အမေရိကန်စစ်လေယာဉ်

July 22, 2019

အမေရိကန် စစ်လေယာဉ်ကို ဗင်နီဇွဲလား စစ်လေယာဉ်တစီး နောက်ယောင်ခံလိုက် (ရုပ်သံ)

ဗင်နီဇွဲလား စစ်လေယာဉ်တစီးဟာ အမေရိကန်ရေတပ်ရဲ့ EP-3 စစ်လေယာဉ်ကို နိုင်ငံတကာ လေကြောင်းပိုင်နက်ထဲမှာ ထက်ကြပ်မကွာ နောက်ယောင်ခံလိုက်ခဲ့တယ်လို့ အမေရိကန် အစိုးရက ဇူလိုင် ၂၁ ရက်မှာ စွပ်စွဲလိုက်ပါတယ်။ ဇူလိုင် ၁၉ ရက်နေ့က အမေရိကန်နဲ့ ဗင်နီဇွဲလား စစ်လေယာဉ်နှစ်စီးအကြား အခုလို ထိပ်တိုက်တွေ့ဆုံခဲ့တာဖြစ်ပြီး အဲဒီနေ့မှာပဲ အမေရိကန်အစိုးရက ဗင်နီဇွဲလားစစ်တပ်ရဲ့ ထိပ်တန်းအရာရှိ လေးယောက်ကို ပိတ်ဆို့ဒဏ်ခတ်မှု ချမှတ်လိုက်ပါတယ်။ ၂၀၁၈ ရွေးကောက်ပွဲမှာ ပြန်ပြီး ရွေးကောက်ခံခဲ့ရတဲ့ ဗင်နီဇွဲလားသမ္မတ နီကိုးလပ်စ် မာဒူရိုကို ရာထူးကဖြုတ်ချဖို့ သမ္မတ ဒေါ်နယ်ထရမ့် ဦးဆောင်တဲ့ အမေရိကန် အစိုးရဟာ ဗင်နီဇွဲလားအပေါ် ပိတ်ဆို့ဒဏ်ခတ်မှုတွေ အကြိမ်ကြိမ် ချမှတ်ခဲ့ပါတယ်။ အမေရိကန် အပါအဝင် အနောက်နိုင်ငံ အများစုက သမ္မတ မာဒူရိုရဲ့ ရွေးကောက်ပွဲ အနိုင်ရလဒ်ကို တရားမဝင်ဘူးလို့ သတ်မှတ်ထားကြပါတယ်။ ဗင်နီဇွဲလား အထူးစီးပွားရေးဇုန်ရဲ့ လေကြောင်းပိုင်နက်ထဲကို ဝင်လာတဲ့ အမေရိကန် စစ်လေယာဉ်တစီးကို ကြားဖြတ်ဟန့်တားခဲ့တယ်လို့ ဗင်နီဇွဲလား ကာကွယ်ရေးဝန်ကြီး ဗလာဒီမာ ပါဒရိုက အမေရိကန်ရဲ့ စွပ်စွဲချက်ကို တုံ့ပြန် ပြောကြားခဲ့ပါတယ်။ အဲဒီဖြစ်ရပ်မှာ လေယာဉ်နှစ်စီးစလုံး မတိုက်မိခဲ့တဲ့အပြင် ထိခိုက်ဒဏ်ရာရသူတွေလည်း မရှိခဲ့ဘူးလို့ ရိုက်တာသတင်းဌာနက ဖော်ပြပါတယ်။
2 years Ago

December 6, 2018

အမေရိကန်စစ်လေယာဉ် ၂ စီး တိုက်မိပြီး ပျက်ကျ၊ မရိမ်းတပ်သား ၆ ဦး ပျောက်ဆုံးနေ

ဂျပန်ကမ်းလွန်မှာ ဒီဇင်ဘာ ၆ ရက်နေ့က အမေရိကန်စစ်လေယာဉ်နှစ်စီး တိုက်မိ ပျက်ကျခဲ့ပြီးနောက် မရိမ်းတပ်သား ၆ ဦး ပျောက်ဆုံးနေတယ်လို့ အမေရိကန် တာဝန်ရှိသူတဦးက ပြောပါတယ်။ ဒေသစံတော်ချိန် မနက် ၂ နာရီဝန်းကျင်က ဂျပန်ကမ်းလွန်ကနေ မိုင် ၂၀၀ အကွာမှာ စစ်လေယာဉ် ၂ စီး တိုက်မိမှုဖြစ်ပွားခဲ့တယ်လို့ မရိမ်းတပ်ဖွဲ့က သတင်းထုတ်ပြန်ခဲ့ပါတယ်။ ဂျပန်ကာကွယ်ရေးဝန်ကြီး တာကဲရှီ အီဝါယက အမေရိကန်စစ်လေယာဉ် ၂ စီးပေါ်မှာ လိုက်ပါလာတဲ့ မရိမ်းတပ်သား ၇ ဦးထဲက ၁ ဦးကို ကယ်ဆယ်နိုင်ခဲ့ပြီး ရှာဖွေကယ်ဆယ်ရေး ဆက်လုပ်နေတယ်လို့ ပြောကြားခဲ့ပါတယ်။ အဲဒီ အမေရိကန်စစ်လေယာဉ် ၂ စီးဟာ လောင်စာဖြည့်တင်းတဲ့ လေ့ကျင့်ခန်း လုပ်ဆောင်စဉ် အမှားအယွင်းဖြစ်ပြီး တိုက်မိတာ ဖြစ်နိုင်တယ်လို့ အမေရိကန် တာဝန်ရှိသူတွေက ပြောကြားခဲ့ပါတယ်။
2 years Ago
Up