အီဗရာနှင့် ဟတ်ဆယ်ဘိန့်ခ်

October 25, 2020

မက်ဂွိုင်းယား၏အပြုအမူ ပင်နယ်တီပေးသင့်ဟု အီဗရာနှင့် ဟတ်ဆယ်ဘိန့်ခ် သုံးသပ်

ချဲလ်ဆီးနောက်ခံလူ အက်ဇ်ပီလီကျုတာကို မက်ဂွိုင်းယားက ပြစ်ဒဏ်ကျူးလွန်ခဲ့တာကြောင့် ပင်နယ်တီ ပေးသင့်တယ်လို့ အီဗရာနဲ့ ဟက်ဆယ်ဘိန့်ခ်တို့က သုံးသပ်ပါတယ်။  မန်ယူနဲ့ ချဲလ်ဆီး ဂိုးမရှိ သရေကျခဲ့တဲ့ပွဲစဉ်မှာ မန်ယူနောက်ခံလူ မက်ဂွိုင်းယားက ချဲလ်ဆီး နောက်ခံလူ အက်ဇ်ပီလီကျူတာကို ပင်နယ်တီဧရိယာထဲမှာ ဆွဲလှဲခဲ့တာပါ။ မက်ဂွိုင်းယားဟာ  အက်ဇ်ပီလီကျူတာရဲ့ လည်ပင်းနဲ့ လက်မောင်းကို ဆွဲလှဲခဲ့ပေမယ့် ဒိုင်လူကြီးက ပင်နယ်တီမပေးခဲ့တဲ့အပေါ်မှာ  အီဗရာနဲ့ ဟတ်ဆယ်ဘိန့်ခ်တို့က စကိုင်းစပေါ့ကနေ ဝေဖန်ခဲ့ကြတာပါ။  ပရီးမီးယားလိဂ် တိုက်စစ်မှူးဟောင်း ဟတ်ဆယ်ဘိန့်ခ်ကတော့ မက်ဂွိုင်းယားရဲ့ အပြုအမူဟာ ၁၀၀ ရာခိုင်နှုန်း ပင်နယ်တီပြစ်ဒဏ်ဖြစ်ပြီး ရုပ်သံကနေ သေချာပြန်ကြည့်မယ်ဆိုရင် မက်ဂွိုင်းယားက အက်ဇ်ပီလီကျူတာ ခုန်လို့မရအောင် တားဆီးခဲ့ပြီး သူ့ရဲ့ ကိုယ်အလေးချိန်နဲ့ ဖိထားခဲ့တာ ဖြစ်တယ်လို့ ဟတ်ဆယ်ဘိန့်ခ်က သုံးသပ်ပါတယ်။  မန်ယူနိုက်တက် နောက်ခံလူဟောင်း အီဗရာကလည်း ပင်နယ်တီပေးသင့်တယ်လို့ သုံးသပ်ခဲ့ပြီး နပန်းပွဲတွေကို ကြည့်နေကြဖြစ်ပြီး အဲဒီအပြုအမူဟာ ချဲလ်ဆီးအတွက် ပင်နယ်တီ ရသင့်တယ်ဆိုတာ ရှင်းလင်းကြောင်း သုံးသပ်ပါတယ်။ 
1 year Ago
Up