အပေါ်ပိုင်းဗလာကျင်းအမျိုးသမီးက

November 12, 2018

အပေါ်ပိုင်းဗလာကျင်း အမျိုးသမီးတဦး သမ္မတထရမ့် ယာဉ်တန်းဆီ ပြေးဝင်ဆန္ဒပြ (ရုပ်သံ)

ငြိမ်းချမ်းရေးတမန်အတုလို့ ရင်ဘတ်မှာရေးပြီး အပေါ်ပိုင်း ဗလာကျင်းထားတဲ့ အမျိုးသမီး ဆန္ဒပြသူတဦးဟာ နိုဝင်ဘာ ၁၁ ရက်က ပြင်သစ်နိုင်ငံ မြို့တော် ပါရီ ရိပ်သာလမ်းအတိုင်း မောင်းလာတဲ့ အမေရိကန်သမ္မတ ဒေါ်နယ်ထရမ့်ရဲ့ ယာဉ်တန်းဆီ ပြေးဝင်ခဲ့ပါတယ်။ ပထမကမ္ဘာစစ် ပြီးဆုံးတဲ့ နှစ် ၁၀၀ ပြည့် အခမ်းအနား မကျင်းပမီ အခုလို ဖြစ်ခဲ့တာပါ။ ယာဉ်တန်းနဲ့ မီတာအနည်းငယ်အကွာထိ ရောက်လာတဲ့ အမျိုးသမီးကို ရဲတွေက ထိန်းသိမ်းခဲ့ပါတယ်။ ဒီအဖြစ်အပျက်ကြောင့် ကမ္ဘာ့ခေါင်းဆောင် ၇၀ ကျော် တက်လာတဲ့ ဒီပွဲရဲ့ လုံခြုံရေးအပေါ် မေးခွန်းတွေ ထွက်လာမယ့် အလားအလာ ရှိတယ်လို့ ရိုက်တာသတင်းဌာနက ဖော်ပြပါတယ်။ ဒီဖြစ်ရပ်နဲ့ပတ်သက်ပြီး အပေါ်ပိုင်းဗလာကျင်း ဆန္ဒပြခဲ့တဲ့ အမျိုးသမီး ၂ ဦးကို ထိန်းသိမ်းထားတယ်လို့ ပါရီမြို့ ရဲတွေက ပြောပါတယ်။
3 years Ago

January 13, 2018

အပေါ်ပိုင်းဗလာကျင်းအမျိုးသမီးက ချက်သမ္မတကို ပူတင်၏မိန်းမပျက်ဟု အော်ဟစ် (ရုပ်သံ)

အပေါ်ပိုင်း ဗလာကျင်းနေတဲ့ အမျိုးသမီး တယောက်က ချက်သမ္မတကို ပူတင်ရဲ့ မိန်းမပျက် အော်ဟစ်ဆဲရေးခဲ့ပါတယ်။ ချက်သမ္မတနိုင်ငံမှာ ဇန်န၀ါရီ ၁၂ ရက်နေ့ ကျင်းပနေတဲ့ သမ္မတရွေးကောက်ပွဲအတွင်း မြို့တော် ပရပ်ဂ်ကမဲရုံမှာ လက်ရှိ သမ္မတက မဲပေးဖို့ ပြင်ဆင်နေချိန်မှာ ခုလိုဖြစ်ခဲ့တာပါ။ ရုပ်သံထဲမှာတော့ သတင်းထောက်အုပ်ထဲက အမျိုးသမီးတယောက် သူ့အင်္ကျီကို ဆွဲချွတ်ပြီး ရွေးကောက်ပွဲ ကော်မရှင်ဆီမှာ မှတ်ပုံတင်ပြနေတဲ့ ချက်သမ္မတ မီလို ဇီးမဲန်းဆီ ပြေးဝင်သွားခဲ့တာပါ။ အဲဒီနောက် အင်္ဂလိပ်ဘာသာနဲ့ ဇီးမန်း! ပူတင်ရဲ့ မိန်းမပျက်လို့ အော်ဟစ် ဆဲရေးခဲ့ပါတယ်။ သူ့ရင်ဘတ်မှာလည်း အဲဒီ စာသားကိုပဲ ရေးထားပါတယ်။ သမ္မတရဲ့ ကိုယ်ရံတော်တွေက သူ့ကို ချက်ချင်း ကြမ်းပြင်ပေါ် လှဲချခဲ့ပြီး ချုပ်နှောင် ခေါ်ဆောင်သွားခဲ့ပါတယ်။ သမ္မတကတော့ အခြံအရံတွေနဲ့ အမြန်ထွက်သွားခဲ့ပါတယ်။ နောက်မှ သူ့အတွက် မဲကို ပြန်လာပေးခဲ့ပါတယ်။ “အမျိုးသမီး တယောက် နှောင့်ယှက်ခံရတဲ့ လူတိုင်းကို ကျနော် တောင်းပန်ပါတယ်။ ဒီလှုပ်ရှားမှုဟာ ဟိုတလောကလည်း ပုပ်ရဟန်းမင်းကြီးကို အလားတူ တိုက်ခိုက်ခဲ့ဖူးလို့ ခုလို ကျနော့်ကို သူတို့ တိုက်ခိုက်တာကို ဂုဏ်ယူပါတယ်” လို့ ချက်သမ္မတက လူအုပ်ကို ပြောပါတယ်။ ဒီအမျိုးသမီးဟာ ယူကရိန်း နိုင်ငံသူ အိန်ဂျလိနာ ဒီးယက်ရှ် ဆိုသူ ဖြစ်တယ်လို့ ယူကရိန်း နိုင်ငံက အမျိုးသမီးရေး အုပ်စု ဖှဲမဲန်းက သူ့ရဲ့ အင်တာနက် စာမျက်နှာပေါ်မှာ ရေးပါတယ်။ ချက်သမ္မတ ဇီးမဲန်းဟာ သူ့ရဲ့ ရွှေ့ပြောင်းနေထိုင်မှု ဆန့်ကျင်တဲ့ အမြင်တွေကြောင့် ကွန်မြူနစ် နိုင်ငံဟောင်း ချက်နိုင်ငံမှာ လူကြိုက်များပါတယ်။ ဒါပေမယ့် ရုရှနဲ့ တရုတ်နိုင်ငံတွေနဲ့ နွေးထွေးတဲ့ ဆက်ဆံရေးတွေ ဆက်ရှိရေးကို အာရုံစိုက်ခဲ့လို့ ဥရောပသမဂ္ဂ နဲ့ နေတိုးအဖွဲ့ဝင် နိုင်ငံတွေရှိတဲ့ လူ့အဖွဲ့အစည်းကြားမှာ သီးခြား ကွဲထွက်နေပါတယ်။
3 years Ago
Up