ကပြောကြားသွားတာဖြစ်ပါတယ်။ အမေရိကန်သမ္မတ ဒေါ်နယ်လ်ထရမ့်ကလည်း မြောက်ကိုရီးယားအနေနဲ့ ဂူအမ်ကျွန်းကို ထိပါးလို့မရသလို ဂျပန်နဲ့ တောင်ကိုရီးယားနိုင်ငံတွေကိုလည်း ခြိမ်းခြောက်လို့မကြောင်း၊ လိုအပ်ပါက အမေရိကန်က စစ်ရေးအရ ဖြေရှင်းသွားဖို့ လက်နက်တွေ အဆင်သင့်ပြင်ထားပြီးဖြစ်ကြောင်း ပြောကြားထားပါတယ်။ မြောက်ကိုရီးယားနိုင်ငံဟာ အမေရိကန်စစ်စခန်း တည်ရှိတဲ့ ပစိဖိတ်ဒေသမှ ဂူအမ်ကျွန်းကို ဒုံးကျည်နဲ့တိုက်ခိုက်မယ်ဆိုပြီး ထုတ်ပြန်ထားတာပါ။
4 years Ago
More News
Up