အိန္ဒိယနိုင်ငံ

October 2, 2018

အိန္ဒိယဖခင်ကြီး မဟတ္တမဂန္ဒီ နှစ် ၁၅၀ ပြည့် မွေးနေ့ ကျင်းပ

အိန္ဒိယကိုတည်ထောင်သူ ဖခင်ကြီးနဲ့ ငြိမ်းချမ်းရေးအားပေးမြှင့်တင်သူ ဂန္ဒီရဲ့ နှစ် ၁၅၀ ပြည့် မွေးနေ့အထိမ်းအမှတ်အနေနဲ့ အိန္ဒိယနိုင်ငံတလွှားက ကျောင်းသားလေးတွေဟာ အောက်တိုဘာ ၁ ရက်နေ့မှာ မဟတ္တမဂန္ဒီလို ဝတ်စားဆင်ယင်ခဲ့ကြပါတယ်။ နိုင်ငံအနောက်ပိုင်း ဂူဂျာရတ်ပြည်နယ် ရာ့ဂ်ျကုဒ်မြို့မှာ ကျောင်းသား အယောက် ၁၅၀ ဟာ ဂန္ဒီကိုအတုခိုးပြီး ရိုးရာဝတ်စုံနဲ့ မျက်မှန်ဦးထုပ်တို့ကို ဝတ်ဆင်ရင်း အိန္ဒိယနိုင်ငံမြေပုံကို လူတွေနဲ့ စုပြီးပုံဖော်ခဲ့ကြပါတယ်။ နိုင်ငံတောင်ပိုင်း ချန်နိုင်းမြို့က ကျောင်းဝင်းထဲမှာလည်း ရာနဲ့ချီတဲ့ ကျောင်းသားတွေဟာ ဂန္ဒီလိုဝတ်ဆင်ရင်း ယောဂကျင့်ခဲ့ကြတာပါ။ အောက်တိုဘာ ၂ ရက်နေ့ဟာ အိန္ဒိယနိုင်ငံမှာ ဂန္ဒီနေ့လို့ သတ်မှတ်ရုံသာမကဘဲ ဂန္ဒီရဲ့ ဘဝတလျှောက်လုံး ကျင့်သုံးတိုက်ပွဲဝင်ခဲ့တဲ့ စံနမူနာပြ အတွေးအခေါ်လည်းဖြစ်လို့ သူ့မွေးနေ့ကို နိုင်ငံတကာ အကြမ်းမဖက်ခြင်းနေ့အဖြစ်လည်း သတ်မှတ်ထားပါတယ်။ အောက်တိုဘာ ၂ ရက်နဲ့ ၃ ရက်နေ့တွေမှာ ဂန္ဒီရဲ့ နှစ် ၁၅၀ ပြည့်မွေးနေ့ကို ကျင်းပမယ်လို့ အိန္ဒိယယဉ်ကျေးမှုဝန်ကြီးဌာနရဲ့ အင်တာနက်စာမျက်နှာမှာ ဖော်ပြထားပါတယ်။
3 years Ago

July 23, 2015

အသည်းတခုတည်းပါ ဗိုက်ချင်းဆက် အမြွှာ အိန္ဒိယတွင် မွေးဖွား (ရုပ်သံ)

၂ ယောက်ပေါင်း အသည်းတခုပဲရှိတဲ့ ဗိုက်ချင်းဆက် ယောက်ျားလေးအမြွှာကို အိန္ဒိယနိုင်ငံ အနောက်ပိုင်း ရာဂျပ်စ်သန်ပြည်နယ်မှာ မွေးခဲ့ပါတယ်။ ဗိုက်ချင်းဆက်နေတဲ့ အမြွှာညီအစ်ကိုကို ဂျိုဒ်ပါမြို့က အူမိတ်ဆေးရုံမှာ ဇွန် ၃၀ ရက်နေ့က မွေးခဲ့တာဖြစ်ပြီး ဒေါက်တာ အိုပီ ရှာမာက ကလေးတွေရဲ့ အခြေအနေကို ဇူလိုင် ၂၁ ရက်နေ့က ရှင်းပြခဲ့ပါတယ်။ “ဒါဟာ အင်မတန် ရှားတဲ့ ပုံမမှန်မှု တခုပဲ။ သူတို့ရဲ့ နှလုံးက ပုံမှန်ပဲ၊ အသည်းက တခုတည်းကို ၂ ယောက် မျှဝေထားရတယ် တယောက်က ဘယ်ဘက် အသည်းလုံး အဖု တခုရှိနေပြီး နောက်တယောက်က ညဘက် အသည်းဖုကို ရထားတယ်။” ယောက်ျားလေး ၂ ယောက်ကို လိုအပ်တဲ့ ခွဲစိတ်မှုတွေ လုပ်ဖို့ အနည်းဆုံး အမေရိကန်ဒေါ်လာ ၁ သိန်းခွဲကျော်နဲ့ ညီမျှတဲ့ အိန္ဒိယ ရူပီးငွေ ၁ သန်း လိုအပ်တယ်လို့ ခန့်မှန်းထားပါတယ်။ အမြွှာ၂ ယောက်ကို ခွဲစိတ်ဖို့ ဒေသခံဆေးရုံက မြို့တော် နယူးဒေလီမှာရှိတဲ့ အစိုးရပိုင် ဆေးရုံဆီ လွှဲပေးခဲ့ပြီးပါပြီ။ ဗိုက်ချင်းဆက် အမြွှာတွေဟာ ကလေးမွေးမှု ၂ သိန်းမှာ ၁ ယောက်နှုန်း ဖြစ်ပွားလေ့ ရှိတယ်လို့ မေရီလန်း ဆေးတက္ကသိုလ်က ဆိုပါတယ်။ ဗိုက်ချင်းဆက်အမြွှာ ၄၀ ကနေ ၆၀ ရာခိုင်နှုန်းကတော့ အရှင်မွေးလေ့ရှိပြီး သူတို့ထဲက ၃၅ ရခိုင်နှုန်းကတော့ ၁ ရက်သာ အသက်ရှင်တယ်လို့ ဆိုပါတယ်။ အမြွှာတွေ သေဆုံးနှုန်းဟာ ဘယ်လိုအင်္ဂါ အစိတ်အပိုင်းတွေကို မျှဝေထားသလဲ ဆိုတာပေါ် မူတည်ပြီး ကွဲပြားခြားနားလေ့ ရှိပါတယ်။ ဒါပေမယ့် ဗိုက်ချင်းဆက်အမြွှာ ပျမ်းမျှ အသက်ရှင်နှုန်း ကတော့ ၅ ရာခိုင်နှုန်းကနေ ၂၅ ရာခိုင်နှုန်းသာ ရှိပါတယ်။
6 years Ago
Up