အမေရိကန်လေယာဉ်ပေါ် လိင်ပိုင်းဆိုင်ရာ စော်ကားမှုဖြင့် အိန္ဒိယအမျိုးသား ဖမ်းဆီးခံရ

January 6, 2018

အမေရိကန်လေယာဉ်ပေါ် လိင်ပိုင်းဆိုင်ရာ စော်ကားမှုဖြင့် အိန္ဒိယအမျိုးသား ဖမ်းဆီးခံရ

အမေရိကန်လေယာဉ်ပေါ် ထိုင်ပြီးအိပ်ပျော်ခဲ့တဲ့ အမျိုးသမီးက ဘေးမှာထိုင်တဲ့ အိန္ဒိယအမျိုးသားက လိင်ပိုင်းဆိုင်ရာ စော်ကားတယ်လို့ စွပ်စွဲခဲ့တာကြောင့် အမေရိကန်အာဏာပိုင်တွေက အမျိုးသားကို ဖမ်းဆီးလိုက်ပါတယ်။ အမေရိကန်နိုင်ငံမှာ ယာယီဗီဇာနဲ့နေတဲ့ မစ္စတာရာမာမူအာသီ အသက် ၃၄ နှစ်က လေယာဉ်လျှောက်လမ်းဘေးခုံမှာ ထိုင်တဲ့ သူ့ဇနီးနဲ့ ပြတင်းပေါက်ခုံမှာထိုင်တဲ့ စွပ်စွဲသူ အမျိုးသမီးကြား ထိုင်ခဲ့တာလို့ အာဏာပိုင်တွေက ပြောပါတယ်။ အမျိုးသမီး နိုးတဲ့အချိန်မှာ သူမရဲ့ အင်္ကျီနဲ့ ဘောင်းဘီ ကြယ်သီးတွေ ပြုတ်နေပြီး အိန္ဒိယအမျိုးသားရဲ့ လက်က သူမရဲ့ ဘောင်းဘီထဲ ရောက်နေတယ်လို့ သူမကဆိုပါတယ်။ ဆေးသောက်ပြီး သူ အိပ်ပျော်သွားတယ်လို့ မစ္စရာမာမူအာသီက ရဲတွေကို ပြောပြီး စွပ်စွဲချက်ကို ငြင်းဆန်ခဲ့ပါတယ်။ စပရစ်လေကြောင်းလိုင်း လေယာဉ်က လက်စ်ဗီးဂက်စ်က ညတွင်းချင်း ပျံသန်းလာပြီး ဇန်နဝါရီလ ၃ ရက်နေ့မနက်မှာ ဒီဒရိုက်မြို့ကို ရောက်ရှိတဲ့ လေယာဉ်ပါ။ တရားစွဲသူအမျိုးသမီးက အမျိုးသား ထွက်ပြေးသွားမှာစိုးလို့ ဇန်နဝါရီ ၄ ရက်နေ့မှာ မစ်ရှီဂန်ပြည်နယ် ဖက်ဒရယ်တရားရုံးက အမျိုးသားကို အယူခံမပေးဘဲ ဖမ်းချုပ်ထားပါတယ်။ ဒီလူကို ပြင်းထန်တဲ့ လိင်ပိုင်းဆိုင်ရာစော်ကားမှုနဲ့ တရားစွဲမယ်လို့ အမျိုးသမီးက ဝါရှင်တန်ပို့စ်သတင်းစာကိုလည်း ပြောပါတယ်။ လေယာဉ် ဆိုက်ရောက်ချိန် မတိုင်ခင်လေးမှာပဲ လိင်ပိုင်းဆိုင်ရာ စော်ကားခံရတာလို့ အမျိုးသမီးက ပြောကြောင်း ရဲတွေက ဆိုပါတယ်။ အိန္ဒိယအမျိုးသားရဲ့ဇနီးကတော့ စွပ်စွဲသူအမျိုးသမီးက သူမယောက်ျားရဲ့ ဒူးခေါင်းတွေပေါ် အိပ်ပျော်နေခဲ့တာလို့ ပြောပြီး သူတို့စုံတွဲက စွပ်စွဲသူအမျိုးသမီးအား အခြားနေရာပြောင်းပေးဖို့ လေယာဉ်မယ်ကို တောင်းဆိုခဲ့တယ်လို့ ဆိုပါတယ်။ ဒါပေမယ့် လေယာဉ်မယ်တွေက စွပ်စွဲသူ အမျိုးသမီးကသာ သူမကို ထိုင်ခုံပြောင်းပေးဖို့ တောင်းဆိုခဲ့တာလို့ စုံစမ်းရေးအရာရှိတွေကို ပြောပါတယ်။ အမျိုးသမီး ငိုယိုပြီး လေယာဉ်မယ်တွေဆီ ရောက်လာချိန် သူမရဲ့အင်္ကျီနဲ့ ဘောင်းဘီကြယ်သီးတွေ ပြုတ်နေတယ်။ သူမကို လေယာဉ်ရဲ့အနောက်ဘက် ထိုင်ခုံမှာ ပြောင်းပေးလိုက်တယ်လို့ လေယာဉ်မယ်တွေက ပြောကြောင်း ဘီဘီစီသတင်းမှာ ဇန်နဝါရီလ ၅ ရက်နေ့က ဖော်ပြထားပါတယ်။
3 years Ago
Up