အမေရိကန်ပြည်ထောင်စု ဗာဂျီးနီးယားပြည်နယ်မှာ တာဝန်ပထမဆုံး စထမ်းဆောင်တဲ့နေ့မှာပဲ သေနတ်ပစ်ခတ်ခံရပြီး ရဲမေတဦး ဖေဖော်ဝါရီ ၂၇ ရက်နေ့က သေဆုံးသွားပါတယ်။ ဗာဂျီးနီးယားပြည်နယ်၊ ၀ုဒ်ဘရစ်ခ်ျ (Woodbridge) မြို့မှာ  အိမ်တွင်းအကြမ်းဖက်မှု တခုကို သွားရောက်ဖြေရှင်းရင်း ရဲမေ အက်ရ်ှလေ ဂွမ်ဒန် (Ashley Guindon) နဲ့ တခြားရဲအရာရှိ ၂ ဦးတို့ ပစ်ခတ်ခံရတာပါ။ ရဲတပ်ဖွဲ့ဝင်တွေကို ပစ်ခတ်ခဲ့သူဟာ အမေရိကန် စစ်မှုထမ်းတဦးဖြစ်ပြီး ရဲတပ်ဖွဲ့က သူ့ဆီ ချဉ်းကပ်သွားချိန်မှာ သူ့ရဲ့အမျိုးသမီးကို သတ်ဖြတ်ထားပြီး ဖြစ်ပါတယ်။ ရဲမေ အက်ရ်ှလေ ဂွမ်ဒန်ကတော့ ရရှိတဲ့ ဒဏ်ရာနဲ့ သေဆုံးခဲ့ပြီး တခြားရဲအရာရှိ ၂ ဦးကိုတော့ ဆေးရုံတင် ကုသထားပါတယ်။ ပစ်ခတ်မှုဖြစ်ခဲ့တဲ့အချိန် နေအိမ်မှာ ကလေးငယ်တဦးရှိပြီး ပစ်ခတ်ခဲ့တဲ့ အမေရိကန် စစ်မှုထမ်းကိုလည်း ဖမ်းဆီးထားတယ်လို့ ပရင့်စ်ဝီလီယံ (Prince William) မြို့နယ် ရဲတပ်ဖွဲ့က ပြောပါတယ်။ ဖေဖော်ဝါရီ ၂၆ ရက်နေ့က ရဲမေ အက်ရ်ှလေ ဂွမ်ဒန် ကျမ်းသစ္စာကျိန်ဆိုပွဲ အခမ်းအနား ကျင်းပခဲ့ပြီး အခမ်းအနားအပြီး ရိုက်ကူးခဲ့တဲ့ ဓာတ်ပုံကိုလည်း ဒေသခံရဲတပ်ဖွဲ့ တွစ်တာ လူမှုကွန်ရက် စာမျက်နှာမှာ ဖော်ပြထားပါတယ်ခင်ဗျာ။