အုပ်ချုပ်ရေးမှူးအသစ်

February 26, 2021

မင်းလှတွင် စစ်ကောင်စီခန့် အုပ်ချုပ်ရေးမှူးအသစ်များကို ပြည်သူက ဆန္ဒပြကန့်ကွက်

ပဲခူးတိုင်း၊ သာယာဝတီခရိုင် မင်းလှမြို့နယ်ရှိ ရပ်ကွက်၊ ကျေးရွာအုပ်စုတွေမှာ စစ်ကောင်စီက ခန့်အပ်တဲ့ အုပ်ချုပ်ရေးမှူးအများစုကို အလိုမရှိတဲ့အတွက် ဆန္ဒပြပွဲတွေ ပြုလုပ်နေကြပါတယ်။

ဖေဖော်ဝါရီ ၂၅ ရက်နေ့ ညနေကလည်း အင်ကြင်းကုန်းအုပ်စုက ရွာသူ၊ ရွာသားတွေစုပေါင်းပြီး စစ်ကောင်စီက ခန့်အပ်တဲ့ အုပ်ချုပ်ရေးမှူးအသစ် အလိုမရှိကြောင်း လှည့်လည်ဆန္ဒပြနေကြပါတယ်။

ပြည်သူကရွေးချယ်တင်မြောက်ထားတဲ့ အုပ်ချုပ်ရေးမှူး မဟုတ်တဲ့အတွက် အခုလို ဆန္ဒပြရတာဖြစ်ပြီး အခုခန့်အပ်ခံသူမှ မဟုတ်ဘဲ ဘယ်သူ့ဖြစ်ဖြစ် လက်မခံဘဲ ဆန္ဒထုတ်ဖော်သွားမယ်လို့ ဆန္ဒပြရာမှာ ပါဝင်သူတစ်ဦးက ပြောပါတယ်။

တချို့ ရပ်ကွက်၊ ကျေးရွာတွေမှာတော့ ဒေသခံပြည်သူ့လူထုက လက်မခံတဲ့အတွက် နုတ်ထွက်သွားတဲ့ စစ်ကောင်စီကခန့်အပ်တဲ့ အုပ်ချုပ်ရေးမှူးအသစ်တွေရှိပါတယ်။

စစ်ကောင်စီက ခံအပ်တဲ့ အုပ်ချုပ်ရေးမှူးအသစ်ကိုအလိုမရှိဘဲ CRPH က ညွှန်ကြားထားတဲ့ အတိုင်း ကြားဖြတ်အုပ်ချုပ်ရေးအဖွဲ့ဖွဲ့စည်းပြီး အုပ်ချုပ်သွားမယ်လို့ အုတ်တွင်းအုပ်စု ဆန္ဒပြပွဲမှာ ပါဝင်လာတဲ့ ဦးအေးမြင့်က ပြောပါတယ်။

မင်းလှမြို့နယ်မှာ ဖေဖော်ဝါရီ ၂၂ ရက်နေ့က သက်တမ်းပြည့်သွားတဲ့အတွက် စစ်ကောင်စီက အုပ်ချုပ်ရေးမှူးအသစ်တွေ ခန့်အပ်လိုက်ပါတယ်။ စစ်ကောင်စီက ခန့်အပ်တဲ့ အုပ်ချုပ်ရေးမှူးအသစ်တွေက တာဝန်ကိုလက်မခံဘဲ နုတ်ထွက်သွားတဲ့ အုပ်ချုပ်ရေးမှူး အနည်းဆုံး ၁၀ ဦးလောက်ရှိပြီလို့ သိရပါတယ်။

တချို့ရပ်ကွက်တွေကတော့ CRPH က ညွှန်ကြားထားတဲ့အတိုင်း ပြည်သူ့အုပ်ချုပ်ရေးအဖွဲ့ တွေ ဖွဲ့ထားကြပြီ ဖြစ်ပါတယ်။

9 months Ago

February 24, 2021

CRPH က ရပ်​/ကျေးအဆင့် ပြည်သူ့အုပ်ချုပ်​ရေးအဖွဲ့​များ ဖွဲ့စည်းချိန် အာဏာသိမ်း စစ်​ကောင်စီက အုပ်ချုပ်​ရေးမှူးအသစ်​များ ခန့်အပ်

