အမေရိကန်စစ်သား

June 14, 2019

ဂျာမနီရှိ အမေရိကန်စစ်သား ၂၀၀၀ ကို ပိုလန်သို့ပို့ရန် စဉ်းစားနေဟု ထရမ့်ပြော

ဂျာမနီနိုင်ငံမှာရှိတဲ့ အမေရိကန်စစ်သား ၂ ထောင်ကို ပိုလန်နိုင်ငံကိုပို့ဖို့ စဉ်းစားနေတယ်လို့ အမေရိကန်သမ္မတ ဒေါ်နယ်ထရမ့်က ဇွန်လ ၁၂ ရက်နေ့မှာ ပြောပါတယ်။ အမေရိကန်နိုင်ငံကို ရောက်လာတဲ့ ပိုလန်သမ္မတ အန်ဒရီဇ် ဒူဒါကို အိမ်ဖြူတော်မှာ လက်ခံတွေ့ဆုံချိန် ထရမ့်က အခုလို ပြောလိုက်တာပါ။ ဒါဟာ ရုရှားရဲ့ ရန်လိုကျူးကျော်နိုင်တဲ့ အလားအလာတွေကို ဟန့်တားဖို့ ပိုလန်ရဲ့ ခြေလှမ်းတခုဖြစ်တယ်လို့ ရိုက်တာသတင်းဌာနက ဖော်ပြပါတယ်။ ရုရှားဟာ ၂၀၁၄ ခုနှစ်က ပိုလန်နိုင်ငံအရှေ့ဘက် အိမ်နီးချင်း ယူကရိန်းနိုင်ငံဆီကနေ ခရိုင်းမီးယားဒေသကို ကျူးကျော်သိမ်းပိုက်ခဲ့ပါတယ်။ ခရိုင်းမီးယားဒေသကို ကျူးကျော်တဲ့ ရုရှားရဲ့လုပ်ရပ်ကို တုံ့ပြန်ဖို့ နေတိုးအဖွဲ့နဲ့ ၂၀၁၆ သဘောတူညီချက်အရ အမေရိကန်ဟာ ပိုလန်နိုင်ငံကို စစ်သားတွေ စေလွှတ်ထားပြီးသားပါ။ ဂျာမနီနိုင်ငံမှာ အမေရိကန်စစ်သား အရေအတွက် ၅ သောင်းအထိ နေရာချထားပြီး အဲဒီထဲက စစ်သား ၂ ထောင်ကို ပိုလန်ကိုစေလွှတ်ဖို့ စဉ်းစားထားတယ်လို့ ထရမ့်က ပြောပါတယ်။ ထရမ့်က ပိုလန်နိုင်ငံကို သွားရောက်လည်ပတ်ဖို့ စဉ်းစားထားတယ်လို့ ပြောပေမယ့် အချိန်ကာလ အတိအကျကိုတော့ မပြောခဲ့ပါဘူး။ ရုရှားရဲ့ Nord Stream 2 သဘာဝဓာတ်ငွေ့ပိုက်လိုင်း စီမံကိန်းကို အရေးယူပိတ်ဆို့ဖို့ သုံးသပ်နေတယ်လို့ ထရမ့်က ဇွန်လ ၁၂ ရက်နေ့မှာ ပြောခဲ့ပြီး စွမ်းအင်အတွက် ရုရှားကို မမှီခိုဖို့ ဂျာမနီကိုလည်း သတိပေးခဲ့ပါတယ်။
3 years Ago

March 2, 2018

အမေရိကန်စစ်သားကို ဝိုင်းဝန်းရိုက်နှက်ခဲ့ကြသည့် ထိုင်းလမ်းဘေးဈေးသည်များ ဖမ်းဆီးခံရ

