အိုင်ယာလန်

March 23, 2020

ဗြိတိန်နှင့် အိုင်ယာလန်ရှိ မက်ဒေါ်နယ်ဆိုင်အားလုံး ယာယီပိတ်

ဗြိတိန်နဲ့ အိုင်ယာလန်မှာရှိတဲ့ မက်ဒေါနယ်ကုမ္ပဏီရဲ့ စားသောက်ဆိုင်အားလုံးကို ယာယီပိတ်ထားလိုက်တော့မယ်လို့ မက်ဒေါ်နယ်က ကြေညာလိုက်ပါတယ်။ မတ် ၂၃ ရက်နေ့ ည ၇ နာရီ နောက်ဆုံးထားပြီး ယူကေနဲ့ အိုင်ယာလန်က ဆိုင်အားလုံးကို ပိတ်ထားမယ်လို့ မက်ဒေါ်နယ်က သူတို့ရဲ့တွစ်တာလူမှုကွန်ရက်ပေါ်မှာ ကြေညာထားတာပါ။ အခုဆိုရင် နိုင်ငံတော်တော်များများမှာ ကိုရိုနာဗိုင်းရပ်စ် ပြန့်ပွားမှုကြောင့်  စားသောက်ဆိုင်တွေ တော်တော်များများ ပိတ်ထားရပြီး၊ အိမ်တိုင်ရာရောက် ပို့ပေးတာနဲ့ အိမ်အတွက် အိတ်ဆွဲရောင်းပေးတာမျိုးတွေပဲ လုပ်လာနေကြပါတယ်။ မက်ဒေါ်နယ်ဟာ တရုတ်ပြည်မှာတော့ သူတို့ပိုင် စားသောက်ဆိုင်အားလုံးရဲ့ ၉၅ ရာခိုင်နှုန်းကို ပြန်ဖွင့်နေပြီလို့ စီအီးအို ခရစ်ကမ်ဇင်စကီးက မတ်  ၂၀ ရက်နေ့က ထုတ်ပြောထားပါတယ်။
2 years Ago

December 2, 2019

အိုင်ယာလန် MMA ဖိုက်တာ ကော်နာမက်ဂရီဂေါ  သံဆန်ခါကြိုးဝိုင်းထဲ ပြန်လာမည် 

ခါဘစ်ကို ရှုံးနိမ့်ခဲ့ပြီးကတည်းက သံဆန်ခါကွင်းနဲ့ ဝေးကွာနေတဲ့ အိုင်ယာလန် MMA ဖိုက်တာ ကော်နာမက်ဂရီဂေါဟာ  လာမယ့်နှစ် ဇန်နဝါရီလမှာ ဒေါ်နယ်ကာရုန်းနဲ့ ထိုးသတ်ဖို့ လေ့ကျင့်ခန်းတွေ အပြင်းအထန် ပြုလုပ်နေပါတယ်။  အရင်က အစားအသောက်ပိုင်းနဲ့ ပတ်သက်လို့ မဆင်ခြင်ခဲ့တဲ့ ကော်နာဟာ အသင့်စားအစားအစာတွေလည်း မစားတော့ဘူးလို့ သိရသလို လာမယ့်ပြိုင်ပွဲအတွက် အစစအရာရာ အသေးစိတ် လေ့ကျင့်ပြင်ဆင်နေတာ ဖြစ်ပါတယ်။ တကျော့ပြန် မက်ဂရီဂေါအနေနဲ့ ဒေါ်နယ်ကာရုန်းနဲ့ပွဲကို ချန်ပီယံခါးပတ်လုပွဲအဖြစ် ကစားခွင့်ရရှိမှာ မဟုတ်ဘဲ အခုပွဲ အနိုင်ရမှသာ UFC ဘက်က နောက်ထပ် ထိုးသတ်မယ့်ပွဲကို ခါးပတ်လုပွဲအဖြစ် စီစဉ်ပေးဖွယ် ရှိနေပါတယ်။  မက်ဂရီဂေါဟာ ဝဲလ်တာဝိတ်တန်းအတွက် ထိုးသတ်ဖို့ဆိုရင် အခုလက်ရှိထက် ၁၅ ပေါင်လောက် ပိုတိုးလာဖို့ လိုအပ်နေတာကြောင့် အခုလို အစားအသောက်တွေကို စနစ်တကျ စားနေတာယ်လို့ ပြောပါတယ်။  ညာသန် တိုက်ခိုက်ရေးအားကစားသမား မက်ဂီရီဂေါဟာ ပရော်ဖက်ရှင်နယ် သက်တမ်းတလျှောက် ၂၁ ပွဲနိုင် ၄ ပွဲရှုံးပြီး ၁၈ ပွဲကတော့ အလဲထိုး အနိုင်ရရှိထားပါတယ်။
2 years Ago
Up