အုပ်ချုပ်ရေးမှူးရုံး

December 5, 2022

မုဒုံ မြို့မ ၂ ရပ်ကွက် အုပ်ချုပ်ရေးမှူးရုံး ဗုံးပေါက်၊ ၄ ဦး ဒဏ်ရာရ

မွန်ပြည်နယ်၊ မုဒုံမြို့၊ မြို့မ ၂ ရပ်ကွက် အုပ်ချုပ်ရေးမှူးရုံးမှာ ဒီဇင်ဘာ ၅ ရက် ဒီနေ့မနက် ၁၁ နာရီလောက်က ဗုံးပေါက်ကွဲမှုကြောင့် ရုံးအတွင်းရှိ အထွေထွေအုပ်ချုပ်ရေးဦးစီးဌာန စာရေးတဦး၊ ရာအိမ်မှူးတဦးနဲ့ အရပ်သား ၂ ဦး၊ စုစုပေါင်း ၄ ဦး ဒဏ်ရာရရှိခဲ့တယ်လို့ ဒေသခံတွေက ဒီဗွီဘီကို ပြောပါတယ်။

ထိခိုက်ဒဏ်ရာရရှိခဲ့တဲ့ စာရေး အပါအဝင် ၃ ဦးဟာ ဒဏ်ရာပြင်းထန်တာကြောင့် မော်လမြိုင် ပြည်သူ့ဆေးရုံ ပို့ဆောင်ထားပြီး ကျန်အရပ်သားတဦးကိုတော့ မုဒုံမြို့နယ် ပြည်သူ့ဆေးရုံကို ပို့ဆောင်ထားတယ်လို့ သိရပါတယ်။

ဒေသခံတဦးက “မနက်က အသံအကျယ်ကြီး ကြားရတယ်။ ပြီးမှ အုပ်ချုပ်ရေးမှူးရုံး ဗုံးပေါက်တယ်လို့ သိရပါတယ်။ စာရေးရယ်၊ ရာအိမ်မှူးရယ်၊ ပြီးတော့ ရုံးမှာ ဖုန်းအားလာသွင်းတဲ့ အမျိုးသမီးတယောက်ရယ်၊ အမျိုးသားတဦး ထိတယ်၊ သုံးယောက်တော့ ဒဏ်ရာပြင်းထန်တယ်” လို့ ပြောပါတယ်။

ရပ်ကွက်အုပ်ချုပ်ရေးမှူးရုံး ဗုံးပေါက်ကွဲမှုဖြစ်ပြီးနောက် စစ်ကောင်စီဘက်က လာရောက်စစ်ဆေးတာတွေ လုပ်ဆောင်နေသလို မြို့အတွင်းမှာတော့ ပိတ်ဆို့ရှာဖွေ စစ်ဆေးတာ မရှိဘူးလို့ ဆိုပါတယ်။

မုဒုံ မြို့မ ၂ ရပ်ကွက် အုပ်ချုပ်ရေးမှူးရုံးဟာ စစ်တပ် အာဏာသိမ်းပြီးနောက် ၃ ကြိမ်ထက်မနည်း ဗုံးပေါက်ကွဲထားတာဖြစ်ပြီး အခုတကြိမ်မှာတော့ လူထိခိုက် ဒဏ်ရာရရှိခဲ့တာ ဖြစ်ပါတယ်။

2 months Ago

December 4, 2022

မဟာအောင်မြေမြို့နယ် သံလျက်မှော်အရှေ့ရပ်ကွက် အုပ်ချုပ်ရေးမှူးရုံး ဗုံးပစ်ခံရ

မန္တလေး မဟာအောင်မြေမြို့နယ် သံလျက်မှော်အရှေ့ရပ်ကွက် အုပ်ချုပ်ရေးမှူးရုံး ဒီကနေ့ နေ့လယ်ပိုင်းက ဗုံးနဲ့ပစ်ခံရတာကြောင့် ထိခိုက်ဒဏ်ရာရသူတွေ ရှိတယ်လို့ ရပ်ကွက်နေသူတွေက ပြောပါတယ်။

သံလျက်မှော်အရှေ့ရပ်ကွက် အုပ်ချုပ်ရေးမှူးရုံးမှာ  ဒီကနေ့ နေ့လယ်ပိုင်းက တံခါးပိတ်ပြီး အစည်းအဝေးပြုလုပ်နေစဥ် အမည်မသိအမျိုးသားနှစ်ဦးက တံခါးဖွင့်ပြီး ဗုံးနဲ့ပစ်ခတ်ခဲ့တာလို့ ရပ်ကွက်နေသူတဦးက ပြောပါတယ်။

"သံပန်းတံခါးပိတ်ပြီး အစည်းအဝေးလုပ်နေတဲ့အချိန် တံခါးကိုဖွင့်ပြီး ဗုံးနဲ့ပစ်သွားတာ။ ဒဏ်ရာရတဲ့သူတွေရှိတယ်၊ အခြေအနေက စိုးရိမ်ရတယ်။" 

အုပ်ချုပ်ရေးနဲ့နီးစပ်သူတဦးက "ဒဏ်ရာရတာ နှစ်ယောက် အုပ်ချုပ်ရေးမှူးရော၊ ရာအိမ်မှူးရော အခြေအနေမကောင်းဘူး၊ စိုးရိမ်ရတဲ့အနေအထားပါ။” လို့ ပြောပါတယ်။

လက်တလောမှာ စစ်ကောင်စီတပ်ဟာ သံလျက်မှော်အရှေ့ရပ်ကွက်အုပ်ချုပ်ရေးမှူးရုံးမှာ တပ်စွဲထားပြီး ရပ်ကွက်နေသူအချို့ကို စစ်ဆေးနေတယ်လို့ ရပ်ကွက်နေသူတွေက ပြောပါတယ်။

သံလျက်မှော်အရှေ့ရပ်ကွက်မှာ ပြီးခဲ့တဲ့လတွေကလည်း သတင်းပေးဒလန်ကြောင့် နိူင်ငံရေးတက်ကြွလှုပ်ရှားသူအချို့ ဖမ်းဆီးခံရသလို ပြည်သူ့ကာကွယ်ရေးတပ်တွေကြောင့် စစ်ကောင်စီခန့် အုပ်ချုပ်ရေးအဖွဲ့ သေဆုံးခဲ့တာလည်းရှိပါတယ်။

2 months Ago
More News
Up