ပြည်​ထောင်စုလွှတ်​တော်ကိုယ်စားပြု​ကော်မတီ CRPH က ပြည်သူ့အုပ်ချုပ်​ရေးအဖွဲ့​တွေ ရပ်​ကျေးအလိုက် ဖွဲ့​နေချိန် စစ်အာဏာသိမ်းကောင်စီက အာဏာကိုအသုံးချပြီး  တိုက်ရိုက်ခန့်တဲ့ ရပ်​/ကျေးအဆင့် အုပ်ချုပ်​ရေးမှူး​တွေ ရှိလာတာ​ကြောင့် ပြည်သူ​တွေကြား ဆန့်ကျင်ကန့်ကွက်တာ ​တွေလည်း ရှိလာပါတယ်။ 

ဒီအ​ခြေအ​နေထိမ​ရောက်ခင် အရင်ရက်ပိုင်း​တွေမှာ​တော့ ရပ်ကွက်အုပ်ချုပ်​ရေးမှူးတချို့ နုတ်ထွက်စာတင်တဲ့ဖြစ်ရပ်​တွေ  ရန်ကုန်အပြင် နယ်မြို့တချို့မှာဖြစ်လာပါတယ်။ 

ဒီက​နေ့မှာဆိုရင် စစ်အာဏာသိမ်းကောင်စီက အာဏာကိုအသုံးချပြီး တိုက်ရိုက်ခန့်တဲ့ စစ်ကိုင်းတိုင်းဒေသကြီး ကသာခရိုင်၊ ထီးချိုင့်မြို့နယ်၊ မြတောင်အုပ်စုအုပ်စု အုပ်ချုပ်ရေးမှူးကို ဆန့်ကျင်ကန့်ကွက်တဲ့ ကျေးရွာသူ/သားပေါင်း ၁၀၀၀ လောက်က ကျေးရွာလမ်းမကြီးအတိုင်း ​ကြွေး​ကြော်သံ​တွေနဲ့ ချီတက် ဆန္ဒပြခဲ့ကြတာ​ တွေ့ရပါတယ်။

ရန်ကုန်က မြို့နယ်တချို့မှာလည်း အာဏာသိမ်းစစ်​ကောင်စီက ရပ်​/ကျေး အုပ်ချုပ်​ရေးမှူး ​တချို့ကို တိုက်ရိုက်ခန့်လာတာ​ကြောင့် ပြည်သူ​တွေက ကန့်ကွက်ဆန္ဒပြတာ​တွေ ရှိ​နေပါတယ်။

လတ်​တ​လောမှာ​တော့ ရန်ကုန်တိုင်း​ဒေသကြီး လွှတ်​တော်​ကိုယ်စားပြုကော်မတီကို (CPRH) ကို ဖွဲ့စည်းထားပြီး  မြို့နယ်အဆင့် ရပ်​ကျေးအဆင့် ပြည်သူ့အုပ်​ရေးအဖွဲ့​တွေ ဖွဲ့စည်း​နေ​ကြောင်း ​​ရွေး​ကောက်ခံ ရန်ကုန်လွှတ်​တော်ကိုယ်စားလှယ်​တွေက ​ပြောပါတယ်။

ပြည်​ထောင်စုလွှတ်​တော်ကိုယ်စားပြု​ကော်မတီ CRPHက ပြည်သူ့အုပ်ချုပ်​ရေးအဖွဲ့​​တွေကို ဖွဲ့ရာမှာ တိုင်း​ဒေသကြီးနဲ့ ပြည်နယ် လွှတ်​တော်ကိုယ်စားပြု​ကော်မတီ​တွေ အရင်ဖွဲ့စည်းပြီး​နောက် ရပ်/​ကျေးအဆင့် ပြည်သူ့အုပ်ချုပ်​ရေးအဖွဲ့​တွေကို လက်ရှိမှာဆက်ဖွဲ့စည်း​နေပါတယ်။

ပြည်သူ့အုပ်ချုပ်​ရေးအဖွဲ့မှာ​တော့ လွှတ်​တော်ကိုယ်စားလှယ်​တွေ၊ ရပ်မိရပ်ဖ​တွေ၊ CDM မှာပါတဲ့ ဝန်ထမ်း​တွေပါမှာဖြစ်ပြီး အကြမ်းမဖက်ဘဲ စု​ပေါင်းဦး​ဆောင်မှုနဲ့ ဆုံးဖြတ်​ ဆောင်ရွက်သွားမှာ ဖြစ်​ကြောင်း CRPH ​ကြေညာထားပါတယ်။

10 months Ago
Up