အိုင်စီတီကဏ္ဍ

A d v e r t i s e m e n t With Us

September 25, 2015

မြန်မာ့အိုင်စီတီကဏ္ဍမှ ထွက်ပေါ်လာနိုင်သည့် လူ့အခွင့်အရေး ချိုးဖောက်မှုအတွက် ဥပဒေ မရှိသေး

မြန်မာနိုင်ငံမှာ အိုင်စီတီကဏ္ဍက ထွက်ပေါ်လာနိုင်တဲ့ လူ့အခွင့်အရေးဆိုင်ရာ ချိုးဖောက်မှု အန္တရာယ်တွေအတွက် ခေတ်ကာလနဲ့ လျော်ညီတဲ့ ဥပဒေတွေ မရှိသေးဘူးလို့ အစီရင်ခံစာတခုက ဖော်ပြလိုက်ပါတယ်။ ရန်ကုန်၊ မန္တလေးနဲ့ စစ်ကိုင်းတိုင်း၊ ရှမ်း၊ မွန်နဲ့ ကရင်ပြည်နယ်တွေမှာ ပြုလုပ်ခဲ့တဲ့ မြန်မာ့ သတင်းအချက်အလက်၊ ဆက်သွယ်ရေးနဲ့ နည်းပညာကဏ္ဍရဲ့ သက်ရောက်မှုတွေကို လေ့လာဆန်းစစ်တဲ့ အစီရင်ခံစာမှာ ဖော်ပြထားတာပါ။ ဒီသုတေသနကို မြန်မာ့စီးပွားရေးကဏ္ဍ တာဝန်ယူမှုရှိရေး အထောက်အကူပြုဌာန (MCRB)၊ ယူကေအခြေစိုက် Institute for Human Rights and Business (IHRB) နဲ့ ဒိန်းမတ်အခြေစိုက် Danish Institute for Human Rights (DIHR) တို့ ပူးပေါင်းပြီး ပြုလုပ်ခဲ့တာပါ။ ဒီအစီရင်ခံစာမှာ တွေ့ရတဲ့ အခြေအနေတွေ၊ ဖြစ်လာနိုင်တဲ့ သက်ရောက်မှုတွေနဲ့ အစိုးရ အပါအ၀င် သက်ဆိုင်သူအသီးသီးကို အကြံပြုချက်တွေလည်း ထည့်သွင်းထားပါတယ်။ နည်းပညာကဏ္ဍမှာ မူဝါဒ၊ ဥပဒေနဲ့ စည်းမျဉ်းမူဘောင်တွေမှာ လစ်ဟာနေတာတွေ၊ အွန်လိုင်းက ဒစ်ဂျစ်တယ်အန္တရာယ်တွေ၊ အော့ဖ်လိုင်း လူ့အခွင့်အရေးဆိုင်ရာ ကိစ္စတွေနဲ့ လူမှုအသိုင်းအဝန်းမှာ  ခွဲခြားခံရတာတွေ ပိုဆိုးဝါးလာတယ်လို့ ဖော်ပြထားပါတယ်။ MCRB ရဲ့ ဒါရိုက်တာ ဗစ်ကီဘိုမန်က “အိုင်စီတီအသုံးပြုသူတွေရဲ့ ဒစ်ဂျစ်တယ်နည်းပညာ နားလည်တတ်မြောက်မှုနှုန်း (Digital Literacy) နဲ့ ပေါင်းစပ်တဲ့အခါ အဲဒီဟာကွက်တွေဟာ သူတို့ကိုယ်တိုင်ကိုရော အခြားသူတွေကိုပါ အန္တရာယ်ဖြစ်စေပါတယ်” လို့ ပြောပါတယ်။ မြန်မာနိုင်ငံမှာ နည်းပညာနဲ့ပတ်သက်ပြီး ဆောင်ရွက်နေတဲ့ ကုမ္ပဏီတွေကို ခိုင်မာတဲ့ အမျိုးသားဥပဒေ မူဘောင်တွေ မရှိချိန်မှာ တာဝန်ယူမှုရှိတဲ့၊ စီးပွားရေးကျင့်စဉ်ဆိုင်ရာ နိုင်ငံတကာ စံချိန်စံညွှန်းတွေကို အထူးသဖြင့် ကုလသမဂ္ဂရဲ့ စီးပွားရေးနဲ့ လူ့အခွင့်အရေး လမ်းညွှန်ချက် အခြေခံမူတွေကို ကျင့်သုံးသွားဖို့ အကြံပြုထားပါတယ်။ အရပ်ဘက်အဖွဲ့အစည်းတွေ၊ လူ့အခွင့်အရေး ကာကွယ်စောင့်ရှောက်သူတွေနဲ့ သတင်းမီဒီယာတွေကိုလည်း အမုန်းစကားပြောတာကို ဆန့်ကျင်ပြောကြားမှု (counter-speech) အပါအ၀င် အွန်လိုင်းမှာ အန္တရာယ်ကင်းပြီး ငြိမ်းချမ်းရေးကို အထောက်အကူဖြစ်စေမယ့် အပြုအမူတွေကို    လူထုကို အသိပညာပေးဖို့လည်း အကြံပြုထားပါတယ်။
5 years Ago
Up