အီးမေးလ်

A d v e r t i s e m e n t With Us

August 10, 2020

နေရပ်ပြန်ရန် မလေးသံရုံးအီးမေးလ်ကို စာရင်းပေးထားသူ မြန်မာအလုပ်သမား ၁ သောင်း ခန့်ရှိ

နေရပ်ပြန်လိုကြောင်း သံရုံးအီးမေးလ်ကနေ စာရင်းပေးထားတဲ့ မလေးရှားနိုင်ငံရောက် တရားမဝင်မြန်မာအလုပ်သမား ဦးရေ ၁ သောင်းဝန်းကျင်လောက် ရှိတယ်လို့ သိရပါတယ်။
နေရပ်ပြန်လိုတဲ့ တရားမဝင် မြန်မာအလုပ်သမားတွေ စာရင်းပေးကြဖို့ မလေးရှားနိုင်ငံဆိုင်ရာ မြန်မာသံရုံးက ကြေညာထားတာပါ။ နေရပ်ပြန်လိုကြောင်း email ပို့လာသူနဲ့ သံရုံးကိုလာပြီး အကြောင်းကြားလာသူ ဦးရေက ၁ သောင်း ဝန်းကျင်လောက် ရှိပြီလို့ မလေးရှားနိုင်ငံဆိုင်ရာ မြန်မာသံရုံး အလုပ်သမား သံအရာရှိ ဦးအောင်ဇော်မင်းက ပြောပါတယ်။ မလေးရှားနိုင်ငံရောက် တရားမဝင်မြန်မာလုပ်သားတွေကို ပြန်လည်ခေါ်ယူနိုင်ဖို့ မလေးရှားအစိုးရရဲ့ ဒဏ်ကြေး ရင်းဂစ် ၃၀ဝဝ ကင်းလွှတ်ခွင့်ရဖို့ မြန်မာနိုင်ငံဆိုင်ရာ မလေးရှားသံအမတ်ကြီးနဲ့ နိုင်ငံခြားရေးဝန်ကြီးဌာန တာဝန်ရှိ သူတွေ ဇွန်လ ၂၂ ရက်နေ့က တွေ့ဆုံဆွေးနွေးခဲ့ပါတယ်။ ဒါပေမဲ့ လက်ရှိအချိန်ထိတော့ ပြန်လိုသူ စာရင်းကောက်ခံနေတာသာဖြစ်ပြီး မလေးရှားအစိုးရဘက်ကတော့ ကင်းလွှတ်ခွင့်အပိုင်းတွေကို တုံ့ပြန်ပြောဆိုလာတာမရှိသေးပါဘူး။ အဲ့လိုအခြေအနေတွေကြောင့် တရားမဝင် ခိုးပြန်ပြီး အဖမ်းခံရတာတွေလည်း ရှိနေတယ်လို့ မလေးရှားနိုင်ငံရောက် မြန်မာနိုင်ငံသားတချို့က ဆိုပါတယ်။ မလေးရှားနိုင်ငံမှာ တရားဝင် မြန်မာ လုပ်သား ၃ သိန်းလောက်ရှိပြီး တရားမဝင်နဲ့ဆို စုစုပေါင်း ၅ သိန်းကျော်လောက်ရှိတယ်လို့ ခန့်မှန်းထားပါတယ်။ မလေးရှားနိုင်ငံတွင်း ကိုဗစ်-၁၉ ကာကွယ်ထိန်းချုပ်ဖို့ ကြပ်မတ်လိုက်တာ၊ တရားမဝင်လုပ်သား အဖမ်းဆီးတွေကြောင့် မလေး လုပ်ငန်းရှင်တွေက တရားမဝင် လုပ်သားခိုင်းစေမှုတွေကို ရပ်တန့်ခဲ့ပါတယ်။ ဒါကြောင့် မြန်မာအလုပ်သမားတွေ နေရပ်ပြန်မရဘဲ စားဝတ်နေရေး အခက်ခဲကြုံနေရပြီး အဲဒီလို အခြေအနေမျိုးစုံတွေကြောင့် မိမိကိုယ်ကိုယ် အဆုံးစီရင်ခဲ့သူ ၁၃ ဦးအထိ ရှိပြီလို့ သိရပါတယ်။ ဇာခြည်
7 months Ago

April 2, 2020

တောင်ကိုရီးယား လွှတ်တော်ရွေးကောက်ပွဲ၌ ကိုရိုနာကူးစက်ခံရသူများ အီးမေးလ်မှ မဲပေးရမည်

တောင်ကိုရီးယားနိုင်ငံမှာ ဧပြီလလွှတ်တော်ရွေးကောက်ပွဲအတွင်း ကိုရိုနာဗိုင်းရပ်စ် ကူးစက်ခံ မဲရှင်တွေအနေနဲ့ အီးမေးလ်ကနေတဆင့် မဲပေးတာ ဒါမှမဟုတ် ပျက်ကွက်သူ မဲရှင်အဖြစ် မဲပေးတာတွေကို ဧပြီ ၂ ရက်နေ့က စပြီး ခွင့်ပြုသွားမှာ ဖြစ်ပါတယ်။ နိုင်ငံတွင်း ကိုရိုနာဗိုင်းရပ်စ်ကူးစက်မှုအသစ်တွေ ပုံမှန်မြင့်နေချိန်မှာ ရွေးကောက်ပွဲ ကျင်းပနေတာပါ။  ဧပြီ ၁၅ ရက် ရွေးကောက်ပွဲမှာတော့ အမျိုးသားညီလာခံမှာ လာမယ့်လေးနှစ်အတွက် အမတ် အယောက် ၃၀၀ ကို ရွေးကောက် တင်မြှောက်မှာဖြစ်ပါတယ်။ မဲရှင်တွေ ဘေးကင်းကင်းမဲပေးခွင့် သေချာစေရေး စိန်ခေါ်မှုတွေကို ရင်ဆိုင်နေရပါတယ်။ ကူးစက်ခံ လူနာ အယောက် လေးထောင်ဟာ ကုသမှု ခံယူပြီးစီးပြီ ဖြစ်လို့ ပျက်ကွက်မဲ ဒါမှမဟုတ် အီးမေးလ်ကနေ မဲပေးနိုင်ကြပြီလို့ ပြည်ထဲရေး ဝန်ကြီး ချင်းယောင်က ပြောပါတယ်။ ဧပြီ ၂ ရက်နေ့ထိ အတည်ပြုချက်အရ တောင်ကိုရီးယားနိုင်ငံမှာ ကူးစက်ခံ ၉၉၇၆ ဦး၊ သေဆုံးသူ ၁၆၉ ဦးရှိပြီဖြစ်ပါတယ်။ ကူးစက်ခံ ၅၈၂၈ ယောက်က နေပြန်ကောင်းလာခဲ့ပြီး ၄၁၄၈ ယောက်က ကုသမှု ခံယူနေဆဲလို့ ကိုရီးယား ရောဂါ ကာကွယ် ထိန်းချုပ်ရေး ဌာန (KCDC) က အစီရင်ခံပါတယ်။   
11 months Ago
Up