အမေရိကန်ရွေးကောက်ပွဲ

May 15, 2019

လာမည့်ရွေးကောက်ပွဲတွင် ရုရှားအစိုးရ နှောင့်ယှက်ခြင်းကို ခွင့်ပြုမည်မဟုတ်ဟု ကန်နိုင်ငံခြားရေးဝန်ကြီး ပြော

လာမယ့် ၂၀၂၀ အမေရိကန်သမ္မတ ရွေးကောက်ပွဲမှာ ရုရှားအစိုးရ နှောင့်ယှက်တာကို ခွင့်ပြုမှာမဟုတ်ဘူးလို့ အမေရိကန် နိုင်ငံခြားရေးဝန်ကြီးက ရုရှားနိုင်ငံခြားရေးဝန်ကြီးကို မေလ ၁၄ ရက်မှာ ပြောလိုက်ပါတယ်။ အဲဒီလို နှောင့်ယှက်တာက ဆိုးရွားနေပြီးသား အမေရိကန်-ရုရှား ဆက်ဆံရေးကို ပြင်းပြင်းထန်ထန် ထိခိုက်စေလိမ့်မယ်လို့ အမေရိကန် နိုင်ငံခြားရေးဝန်ကြီး မိုက်ခ်ပွန်ပီယိုက ပြောပါတယ်။ အမေရိကန် နိုင်ငံခြားရေးဝန်ကြီး အနေနဲ့ ရုရှားကို ပထမဆုံးလာရောက်တဲ့ ပွန်ပီယိုဟာ ယူကရိန်းကနေ ဗင်နီဇွဲလားအရေးအထိ ကိစ္စရပ်တွေမှာ ရုရှား နိုင်ငံခြားရေးဝန်ကြီး လာရော့ဗ်နဲ့ လူသိရှင်ကြား အတိုက်အခံ ဖြစ်ခဲ့ပါတယ်။ သူတို့တွေ့ဆုံပြီးနောက် နှစ်ယောက်စလုံးက ကိစ္စရပ်တွေမှာ အမြင်မတူကြဘူးလို့ ပြောပါတယ်။ ဒါပေမယ့် နှစ်ဖက်စလုံးက နှစ်နိုင်ငံဆက်ဆံရေး တိုးတက်မှုရှိတယ်လို့ ပြောကြားပြီး ဆိုးရွားနေတဲ့ ဆက်ဆံရေးကို ပိုမိုကောင်းမွန်လာဖို့ ဆန္ဒရှိတယ်လို့ ပြောပါတယ်။ ရှေ့လ ဂျပန်နိုင်ငံမှာ ပြုလုပ်မယ့် G20 ဆွေးနွေးပွဲရဲ့ ဆက်စပ်အစည်းအဝေးမှာ ရုရှားသမ္မတနဲ့ တွေ့ဆုံမယ်ဆိုတဲ့ အမေရိကန်သမ္မတ ထရမ့်ရဲ့ ပြောကြားချက်ကိုတော့ အတည်မပြုနိုင်ခဲ့ပါဘူး။ အီရန် နျူကလီးယား အစီအစဉ်နဲ့ ပတ်သက်ပြီး ရုရှားနဲ့ အမြင်မတူတာတွေ ဆက်ရှိနေဆဲပဲလို့ ပွန်ပီယိုက ပြောခဲ့ပေမယ့် အမေရိကန်ဟာ အခြေခံအားဖြင့် အီရန်နဲ့ စစ်မက်ဖြစ်ပွားဖို့ ကြိုးပမ်းမှာမဟုတ်ဘူးလို့ သူက ပြောခဲ့ပါတယ်။
3 years Ago

November 7, 2018

ရီပတ်ဘလစ်ကန် အမာခံနယ်မြေ ဗာဂျီးနီးယားပြည်နယ်တွင် ဒီမိုကရက်ပါတီ အနိုင်ရ

ရီပတ်ဘလစ်ကန် အမာခံနယ်မြေ ဗာဂျီးနီးယားပြည်နယ်မှာ ဒီမိုကရက်ပါတီ ကိုယ်စားလှယ်လောင်း ဂျနီဖာဝက်စ်တန်က ရီပတ်ဘလစ်ကန် ကိုယ်စားလှယ်လောင်း ဘာဘရာကောမ်စတော့ကို အနိုင်ရသွားပါတယ်။ ဒီမိုကရက်တွေရဲ့ အခုအောင်ပွဲဟာ ရီပတ်ဘလစ်ကန်တွေရဲ့ ဆယ်စုနှစ်များစွာ မြောက်ပိုင်း ဗာဂျီးနီးယားလွှတ်တော် အမတ်နေရာ ထိန်းချုပ်မှုကို အဆုံးသတ်သွားစေခဲ့ပါတယ်။ အခုရွေးကောက်ပွဲဟာ ထရမ့်ဆန့်ကျင်ရေး စွမ်းအားကို ရွေးကောက်ပွဲအောင်ပွဲအဖြစ် ပြောင်းလဲနိုင်မလားဆိုတာ စမ်းသပ်မှုလည်း ဖြစ်ပါတယ်။ အောက်လွှတ်တေ်ာအတွက် လိုအပ်တဲ့ အမတ် ၂၃ နေရာရဖို့ ဒီမိုကရက်တွေ အားသာတယ်ဆိုပြီး ရွေးကောက်ပွဲ ခန့်မှန်းသူတွေက ဆိုပါတယ်။ ဒါပေမယ့် လူထုသဘောထား စစ်တမ်းမှာတော့ ဒီမိုကရက်တွေဟာ အထက်လွှတ်တော်ကို ထိန်းချုပ်ဖို့ရာ လိုအပ်တဲ့ အမတ်နေရာ နှစ်ခုရရှိဖို့ အခွင့်အလမ်းနည်းတယ်လို့ ဖော်ပြပါတယ်။ အခု အမေရိကန် ကြားဖြတ်ရွေးကောက်ပွဲဟာ အောက်လွှတ်တော်အမတ် ၄၃၅ နေရာစလုံး၊ အထက်လွှတ်တေ်ာအမတ် ၃၅ နေရာနဲ့ ပြည်နယ်အုပ်ချုပ်ရေးမှူးရာထူး ၃၆ နေရာအတွက် ဆန္ဒမဲပေး ရွေးချယ်မှာဖြစ်တယ်လို့ ရိုက်တာသတင်းအရ သိရပါတယ်။
3 years Ago
More News
Up