မြွေဟောက် ပူးတွဲစစ်ဆင်ရေးမှာ ပါဝင်ခဲ့တဲ့ အမေရိကန်စစ်သားတဦးကို ဝိုင်းဝန်း ရိုက်နှက်ခဲ့ကြတဲ့ ထိုင်းလမ်းဘေးဈေးသည်တွေကို သက်ဆိုင်ရာက အရေးယူနိုင်ဖို့ ဖမ်းဆီးခဲ့တယ်လို့ ထိုင်းဘာသာနဲ့ ထုတ်ဝေတဲ့ ခေါင်ဆွတ်သတင်းမှာ မတ် ၁ ရက်နေ့က ဖော်ပြပါတယ်။ ဒီအဖြစ်အပျက်ဟာ ထိုင်းနိုင်ငံ အရှေ့တောင်ပိုင်း ချွန်းပူးရီးခရိုင် ပတ္တယားကမ်းခြေရှိ ဈေးဆိုင်တန်းတခုအနီးမှာ ဖေဖော်ဝါရီလ ၂၄ ရက်နေ့က ဖြစ်ခဲ့တာပါ။ အဲဒီနေ့ ညနေ ၅ နာရီလောက်က အဆိုပါ အမေရိကန်နိုင်ငံသားဟာ ဘားတခုမှာ အရက်သောက်နေချိန်မှာ ဈေးသည်တဦးက ရောက်လာပြီး နာရီဝယ်ဖို့ ပြောဆိုခဲ့ကြောင်း၊ အမေရိကန်က အဲဒီနာရီဟာ တံဆိပ်အတုဖြစ်တဲ့အတွက် ဝယ်ဖို့ ငြင်းဆန်လို့ နှစ်ယောက်သား စကားများပြီး ထိုင်းဈေးသည်က အမေရိကန်သားကို စထိုးခဲ့တာလို့ ဆိုပါတယ်။ အမေရိကန်နိုင်ငံသားမှာလည်း သန်မာသူ ဖြစ်တာကြောင့် ဈေးသည်ကို ပြန်ထိုးတဲ့အခါ အနီးအနားက ဈေးသည်တွေ ဝိုင်းအုံလာပြီး အဲဒီအမေရိကန်သားကို ဝိုင်းဝန်းထိုးကြိတ်ခဲ့ကြတယ်လို့ ဆိုပါတယ်။ ဒီအဖြစ်အပျက် ရုပ်သံဗွီဒီယိုဖိုင်ဟာ အင်တာနက်လူမှုကွန်ရက်စာမျက်နှာတွေပေါ်မှာ ပျံ့နှံ့နေခဲ့ပြီး ပြစ်တင်ဝေဖန်မှုတွေ မြင့်တက်နေခဲ့တာပါ။ လက်ရှိမှာတော့ ရဲတွေက ဒီရန်ပွဲမှာ ပါဝင်ထိုးကြိတ်ခဲ့ကြတဲ့ လမ်းဘေးဈေးသည် ၆ ဦးကို ဖမ်းဆီးခဲ့ကာ ပစ္စည်းတုတွေ ရောင်းချမှု၊ ကိုယ်ထိလက်ရောက် ခိုက်ရန်ဖြစ်ပွားမှုတွေနဲ့ အရေးယူသွားမယ်လို့ ဆိုပါတယ်။ ဈေးသည်အုပ်စုထဲမှ ခေါင်းဆောင်ဖြစ်တဲ့ အူထစ်ဆူသော့ခ်က သူတို့ဟာ အမေရိကန်စစ်သားအုပ်စုကို နာရီတွေ ရောင်းချဖို့အတွက် ကြိုးစားခဲ့ကြောင်း၊ ဒါပေမယ့် နာရီတွေကို စစ်ဆေးကြည့်ရှုပြီးနောက်မှာ မြေပြင်ပေါ်ကို ပစ်ချခဲ့တဲ့အတွက် ခုလို ရန်ပွဲစတင်ခဲ့တာလို့ ရဲတွေကို ပြောပါတယ်။ လက်ရှိမှာတော့ သူတို့ကို ဘတ်ငွေ ၅ ထောင် ဒဏ်ကြေးတပ်ရိုက်ခဲ့ပြီး ရန်ပွဲမှာ ပါဝင်တဲ့ အမေရိကန်နိုင်ငံသားကိုလည်း ဒဏ်ကြေးဘတ်ငွေ ၁ ထောင် ပေးဆောင်စေခဲ့တယ်လို့ ဆိုပါတယ်။ Photo : khaosodenglish.com
4 years Ago
Up