အိုးမဲ့အိမ်မဲ့

A d v e r t i s e m e n t With Us

April 8, 2020

ဂါနာနိုင်ငံတွင် ဈေးဟောင်း မီးလောင်၊ လူပေါင်းရာချီ အိုးမဲ့အိမ်မဲ့ဖြစ်

ဂါနာနိုင်ငံ အက်ခရာမြို့က ဖှာဒါမာဈေးဟောင်းမှာ ဧပြီ ၇ ရက်မနက်ပိုင်းက မီးလောင်လို့ ရာချီတဲ့လူတွေ အိုးအိမ်မဲ့ ဖြစ်ခဲ့ကြပါတယ်။ ကိုရိုနာဗိုင်းရပ်စ် ကူးစက်မှု ဟန့်တားရေး ကန့်သတ်ချက်တွေကြောင့် အလုပ်မလုပ်နိုင် ဖြစ်နေချိန်မှာ ရှိသမျှငွေတွေ မီးထဲ ပါသွားပြီလို့ ဒေသခံတယောက်က ပြောပါတယ်။ ဈေးဟောင်းမှာ နေသူ အများအပြားဟာ စက်ပြင်နဲ့ ဈေးသည်တို့လို အလုပ်တွေကို လုပ်ဖို့ နိုင်ငံမြောက်ပိုင်းကနေ ရွှေ့ပြောင်းလာတဲ့ ဆင်းရဲသူတွေပါ။ အိမ်တွေ မီးလောင် ဆုံးရှုံးအပြီး ခိုလှုံစရာ တောင်းခံသူ ၅၆၅ ယောက် ရှိတယ်လို့ ကာယာယေး လူငယ်အဖွဲ့အစည်းရဲ့ ဥက္ကဋ္ဌက ပြောပါတယ်။ ညသန်းခေါင်ကနေ မနက် ၂ နာရီကြား လောင်တဲ့ မီးကြောင့် သစ်သားအိမ် ၈၀၀ လောက် မီးလောင်ပျက်စီးခဲ့တယ်လို့ ဒေသခံမီဒီယာက ပြောပါတယ်။ သစ်သားနဲ့ ကတ္ထူစက္ကူတွေနဲ့ ဆောက်ထားတဲ့ ယာယီအိမ်တွေကို မီးဘယ်လို စလောင်တယ်ဆိုတာ ရှင်းရှင်းလင်းလင်း မသိရသေးပါဘူး။  ဂါနာနိုင်ငံအတွင်း ကိုရိုနာကူးစက်မှုကြောင့် အက္ခရာ၊ တေမာ၊ ကာဆိုအာနဲ့ ကူမာစီ ဒေသတွေရဲ့ တစိတ်တပိုင်းကို ခရီးသွားမှု တားမြစ်ပိတ်ပင်ထားပြီး ဒေသခံတွေ အိမ်တွင်းအောင်းရင်း အသွားအလာ ကန့်သတ်ဖို့ နေဝင်မီးငြိမ်း အမိန့်ထုတ်ထားသလို လူချင်းခွာခွာ နေကြဖို့လည်း စီမံချက် ထုတ်ပြန်ထားပါတယ်။ ဂါနာမှာ ဧပြီ ၇ ရက်အထိ တရားဝင်အတည်ပြုချက်အရ ကိုရိုနာဗိုင်းရပ်စ် ကူးစက်ခံ ၂၈၇ ယောက် ရှိပြီး ကူးစက်ခံ ၅ ယောက် သေဆုံးခဲ့ပါတယ်။
11 months Ago
Up