အီရန်က နျူကလီးယားလက်နက် မရသွားအောင် တားမြစ်နိုင်ရေး သံတမန်ရေးနည်းလမ်းတွေကို အမေရိကန်အစိုးရက ဖွင့်သွားမယ်လို့ အမေရိကန်အစိုးရပြောခွင့်ရ နဒ်ပရိုက်စ်က မတ်လ ၁၄ ရက်မှာ ပြောလိုက်ပါတယ်။

ရုရှားက ယူကရိန်းကို ကျူးကျော်မှုကြောင့် ဒဏ်ခတ်ထားပေမယ့် အဲဒီဒဏ်ခတ်မှုဟာ အီရန်နဲ့ ရုရှားကြား ကုန်သွယ်ရေးကို မထိခိုက်စေဖို့ အာမခံချက်ကို ရုရှားအစိုးရက တောင်းဆိုခဲ့ပါတယ်။

အဲဒီနောက် အရင်အပတ်က ဩစတြီးယားနိုင်ငံ ဗီယန်နာမြို့မှာ ကျင်းပနေတဲ့ အီရန်အရေး ဆွေးနွေးပွဲတွေ ရပ်သွားခဲ့တာပါ။

ရုရှားရဲ့ တောင်းဆိုချက်ဟာ မဖြစ်နိုင်ဘူးလို့ အနောက်အင်အားကြီးနိုင်ငံတွေက ပြောခဲ့သလို အမေရိကန် အစိုးရကလည်း သဘောမတူနိုင်ဘူးလို့ အခိုင်အမာ ပြောခဲ့ပါတယ်။

အီရန်က နျူကလီးယားလက်နက်မပိုင်အောင် ဟန့်တားရေး ကြိုးပမ်းအားထုတ်မှုတွေကို ဆော်ဒီအာရေဗျနိုင်ငံအနေနဲ့ ကူညီပံ့ပိုးနေတယ်လို့ ဆော်ဒီဘုရင် ဆယ်လ်မန် ဘင် အဗ်ဒူလာဇစ်က ကုလသမဂ္ဂအထွေထွေညီလာခံမှာ စက်တင်ဘာ ၂၂ ရက်က ပြောလိုက်ပါတယ်။

၂၀၁၅ နျူကလီးယား သဘောတူညီချက်ကို ပြန်အသက်သွင်းဖို့ အီရန်နဲ့ ဆွေးနွေးပွဲ တွေကို ပြန်စရေး ကမ္ဘာ့ခေါင်းဆောင်တွေ ပြင်ဆင်နေကြတာပါ။

အစုလိုက် အပြုံလိုက် ဖျက်ဆီးနိုင်တဲ့ လက်နက်တွေ ကင်းဝေးတဲ့ အရှေ့အလယ်ပိုင်းကို ထိန်းသိမ်းထားဖို့ အရေးကြီးတယ်ဆိုတာ ဆော်ဒီက အခိုင်အမာ ပြောပါတယ်လို့လည်း ကြိုတင် ရိုက်ကူးထားတဲ့ ရုပ်သံမိန့်ခွန်းအတွင်း ဘုရင် ဆယ်လ်မန်က ပြောပါတယ်။

အီရန်ဟာ အိမ်နီးချင်း နိုင်ငံဖြစ်ပြီး ကနဦးဆွေးနွေးပွဲတွေဟာ ပြည်တွင်းရေးကို မစွက်ဖက်ဘဲ အချုပ်အခြာကို လေးစားတဲ့ အခြေခံနဲ့ ယုံကြည်မှု တည်ဆောက်ဖို့ ခိုင်မာတဲ့ ရလဒ်တွေ ဆီကို ဦးတည်စေနိုင်မယ်လို့ မျှော်လင့်တယ်လို့ ဘုရင်ဆယ်လ်မန်က ပြောခဲ့ပါတယ်။

အရှေ့အလယ်ပိုင်းက ရှီးယိုက်မွတ်စလင် အင်အားကြီးနိုင်ငံ အီရန်နဲ့ ဆွန်နီမွတ်စလင် အင်အားကြီးနိုင်ငံ ဆော်ဒီအာရေဗျတို့ဟာ ပြိုင်ဘက်တွေ ဖြစ်နေတာ နှစ်ချီနေပါပြီ။

ယီမင်၊ ဆီးရီးယားနဲ့ တခြားနေရာတွေမှာ ကြားခံနယ်ရုပ်တွေချင်း တိုက်ခိုက်နေတဲ့ မဟာမိတ်တွေကို ကျောထောက်နောက်ခံ ပေးထား ပါတယ်။

အီရန်နဲ့ ဆော်ဒီတို့ဟာ ၂၀၁၆ မှာ သံတမန် ဆက်ဆံရေး ဖြတ်တောက်ခဲ့ပြီး တင်းမာမှု လျော့ကျရေး ရည်မှန်းထားတဲ့ ဆွေးနွေးပွဲတွေကို ဒီနှစ်ထဲမှာ ဆွေးနွေးခဲ့ကြ ပါတယ်။