အီဒလစ်ပြည်နယ်

March 16, 2020

ဆီးရီးယားတွင် ဆန္ဒပြပွဲကြောင့် ရုရှားနှင့်တူရကီ ပူးပေါင်းကင်းလှည့်မှု ရပ်နား

ဆီးရီးယားနိုင်ငံ အီဒလစ်ပြည်နယ်အတွင်း ရုရှားနဲ့တူရကီတို့ရဲ့ ပထမဆုံးပူးတွဲ ကင်းလှည့်မှု ကို မတ်လ ၁၅ ရက်က ရပ်တံ့ခဲ့ရပါတယ်။  သူပုန်တွေနဲ့ အရပ်သားတွေက အဓိကလမ်းကို ပိတ်ဆို့မယ့် အပစ်အခတ်ရပ်စဲရေး သဘော တူညီချက်ကို ဆန့်ကျင်ဆန္ဒပြတာကြောင့် ရပ်လိုက်ရတာလို့ မျက်မြင်သက်သေတွေနဲ့ ရုရှားသတင်း အေဂျင်စီတွေက ပြောပါတယ်။  အီဒလစ်ပြည်နယ်ထဲက M4 အဝေးပြေးလမ်းမှာ ကင်းလှည့်မှုဟာ ဆီးရီးယားရဲ့ ၉ နှစ်ကြာ စစ်ပွဲမှာ ဆန့်ကျင်ဘက်တပ်တွေကို ကျောထောက်နောက်ခံပေးနေတဲ့ ရုရှားနဲ့ တူရကီအစိုးရတို့ ကြား မတ်လ ၅ရက် အပစ်အခတ် ရပ်စဲရေး သဘောတူညီချက် ရလဒ်လည်း ဖြစ်ပါတယ်။  အဲဒီနောက်ပိုင်းမှာ အပစ်အခတ် ရပ်ထားတာပါ။  သဘောတူညီချက်အောက်မှာ လူတသန်းနီးပါး အိုးအိမ်စွန့်ခွာ ထွက်ပြေးရတဲ့ အကြမ်းဖက်မှု တွေကို ရပ်နားဖို့လည်းပါတဲ့အပြင် M4 လမ်းတဖက်တချက်မှာ ရုရှားနဲ့တူရကီ စစ်တပ်တွေဟာ လုံခြုံရေး စင်္ကြန်လမ်းကို တည်ထားပြီး ပူးတွဲကင်းလှည့်သွားဖို့ ရှိပါတယ်။ တနင်္ဂနွေနေ့မှာတော့ ရာနဲ့ချီတဲ့ အရပ်သားတွေနဲ့ သူပုန်တွေက လမ်းကို ဖြတ်တောက်ထားပြီး ရုရှားစစ်သားတွေ ရှိနေတာကို ငြင်းပယ်ခဲ့တဲ့အပြင် ဒီသဘောတူညီချက်ဟာ သူတို့ရဲ့ ပြန်လည်နေရာ ချထားရေးအတွက် အာမခံချက် မပါဘူးလို့လည်း ထောက်ပြခဲ့ကြပါတယ်။ ဆန္ဒပြသူ တချို့က ဆီးရီးယားအမျိုးသားစစ်တပ်အလံတွေကို ဝှေ့ယမ်းခဲ့ကြပြီး တူရကီ တင့်ကားတွေပေါ် တွယ်တက်တာ၊ တူရကီ တင့်ကားတွေ သွားရာလမ်းရှေ့မှာ ရပ်နေတာတွေ လုပ်ခဲ့တယ်လို့ မျက်မြင်သက်သေတွေက ပြောပါတယ်။  လမ်းပေါ်မှာ မီးတွေ ရှို့နေပြီး လူသားကွင်းဆက်ပုံ တန်းစီချိတ်ဆက်တာတွေ လုပ်နေတဲ့ ဓာတ်ပုံတွေကိုလည်း ဗြိတိန်အခြေစိုက်စစ်ပွဲစောင့်ကြည့်ရေးအဖွဲ့က အင်တာနက်ပေါ် တင်ခဲ့ပါ တယ်။
2 years Ago

February 29, 2020

ဆီးရီးယားအစိုးရ ပစ်မှတ်များကို တိုက်ခိုက်ခဲ့သည့် ဗွီဒီယိုဖိုင် တူရကီထုတ်ပြန် (ရုပ်သံ)

ဆီးရီးယားအစိုးရ ပစ်မှတ်တွေကို တိုက်ခိုက်ဖျက်ဆီးခဲ့တဲ့ ဗွီဒီယိုဖိုင်ကို ဖေဖော်ဝါရီ ၂၈ ရက်မှာ  တူရကီစစ်တပ်က ထုတ်ပြန်လိုက်ပါတယ်။  ဆီးရီးယားလေတပ်တိုက်ခိုက်ရာမှာ တူရကီတပ်ဖွဲ့ဝင် ၃၃ ယောက် သေဆုံးခဲ့ပြီးနောက် လက်တုံ့ပြန်တဲ့အနေနဲ့ တူရကီက အီဒလစ်ပြည်နယ်က ဆီးရီးယားအစိုးရပစ်မှတ်တွေကို ဖျက်ဆီးခဲ့တာပါ။  တူရကီစစ်ဆင်ရေးမှာ ထင်ရှားတဲ့ ဆီးရီးယားအစိုးရပစ်မှတ်တွေနဲ့ မြေပြင်ထောက်ပို့တပ်ဖွဲ့ တွေကို  တိုက်ခိုက်ခဲ့တယ်လို့ တူရကီဆက်သွယ်ရေးညွှန်မှူး ဖာဟယ် တင်နယ်တူက ပြောခဲ့ပါတယ်။ ဆီးရီးယားအစိုးရ တိုက်ခိုက်တာကို တူရကီက တုံ့ပြန်ဖို့ဆုံးဖြတ်ထားတယ်လို့လည်း တင်နယ်တူက ပြောခဲ့ပါတယ်။  တူရကီစစ်တပ် လက်တုံ့ပြန်ရာမှာ ဆီးရီးယားအစိုးရ စစ်သား ၃၀၉ ယောက် ကျဆုံးတယ်လို့လည်း တူရကီကာကွယ်ရေးဝန်ကြီး ဟူလူဆစ် အာကာက ပြောခဲ့ပါတယ်။  တူရကီနဲ့ဆီးရီးယား စစ်ရေးအရှိန်မြင့်နေချိန် ဖေဖော်ဝါရီ ၂၈ ရက်က တူရကီ ကာကွယ်ရေးဝန်ကြီးဟာ ညှိနှိုင်းကွပ်ကဲရေးစခန်းကနေ စစ်ရေးတိုးတက်မှု အခြေအနေတွေကို သွားရောက်ကြည့်ရှုခဲ့ပါတယ်။  တူရကီဟာ ထောင်နဲ့ချီတဲ့ တပ်ဖွဲ့ဝင်တွေနဲ့ လက်နက်ကြီးတွေကို ဆီးရီးယားနယ်စပ်ကို ပို့ထားပါတယ်။  တကယ်လို့ တူရကီစောင့်ကြည့်စခန်းတွေကနေ  ဆီးရီးယားတပ်တွေ နောက်မဆုတ်ဘူး ဆိုရင် ဆီးရီးယားတပ်တွေကို နှင်ထုတ်ဖို့ အစွမ်းကုန် ထိုးစစ်ဆင်သွားမယ်လို့ တူရကီသမ္မတ အာဒိုဝမ်က ဆီးရီးယားကို သတိပေးထားပါတယ်။
2 years Ago
Up